سَبِّحِ ٱسْمَ رَبِّكَ ٱلْأَعْلَى ١
AzərbaycancaMəmmədəliyev – Bünyadov
(Ya Peyğəmbər!) Ən uca olan Rəbbinin adını pak (müqəddəs) tutub şə’ninə təriflər de!
AzərbaycancaAlıxan Musayev
Ən Uca Rəbbinin adına təriflər de!
سُورَةُ الأعلى
Əla surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلَّذِى خَلَقَ فَسَوَّىٰ ٢
AzərbaycancaMəmmədəliyev – Bünyadov
O Rəbbin ki, (hər şeyi) xəlq etdi və nizama saldı.
AzərbaycancaAlıxan Musayev
O Rəbbin ki, hər şeyi yaradıb kamilləşdirdi;
وَٱلَّذِى قَدَّرَ فَهَدَىٰ ٣
AzərbaycancaMəmmədəliyev – Bünyadov
O Rəbbin ki, (hər şeyin keyfiyyətini, xüsusiyyətini, davam müddətini) əzəldən müəyyən etdi və (hamıya) yol göstərdi.
AzərbaycancaAlıxan Musayev
O Rəbbin ki, hər şeyin müqəddəratını əzəldən müəyyən edərək yol göstərdi;
وَٱلَّذِىٓ أَخْرَجَ ٱلْمَرْعَىٰ ٤
AzərbaycancaMəmmədəliyev – Bünyadov
O Rəbbin ki, (torpağı yarıb ondan yamyaşıl) otlar çıxartdı.
AzərbaycancaAlıxan Musayev
O Rəbbin ki, otlağı cücərtdi,
فَجَعَلَهُۥ غُثَآءً أَحْوَىٰ ٥
AzərbaycancaMəmmədəliyev – Bünyadov
Sonra da onu (qupquru) qara çör-çöpə döndərdi.
AzərbaycancaAlıxan Musayev
sonra da qaralmış samana çevirdi.
سَنُقْرِئُكَ فَلَا تَنسَىٰٓ ٦
AzərbaycancaMəmmədəliyev – Bünyadov
(Ya Peyğəmbər!) Biz sənə (Qur’anı) oxudacağıq və sən (onu) unutmayacaqsan;
AzərbaycancaAlıxan Musayev
Biz sənə Quranı elə oxumaq imkanı verəcəyik ki, o, yadından çıxmayacaq.
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ٧
AzərbaycancaMəmmədəliyev – Bünyadov
Yalnız Allahın dilədiyindən (hökmünü ləğv etdiyimiz bu və ya digər ayədən) başqa! Şübhəsiz ki, O, aşkarı da, gizlini də bilir!
AzərbaycancaAlıxan Musayev
Əlbəttə, Allahın istədiyindən başqa. Həqiqətən, O, aşkardakından da, gizli qalandan da xəbərdardır.
وَنُيَسِّرُكَ لِلْيُسْرَىٰ ٨
AzərbaycancaMəmmədəliyev – Bünyadov
Biz sənə ən asan olanı (islam şəriətini) müyəssər edərik.
AzərbaycancaAlıxan Musayev
Səni ən asan olana müvəffəq edərik.
فَذَكِّرْ إِن نَّفَعَتِ ٱلذِّكْرَىٰ ٩
AzərbaycancaMəmmədəliyev – Bünyadov
(Ya Peyğəmbər!) Əgər nəsihət etmək fayda versə, (ümmətinə Qur’anla) öyüd-nəsihət ver!
AzərbaycancaAlıxan Musayev
Xatırlatmanın fayda verdiyini görsən, onlara xatırlat!
سَيَذَّكَّرُ مَن يَخْشَىٰ ١٠
AzərbaycancaMəmmədəliyev – Bünyadov
(Allahdan) qorxan kimsə mütləq öyüd-nəsihət qəbul edəcəkdir!
AzərbaycancaAlıxan Musayev
Allahdan qorxanlar öyüd-nəsihət götürərlər.
وَيَتَجَنَّبُهَا ٱلْأَشْقَى ١١
AzərbaycancaMəmmədəliyev – Bünyadov
Bədbəxt (kafir) isə ondan (öyüd-nəsihətdən) qaçacaqdır.
AzərbaycancaAlıxan Musayev
Ən bədbəxt kimsələr isə onu qulaqardına vurarlar.
ٱلَّذِى يَصْلَى ٱلنَّارَ ٱلْكُبْرَىٰ ١٢
AzərbaycancaMəmmədəliyev – Bünyadov
(O bədbəxt ki) ən böyük oda (cəhənnəm oduna) girəcəkdir.
AzərbaycancaAlıxan Musayev
O kimsə ki, Cəhənnəmə atılacaq,
ثُمَّ لَا يَمُوتُ فِيهَا وَلَا يَحْيَىٰ ١٣
AzərbaycancaMəmmədəliyev – Bünyadov
Orada nə öləcək, nə də yaşayacaqdır! (Nə ölü kimi ölü, nə də diri kimi diri olacaqdır!)
AzərbaycancaAlıxan Musayev
O orada nə öləcək, nə də yaşaya biləcəkdir.
قَدْ أَفْلَحَ مَن تَزَكَّىٰ ١٤
AzərbaycancaMəmmədəliyev – Bünyadov
(Günahlardan) təmizlənən kimsə isə nicat tapacaqdır.
AzərbaycancaAlıxan Musayev
Günahlardan təmizlənən kimsə isə uğur qazanmışdır.
وَذَكَرَ ٱسْمَ رَبِّهِۦ فَصَلَّىٰ ١٥
AzərbaycancaMəmmədəliyev – Bünyadov
O kimsə ki, Rəbbinin adını zikr edib namaz qılar!
AzərbaycancaAlıxan Musayev
O kimsə ki, Rəbbinin adını xatırlayıb namaz qılmışdır.
بَلْ تُؤْثِرُونَ ٱلْحَيَوٰةَ ٱلدُّنْيَا ١٦
AzərbaycancaMəmmədəliyev – Bünyadov
Lakin siz (ey insanlar!) dünyanı üstün tutursunuz!
AzərbaycancaAlıxan Musayev
Xeyr, siz dünya həyatını olduqca üstün tutursunuz;
وَٱلْءَاخِرَةُ خَيْرٌ وَأَبْقَىٰٓ ١٧
AzərbaycancaMəmmədəliyev – Bünyadov
Halbuki axirət daha xeyirli və daha baqidir.
AzərbaycancaAlıxan Musayev
Axirət isə daha xeyirli və daha sürəklidir.
إِنَّ هَٰذَا لَفِى ٱلصُّحُفِ ٱلْأُولَىٰ ١٨
AzərbaycancaMəmmədəliyev – Bünyadov
Həqiqətən, bu deyilənlər (Qur’andan) əvvəlki kitablarda mövcuddur -
AzərbaycancaAlıxan Musayev
Həqiqətən də bu, əvvəlki səhifələrdə bildirilmişdir –
صُحُفِ إِبْرَٰهِيمَ وَمُوسَىٰ ١٩
AzərbaycancaMəmmədəliyev – Bünyadov
İbrahimin və Musanın kitablarında!
AzərbaycancaAlıxan Musayev
İbrahimin və Musanın səhifələrində.