حمٓ ١
AzərbaycancaMəmmədəliyev – Bünyadov
Ha, Mim!
AzərbaycancaAlıxan Musayev
Ha. Mim.
سُورَةُ الدخان
Duxan surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلْكِتَٰبِ ٱلْمُبِينِ ٢
AzərbaycancaMəmmədəliyev – Bünyadov
(Haqqı batildən, halalı haramdan ayıran) açıq-aydın Kitaba and olsun ki,
AzərbaycancaAlıxan Musayev
And olsun bu aydın Kitaba!
إِنَّآ أَنزَلْنَٰهُ فِى لَيْلَةٍ مُّبَٰرَكَةٍ ۚ إِنَّا كُنَّا مُنذِرِينَ ٣
AzərbaycancaMəmmədəliyev – Bünyadov
Biz onu mübarək bir gecədə (qədr gecəsində) nazil etdik. Biz (o Kitab vəsitəsilə kafirləri Öz əzabımızla) qorxuduruq!
AzərbaycancaAlıxan Musayev
Biz onu mübarək bir gecədə nazil etdik. Həqiqətən, Biz qorxuduruq.
فِيهَا يُفْرَقُ كُلُّ أَمْرٍ حَكِيمٍ ٤
AzərbaycancaMəmmədəliyev – Bünyadov
Hər bir hikmətli (dəyişilməsi mümkün olmayan) iş o gecə hökm (ayırd) olunur –
AzərbaycancaAlıxan Musayev
Hər bir hikmətli iş o gecədə ayırd edilir –
أَمْرًا مِّنْ عِندِنَآ ۚ إِنَّا كُنَّا مُرْسِلِينَ ٥
AzərbaycancaMəmmədəliyev – Bünyadov
Dərgahımızdan bir buyuruq olaraq! Həqiqətən, (peyğəmbərləri) Biz göndəririk –
AzərbaycancaAlıxan Musayev
dərgahımızdan vəhy edilən əmr ilə. Həqiqətən, kitabları və elçiləri Biz göndəririk –
رَحْمَةً مِّن رَّبِّكَ ۚ إِنَّهُۥ هُوَ ٱلسَّمِيعُ ٱلْعَلِيمُ ٦
AzərbaycancaMəmmədəliyev – Bünyadov
Sənin Rəbbindən (bəndələrə) bir mərhəmət olaraq (ya Peyğəmbər!). Şübhəsiz ki, O (hər şeyi) eşidəndir, (hər şeyi) biləndir!
AzərbaycancaAlıxan Musayev
sənin Rəbbindən mərhəmət olaraq. Şübhəsiz ki, O, Eşidəndir, Biləndir.
رَبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَآ ۖ إِن كُنتُم مُّوقِنِينَ ٧
AzərbaycancaMəmmədəliyev – Bünyadov
O, göylərin, yerin və onların arasında olanların (bütün məxluqatın) Rəbbidir. (Ey Məkkə əhli!) Əgər (Allahın haqq olduğuna) tam yəqinliklə inanırsınızsa (bilin ki, Muhəmməd əleyhissəlam da Onun Peyğəmbəridir)!
AzərbaycancaAlıxan Musayev
Əgər yəqinliklə inanırsınızsa, bilin ki, Allah göylərin, yerin və onların arasında olanların Rəbbidir.
لَآ إِلَٰهَ إِلَّا هُوَ يُحْىِۦ وَيُمِيتُ ۖ رَبُّكُمْ وَرَبُّ ءَابَآئِكُمُ ٱلْأَوَّلِينَ ٨
AzərbaycancaMəmmədəliyev – Bünyadov
Ondan başqa heç bir tanrı yoxdur. O həm dirildir, həm də öldürür. O həm sizin Rəbbiniz, həm də ulu babalarınızın Rəbbidir.
AzərbaycancaAlıxan Musayev
Ondan başqa ibadətə layiq olan məbud yoxdur. O həm dirildir, həm də öldürür. O həm sizin Rəbbiniz, həm də əcdadlarınızın Rəbbidir.
بَلْ هُمْ فِى شَكٍّ يَلْعَبُونَ ٩
AzərbaycancaMəmmədəliyev – Bünyadov
Lakin onlar (Məkkə müşrikləri) şəkk içində qalıb oyun oynayırlar (Allaha, qiyamətə ürəkdən inanmır, Qur’ana və Peyğəmbərə istehza edirlər).
