أَلَمْ نَشْرَحْ لَكَ صَدْرَكَ ١
Сенинг кўксингни кенг қилиб қўймадикми?
1. (Эй Муҳаммад алайҳис-салоту вас-салом), Биз сизнинг қалбингизни (иймон ва Қуръон нури билан) кенг-мунаввар қилиб қўймадикми?
وَوَضَعْنَا عَنكَ وِزْرَكَ ٢
Ва сенинг юкингни енгиллатмадикми?
2. Ва Биз сиздан юкингизни олиб қўйдик.
ٱلَّذِىٓ أَنقَضَ ظَهْرَكَ ٣
У сенинг елкангни босиб турган эди.
3. У елкангизни эзиб турган оғир (юкингизни олиб қўйдик).
وَرَفَعْنَا لَكَ ذِكْرَكَ ٤
Ва сенинг зикрингни юқори кўтардик.
4. Ва Биз сизнинг зикрингизни (яъни, мартабангизни) баланд қилиб қўйдик.
فَإِنَّ مَعَ ٱلْعُسْرِ يُسْرًا ٥
Бас, албатта, бир қийинчилик билан осончилик бордир.
5. Бас, албатта ҳар бир оғирлик-машаққат билан бирга бир енгиллик ҳам бордир.
إِنَّ مَعَ ٱلْعُسْرِ يُسْرًا ٦
Албатта, бир қийинчилик билан осончилик бордир.
6. Албатта ҳар бир оғирлик-машаққат билан бирга бир енгиллик ҳам бордир.
فَإِذَا فَرَغْتَ فَٱنصَبْ ٧
Фориғ бўлсанг, ибодатига урингин.
7. Бас, (эй Муҳаммад алайҳис-салоту вас-салом), қачон сиз (кишиларни Ҳақ йўлга даъват қилишдан ва бошқа дунёвий ҳожатлардан — ишлардан) фориғ бўлсангиз (ўрнингиздан) туринг.
وَإِلَىٰ رَبِّكَ فَٱرْغَب ٨
Ва фақат Роббингга рағбат қил.
8. Ва ёлғиз Парвардигорингизга юзингизни буринг!