سَبِّحِ ٱسْمَ رَبِّكَ ٱلْأَعْلَى ١
Олий қадар бўлган Роббинг исмини поклаб ёд эт.
1. (Эй Муҳаммад алайҳис-салоту вас-салом), энг олий зот бўлмиш Парвардигорингизнинг номини (ҳар қандай айб-нуқсондан) покланг!
ٱلَّذِى خَلَقَ فَسَوَّىٰ ٢
У яратган ва мутаносиб қилган зотдир.
2. У (барча нарсани) яратиб, расо қилиб қўйган Зотдир.
وَٱلَّذِى قَدَّرَ فَهَدَىٰ ٣
У ўлчовли қилган ва ҳидоятга бошлаган зотдир.
3. У (ҳар бир нарса учун муносиб йўлни) белгилаб, (у нарсани ўша йўлга) ҳидоят қилиб қўйган Зотдир.
وَٱلَّذِىٓ أَخْرَجَ ٱلْمَرْعَىٰ ٤
У ўт-ўланни чиқарган зотдир.
4. У ўт-ўланни ундириб чиқариб,
فَجَعَلَهُۥ غُثَآءً أَحْوَىٰ ٥
Бас, У уни қорайган хашак қилган зотдир.
5. сўнг уни қорамтир хас-хашак қилиб қўйган Зотдир.
سَنُقْرِئُكَ فَلَا تَنسَىٰٓ ٦
Биз сенга қироат қилдирамиз, бас, эсдан чиқармайссан.
6. (Эй Муҳаммад алайҳис-салоту вас-салом), Биз сизни (Жаброил фаришта воситасида Қуръон) қироат қилдирурмиз. Бас, сиз (бирон оят)ни унутмассиз.
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ٧
Магар Аллоҳ хоҳлаганини. Албатта, У ошкорни ҳам, махфий нарсани ҳам биладир.
7. Аллоҳнинг Ўзи (унутишингизни) хоҳлаган оятлардан бошқа (бирон оятни унутмассиз). Албатта У зот ошкора (сўз ва ишлар)ни ҳам, яширин нарсаларни ҳам билиб турур.
وَنُيَسِّرُكَ لِلْيُسْرَىٰ ٨
Ва сени осон йўлга муяссар қилармиз.
8. Биз сизни осон (Динга) муваффақ қилурмиз.
فَذَكِّرْ إِن نَّفَعَتِ ٱلذِّكْرَىٰ ٩
Бас, агар эслатиш манфаат берса, эслатгин.
9. Бас, агар панд-насиҳат фойда берса (кишиларга) панд-насиҳат қилинг! (Яъни, насиҳат кор қилмайдиган кимсаларга сўзингизни исроф қилманг!
سَيَذَّكَّرُ مَن يَخْشَىٰ ١٠
Албатта, қўрққан эсга оладир.
10. (Аллоҳдан) қўрқадиган киши панд-насиҳат олажак.
وَيَتَجَنَّبُهَا ٱلْأَشْقَى ١١
Ва бадбахт ундан четда бўладир.
11. Бадбахт кимса эса ўзини у (насиҳат)дан четга олур.
ٱلَّذِى يَصْلَى ٱلنَّارَ ٱلْكُبْرَىٰ ١٢
У катта оловга кирадир.
12. Катта ўтга (дўзахга) кирадиган (бадбахт кимса ўзини насиҳатдан четга олур).
ثُمَّ لَا يَمُوتُ فِيهَا وَلَا يَحْيَىٰ ١٣
Сўнгра унинг ичида ўлмай ҳам, тирилмай ҳам қоладир.
13. Сўнгра у жойда на ўла олур ва на яшай олур!
قَدْ أَفْلَحَ مَن تَزَكَّىٰ ١٤
Батаҳқиқ, ким пок бўлса, ютуқ топадир.
14. Дарҳақиқат, (куфру исёндан) пок бўлган киши нажот топгандир.
وَذَكَرَ ٱسْمَ رَبِّهِۦ فَصَلَّىٰ ١٥
Ва Роббиси исмини зикр қилса ва намоз ўқиса ҳамдир.
15. Ва Парвардигорининг номини ёд этиб намоз ўқиган (ҳар бир киши нажот топгандир).
بَلْ تُؤْثِرُونَ ٱلْحَيَوٰةَ ٱلدُّنْيَا ١٦
Лекин, сизлар дунё ҳаётини устун қўясизлар.
16. Йўқ, сизлар (эй кофирлар), ҳаёти дунёни устун қўюрсизлар!
وَٱلْءَاخِرَةُ خَيْرٌ وَأَبْقَىٰٓ ١٧
Ҳолбуки, охират яхшироқ ва боқийроқдир.
17. Ҳолбуки, Охират яхшироқ ва боқийроқдир.
إِنَّ هَٰذَا لَفِى ٱلصُّحُفِ ٱلْأُولَىٰ ١٨
Албатта, бу аввалги саҳифаларда бордир.
18. Дарвоқеъ, бу (сурада мазкур бўлган панд-насиҳатлар) аввалги (пайғамбарларга нозил бўлган) саҳифаларда
صُحُفِ إِبْرَٰهِيمَ وَمُوسَىٰ ١٩
Иброҳим ва Мусо саҳифаларидадир.
19. — Иброҳим ва Мусо саҳифаларида ҳам бордир.