AzərbaycancaAlıxan Musayev
Lakin onlar şəkkə qapılıb əylənirlər.
فَٱرْتَقِبْ يَوْمَ تَأْتِى ٱلسَّمَآءُ بِدُخَانٍ مُّبِينٍ ١٠
AzərbaycancaMəmmədəliyev – Bünyadov
(Ya Peyğəmbər!) Sən göyün aşkar bir dumana bürünəcəyi günü gözlə! (O gün müşriklərə elə bir aclıq üz verəcəkdir ki, gözləri qaranlıq gətirib yerlə göyün arasını, sanki bir duman bürüdüyünü görəcəklər!)
AzərbaycancaAlıxan Musayev
Sən göydən aşkar bir tüstü gələcəyi günü gözlə.
يَغْشَى ٱلنَّاسَ ۖ هَٰذَا عَذَابٌ أَلِيمٌ ١١
AzərbaycancaMəmmədəliyev – Bünyadov
(Elə bir duman ki) insanları saracaqdır. Bu, şiddətli bir əzabdır! (Doğrudan da, Qüreyş müşriklərinə küfrləri üzündən belə bir aclıq üz vermiş, onlar çarəsizlikdən napak şeyləri belə yeməyə məcbur olmuşlar).
AzərbaycancaAlıxan Musayev
O tüstü ki, insanları bürüyəcəkdir. Bu, ağrılı-acılı bir əzabdır.
رَّبَّنَا ٱكْشِفْ عَنَّا ٱلْعَذَابَ إِنَّا مُؤْمِنُونَ ١٢
AzərbaycancaMəmmədəliyev – Bünyadov
(Belə bir bəlaya uğrayan müşriklər deyəcəklər:) “Ey Rəbbimiz! Bizi bu əzabdan qurtar. Biz, həqiqətən iman gətirəcəyik!” (Məkkə müşriklərinin bu yalvarışından sonra Peyğəmbər əleyhissəlam Allaha dua etmiş, Allah da onları həmin bəladan qurtarmışdı. Lakin müşriklərin çoxu öz sözünün üstündə durmamışdı).
AzərbaycancaAlıxan Musayev
Onlar: “Ey Rəbbimiz! Bizi bu əzabdan qurtar, biz də iman gətirək”– deyəcəklər.
أَنَّىٰ لَهُمُ ٱلذِّكْرَىٰ وَقَدْ جَآءَهُمْ رَسُولٌ مُّبِينٌ ١٣
AzərbaycancaMəmmədəliyev – Bünyadov
Onlara hara, öyüd-nəsihət eşitmək hara?! Halbuki onlara açıq-aşkar bir peyğəmbər gəldi,
AzərbaycancaAlıxan Musayev
Onlar necə öyüd-nəsihət eşidə bilərlər ki, artıq onlara açıq-aşkar bir peyğəmbər gəlsə də,
ثُمَّ تَوَلَّوْا۟ عَنْهُ وَقَالُوا۟ مُعَلَّمٌ مَّجْنُونٌ ١٤
AzərbaycancaMəmmədəliyev – Bünyadov
Onlar isə ondan üz çevirib belə dedilər: “(Bu başqası tərəfindən) öyrədilmiş bir divanədir! (Özü heç bir şey bilmir, Qur’anı kimsə ona öyrədir)”.
AzərbaycancaAlıxan Musayev
onlar ondan üz çevirib: “Öyrədilmiş bir dəlidir!”– dedilər.
إِنَّا كَاشِفُوا۟ ٱلْعَذَابِ قَلِيلًا ۚ إِنَّكُمْ عَآئِدُونَ ١٥
AzərbaycancaMəmmədəliyev – Bünyadov
Biz sizi bu əzabdan azacıq qurtaracağıq, siz isə (yenidən küfrə) qayıdacaqsınız!
AzərbaycancaAlıxan Musayev
Biz əzabı bir az sizdən uzaqlaşdırarıq, amma siz yenə azğınlığa qayıdacaqsınız.
يَوْمَ نَبْطِشُ ٱلْبَطْشَةَ ٱلْكُبْرَىٰٓ إِنَّا مُنتَقِمُونَ ١٦
AzərbaycancaMəmmədəliyev – Bünyadov
Onları lap möhkəm yaxalayacağımız gün (qiyamət, yaxud Bədr vuruşu günü), şübhəsiz ki, Biz (onlardan) intiqam alacağıq!
AzərbaycancaAlıxan Musayev
Kafirləri böyük bir müsibətlə yaxalayacağımız gün, Biz onlardan intiqam alacağıq.
۞ وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَآءَهُمْ رَسُولٌ كَرِيمٌ ١٧
AzərbaycancaMəmmədəliyev – Bünyadov
And olsun ki, Biz onlardan əvvəl Fir’on qövmünü imtahana çəkmişdik. Onlara möhtərəm bir peyğəmbər (Musa) gəlmişdi.
AzərbaycancaAlıxan Musayev
Biz onlardan əvvəl Fironun xalqını da sınadıq. Onlara möhtərəm bir elçi gəldi.
أَنْ أَدُّوٓا۟ إِلَىَّ عِبَادَ ٱللَّهِ ۖ إِنِّى لَكُمْ رَسُولٌ أَمِينٌ ١٨
AzərbaycancaMəmmədəliyev – Bünyadov
(O demişdi:) “Allahın bəndələrini (İsrail oğullarını) mənə verin. Həqiqətən, mən sizin üçün mö’təbər (güvəniləsi, sözündə düz, əmanətə xəyanət etməyən) bir peyğəmbərəm!
AzərbaycancaAlıxan Musayev
O dedi: “Allahın qullarını mənə qaytarın. Həqiqətən, mən sizin üçün etibarlı bir elçiyəm.
وَأَن لَّا تَعْلُوا۟ عَلَى ٱللَّهِ ۖ إِنِّىٓ ءَاتِيكُم بِسُلْطَٰنٍ مُّبِينٍ ١٩
AzərbaycancaMəmmədəliyev – Bünyadov
Allaha qarşı təkəbbür göstərməyin. Həqiqətən, mən sizə (dediklərimin düzgünlüyünü sübut edən) açıq-aşkar bir dəlil gətirmişəm!”
AzərbaycancaAlıxan Musayev
Allaha qarşı təkəbbür göstərməyin. Həqiqətən, mən sizə aydın bir sübut gətirmişəm.
وَإِنِّى عُذْتُ بِرَبِّى وَرَبِّكُمْ أَن تَرْجُمُونِ ٢٠
AzərbaycancaMəmmədəliyev – Bünyadov
(Onlar Musanı daşqalaq edəcəkləri ilə hədələdilər. Musa dedi:) “Mən sizin məni daşqalaq etmənizdən mənim də Rəbbim, sizin də Rəbbiniz olan Allaha pənah aparıram!
AzərbaycancaAlıxan Musayev
Mən sizin məni daşa basmanızdan həm mənim Rəbbim, həm də sizin Rəbbiniz olan Allaha sığınıram.
وَإِن لَّمْ تُؤْمِنُوا۟ لِى فَٱعْتَزِلُونِ ٢١
AzərbaycancaMəmmədəliyev – Bünyadov
Əgər mənə iman gətirməyəcəksinizsə, məndən uzaq olun!”
AzərbaycancaAlıxan Musayev
Əgər mənə inanmırsınızsa, onda məndən uzaq olun!”
فَدَعَا رَبَّهُۥٓ أَنَّ هَٰٓؤُلَآءِ قَوْمٌ مُّجْرِمُونَ ٢٢
AzərbaycancaMəmmədəliyev – Bünyadov
Sonra (Musa) Rəbbinə belə dua etdi: “Həqiqətən, bunlar günahkar bir qövmdür! (Pərvərdigara! Bunlara layiq olduqları cəzanı ver!)”
AzərbaycancaAlıxan Musayev
Sonra o, Rəbbinə yalvarıb dedi: “Həqiqətən, bunlar günahkar adamlardır!”
فَأَسْرِ بِعِبَادِى لَيْلًا إِنَّكُم مُّتَّبَعُونَ ٢٣
AzərbaycancaMəmmədəliyev – Bünyadov
(Allah buyurdu:) “Bəndələrimi (İsrail oğullarını) götürüb gecə ikən onlarla yola çıx. Siz (Fir’on və onun qövmü tərəfindən) tə’qib olunacaqsınız!
AzərbaycancaAlıxan Musayev
Allah dedi: “Qullarımla birlikdə gecə yola çıx. Şübhəsiz ki, siz təqib olunacaqsınız.
وَٱتْرُكِ ٱلْبَحْرَ رَهْوًا ۖ إِنَّهُمْ جُندٌ مُّغْرَقُونَ ٢٤
AzərbaycancaMəmmədəliyev – Bünyadov
Dənizi də açıq (və sakit) burax! (Dəryanı – Nil çayını keçdikdən sonra əsanı suya vurub orada açılmış yolları bağlama. Qoy Fir’on və qoşunu dəryada yollar açıldığını görüb ora girsinlər). Onlar suya qərq olacaq əsgərlərdir!”
AzərbaycancaAlıxan Musayev
Dənizi də sakit burax! Onlar suda batırılacaq əsgərlərdir!”
كَمْ تَرَكُوا۟ مِن جَنَّٰتٍ وَعُيُونٍ ٢٥
AzərbaycancaMəmmədəliyev – Bünyadov
(Fir’onun bütün ə’yan-əşrafı və əsgərləri boğulub tələf oldular). Onlar (özlərindən sonra) neçə-neçə bağlar, çeşmələr qoyub getdilər;
AzərbaycancaAlıxan Musayev
Onlar neçə-neçə bağlar, çeşmələr qoyub getdilər;
وَزُرُوعٍ وَمَقَامٍ كَرِيمٍ ٢٦
AzərbaycancaMəmmədəliyev – Bünyadov
Neçə-neçə əkinlər, gözəl yerlər (möhtəşəm qəsrlər).
AzərbaycancaAlıxan Musayev
Habelə əkinlər, möhtəşəm yerlər
وَنَعْمَةٍ كَانُوا۟ فِيهَا فَٰكِهِينَ ٢٧
AzərbaycancaMəmmədəliyev – Bünyadov
Və zövq aldıqları neçə-neçə ne’mətlər (tərk etdilər).
AzərbaycancaAlıxan Musayev
və içində həzz aldıqları nemətləri də qoyub getdilər.
كَذَٰلِكَ ۖ وَأَوْرَثْنَٰهَا قَوْمًا ءَاخَرِينَ ٢٨
AzərbaycancaMəmmədəliyev – Bünyadov
(Onları) belə (cəzalandırdıq) və ona (onların sərvətlərinə, mülklərinə) başqalarını (İsrail oğullarını) varis etdik!
AzərbaycancaAlıxan Musayev
Bax belə! Biz o nemətlərə başqalarını varis etdik.
فَمَا بَكَتْ عَلَيْهِمُ ٱلسَّمَآءُ وَٱلْأَرْضُ وَمَا كَانُوا۟ مُنظَرِينَ ٢٩
AzərbaycancaMəmmədəliyev – Bünyadov
Onlardan ötrü nə göy, nə də yer ağladı. Onlara (tövbə etməyə) imkan da verilmədi! (Əksinə, elə bu dünyada cəzalarına çatdılar; axirət əzabı isə daha şiddətli olacaqdır. Budur küfrün nəticəsi!)
AzərbaycancaAlıxan Musayev
Nə göy, nə də yer onlardan ötrü ağlamadı. Onlara möhlət də verilmədi.
وَلَقَدْ نَجَّيْنَا بَنِىٓ إِسْرَٰٓءِيلَ مِنَ ٱلْعَذَابِ ٱلْمُهِينِ ٣٠
AzərbaycancaMəmmədəliyev – Bünyadov
İsrail oğularını isə o alçaldıcı əzabdan qurtardıq,
AzərbaycancaAlıxan Musayev
Artıq İsrail oğullarını alçaldıcı əzabdan qurtardıq –
مِن فِرْعَوْنَ ۚ إِنَّهُۥ كَانَ عَالِيًا مِّنَ ٱلْمُسْرِفِينَ ٣١
AzərbaycancaMəmmədəliyev – Bünyadov
Fir’ondan (xilas etdik). Həqiqətən, o, təkəbbür göstərən, həddi aşanlardan idi!
AzərbaycancaAlıxan Musayev
Firondan. Həqiqətən, o, özünü yüksək tutan və həddi aşanlardan idi.
وَلَقَدِ ٱخْتَرْنَٰهُمْ عَلَىٰ عِلْمٍ عَلَى ٱلْعَٰلَمِينَ ٣٢
AzərbaycancaMəmmədəliyev – Bünyadov
And olsun ki, Biz onları (İsrail övladını) Özümüz bilə-bilə aləmlərdən (bir hikməti-ilahi ilə zəmanələrindəki bəşər əhlindən) üstün tutduq.
AzərbaycancaAlıxan Musayev
Biz onları (İsrail oğullarını) Öz elmimizlə aləmlərdən üstün tutduq.
وَءَاتَيْنَٰهُم مِّنَ ٱلْءَايَٰتِ مَا فِيهِ بَلَٰٓؤٌا۟ مُّبِينٌ ٣٣
AzərbaycancaMəmmədəliyev – Bünyadov
Onlara (özlərini necə aparacaqlarını bilmək üçün) hər biri açıq-aşkar bir imtahan olan mö’cüzələr (dənizin yarılması, bildirçin əti, qüdrət halvası və s.) verdik.
AzərbaycancaAlıxan Musayev
Onlara içində açıq-aydın imtahan olan dəlillər verdik.
إِنَّ هَٰٓؤُلَآءِ لَيَقُولُونَ ٣٤
AzərbaycancaMəmmədəliyev – Bünyadov
(Ya Peyğəmbər!) Bunlar (sənin qövmünün müşrikləri) mütləq deyəcəklər:
AzərbaycancaAlıxan Musayev
Bunlar mütləq deyəcəklər:
إِنْ هِىَ إِلَّا مَوْتَتُنَا ٱلْأُولَىٰ وَمَا نَحْنُ بِمُنشَرِينَ ٣٥
AzərbaycancaMəmmədəliyev – Bünyadov
“Bu (ölüm) elə bizim ilk (və son) ölümümüzdür ki var. Biz bir daha dirildiləcək deyilik!
AzərbaycancaAlıxan Musayev
“Bizim ancaq bircə ölümümüz var. Biz bir daha dirildilməyəcəyik.
فَأْتُوا۟ بِـَٔابَآئِنَآ إِن كُنتُمْ صَٰدِقِينَ ٣٦
AzərbaycancaMəmmədəliyev – Bünyadov
Əgər (öləndən sonra Allahın bizi dirildəcəyini) doğru deyirsinizsə, (bizdən qabaq ölmüş) atalarımızı (dirildib) gətirin görək!”
AzərbaycancaAlıxan Musayev
Əgər doğru deyirsinizsə, onda atalarımızı dirildib gətirin!”
أَهُمْ خَيْرٌ أَمْ قَوْمُ تُبَّعٍ وَٱلَّذِينَ مِن قَبْلِهِمْ ۚ أَهْلَكْنَٰهُمْ ۖ إِنَّهُمْ كَانُوا۟ مُجْرِمِينَ ٣٧
AzərbaycancaMəmmədəliyev – Bünyadov
(Ya Peyğəmbər!) Bunlar (Məkkə müşrikləri) yaxşıdır (qüvvətlidir), yoxsa (Yəmən padşahlarından Tövrata inanan Əbu Kərb Əs’ədin) Tübbə’ qövmü, yaxud onlardan əvvəlkilər?! (Ad, Səmud, Mədyən və Əykə tayfaları?!) Günah işlədikləri üçün Biz onları məhv etdik.
AzərbaycancaAlıxan Musayev
Bunlar yaxşıdır, yoxsa Tubba tayfası və onlardan əvvəlkilər? Biz onları məhv etdik. Çünki onlar günahkar adamlar idi.
وَمَا خَلَقْنَا ٱلسَّمَٰوَٰتِ وَٱلْأَرْضَ وَمَا بَيْنَهُمَا لَٰعِبِينَ ٣٨
AzərbaycancaMəmmədəliyev – Bünyadov
Biz göyləri, yeri və onların arasında olanları oyun-oyuncaq (əyləncə) yaratmadıq!
AzərbaycancaAlıxan Musayev
Biz göyü, yeri və onların arasında olanları əyləncə üçün və əbəs yerə yaratmadıq.
مَا خَلَقْنَٰهُمَآ إِلَّا بِٱلْحَقِّ وَلَٰكِنَّ أَكْثَرَهُمْ لَا يَعْلَمُونَ ٣٩
AzərbaycancaMəmmədəliyev – Bünyadov
Biz onları yalnız haqq olaraq yaratdıq, lakin onların (Məkkə müşriklərinin) əksəriyyəti (bunu) bilməz!
AzərbaycancaAlıxan Musayev
Biz onları əsl həqiqət kimi yaratdıq, lakin çoxları bunu bilmir.
إِنَّ يَوْمَ ٱلْفَصْلِ مِيقَٰتُهُمْ أَجْمَعِينَ ٤٠
AzərbaycancaMəmmədəliyev – Bünyadov
Şübhəsiz ki, (haqqı batildən, yaxşını yamandan, mö’mini kafirdən) ayırd etmə günü onların hamısının (bir yerdə olma) vaxtıdır!
AzərbaycancaAlıxan Musayev
Şübhəsiz ki, ayırd etmə günü onların hamısı üçün müəyyən olunmuş vaxtdır.
يَوْمَ لَا يُغْنِى مَوْلًى عَن مَّوْلًى شَيْـًٔا وَلَا هُمْ يُنصَرُونَ ٤١
AzərbaycancaMəmmədəliyev – Bünyadov
O gün dostun dosta heç bir faydası olmaz, onlara kömək də edilməz! (Heç kəs heç kəsdən Allahın əzabını dəf edə bilməz!)
AzərbaycancaAlıxan Musayev
O gün dost dosta heç bir şeylə fayda verə bilməyəcək, onlara kömək də edilməyəcəkdir.
إِلَّا مَن رَّحِمَ ٱللَّهُ ۚ إِنَّهُۥ هُوَ ٱلْعَزِيزُ ٱلرَّحِيمُ ٤٢
AzərbaycancaMəmmədəliyev – Bünyadov
Allahın rəhm etdiyi kimsədən başqa! Şübhəsiz ki, O, yenilməz qüvvət, mərhəmət sahibidir!
AzərbaycancaAlıxan Musayev
Allahın rəhm etdiyi kimsələrdən başqa! Həqiqətən, O, Qüdrətlidir, Rəhmlidir.
إِنَّ شَجَرَتَ ٱلزَّقُّومِ ٤٣
AzərbaycancaMəmmədəliyev – Bünyadov
Həqiqətən, (Cəhənnəmdəki) zəqqum ağacı
AzərbaycancaAlıxan Musayev
Həqiqətən, zəqqum ağacı
طَعَامُ ٱلْأَثِيمِ ٤٤
AzərbaycancaMəmmədəliyev – Bünyadov
Günahkar (kafir) kimsənin yeməyidir!
AzərbaycancaAlıxan Musayev
günahkar adamın yeməyidir.
كَٱلْمُهْلِ يَغْلِى فِى ٱلْبُطُونِ ٤٥
AzərbaycancaMəmmədəliyev – Bünyadov
O, ərinmiş mis (yağ) kimi qarınlarda qaynar;
AzərbaycancaAlıxan Musayev
Əridilmiş yağın çöküntüsü kimi qarınlarda qaynayar –
كَغَلْىِ ٱلْحَمِيمِ ٤٦
AzərbaycancaMəmmədəliyev – Bünyadov
Qaynar su qaynayan kimi!
AzərbaycancaAlıxan Musayev
qaynar su qaynayan kimi.
خُذُوهُ فَٱعْتِلُوهُ إِلَىٰ سَوَآءِ ٱلْجَحِيمِ ٤٧
AzərbaycancaMəmmədəliyev – Bünyadov
(Allah əzab mələklərinə buyurar:) “Onu tutub Cəhənnəmin tən ortasına sürüyün!
AzərbaycancaAlıxan Musayev
Onu tutub Cəhənnəmin ortasına sürüyün!
ثُمَّ صُبُّوا۟ فَوْقَ رَأْسِهِۦ مِنْ عَذَابِ ٱلْحَمِيمِ ٤٨
AzərbaycancaMəmmədəliyev – Bünyadov
Sonra başına əzab olaraq qaynar su tökün!
AzərbaycancaAlıxan Musayev
Sonra əzab vermək üçün başına qaynar su tökün!
ذُقْ إِنَّكَ أَنتَ ٱلْعَزِيزُ ٱلْكَرِيمُ ٤٩
AzərbaycancaMəmmədəliyev – Bünyadov
(Və ona belə deyin:) “(Bu əzabı) bir dad görək! Sən ki (öz aləmində) çox qüvvətli, möhtərəm bir şəxs idin!”
AzərbaycancaAlıxan Musayev
Dad bu əzabı! Sən ki qüdrətli və şərəfli idin.
إِنَّ هَٰذَا مَا كُنتُم بِهِۦ تَمْتَرُونَ ٥٠
AzərbaycancaMəmmədəliyev – Bünyadov
Bu, (dünyada ikən) şəkk etdiyiniz (əzabdır)!
AzərbaycancaAlıxan Musayev
Sizin şübhə etdiyiniz əzab budur!
إِنَّ ٱلْمُتَّقِينَ فِى مَقَامٍ أَمِينٍ ٥١
AzərbaycancaMəmmədəliyev – Bünyadov
Müttəqilər isə qorxusuz-xətərsiz bir yerdə -
AzərbaycancaAlıxan Musayev
Allahdan qorxanlar isə təhlükəsiz bir yerdə –
فِى جَنَّٰتٍ وَعُيُونٍ ٥٢
AzərbaycancaMəmmədəliyev – Bünyadov
Bağçalarda və bulaqlar başında olacaqlar!
AzərbaycancaAlıxan Musayev
bağçalarda və çeşmələr başında olacaqlar!
يَلْبَسُونَ مِن سُندُسٍ وَإِسْتَبْرَقٍ مُّتَقَٰبِلِينَ ٥٣
AzərbaycancaMəmmədəliyev – Bünyadov
Taftadan və atlazdan (nazik və qalın ipdən) libaslar geyib qarşı-qarşıya əyləşəcəklər.
AzərbaycancaAlıxan Musayev
Taftadan və atlazdan libaslar geyib qarşı-qarşıya əyləşəcəklər.
كَذَٰلِكَ وَزَوَّجْنَٰهُم بِحُورٍ عِينٍ ٥٤
AzərbaycancaMəmmədəliyev – Bünyadov
(Mö’minlərin Cənnətdəki əhvalı) belədir. Hələ onları iri (ahu) gözlü hurilərlə evləndirəcəyik.
AzərbaycancaAlıxan Musayev
Bax belə! Üstəlik onları iri qaragözlü hurilərlə də evləndirəcəyik.
يَدْعُونَ فِيهَا بِكُلِّ فَٰكِهَةٍ ءَامِنِينَ ٥٥
AzərbaycancaMəmmədəliyev – Bünyadov
Onlar orada (cənnət ne’mətlərinin tükənməzliyinə) arxayın olaraq hər meyvədən istəyəcəklər.
AzərbaycancaAlıxan Musayev
Onlar orada əmin-amanlıq içində hər meyvədən istəyəcəklər.
لَا يَذُوقُونَ فِيهَا ٱلْمَوْتَ إِلَّا ٱلْمَوْتَةَ ٱلْأُولَىٰ ۖ وَوَقَىٰهُمْ عَذَابَ ٱلْجَحِيمِ ٥٦
AzərbaycancaMəmmədəliyev – Bünyadov
Onlar orada ilk (dünyadakı) ölümdən başqa heç bir ölüm dadmayacaqlar! (Allah) onları cəhənnəm əzabından qorumuşdur -
AzərbaycancaAlıxan Musayev
Onlar orada ilk ölümdən başqa heç bir ölüm dadmayacaqlar. Allah onları Cəhənnəm əzabından qorumuşdur –
فَضْلًا مِّن رَّبِّكَ ۚ ذَٰلِكَ هُوَ ٱلْفَوْزُ ٱلْعَظِيمُ ٥٧
AzərbaycancaMəmmədəliyev – Bünyadov
Sənin Rəbbindən bir lütf olaraq (ya Peyğəmbər!) Bu, böyük qurtuluşdur (uğurdur)!
AzərbaycancaAlıxan Musayev
sənin Rəbbinin lütfkarlığı sayəsində. Məhz bu, böyük uğurdur.
فَإِنَّمَا يَسَّرْنَٰهُ بِلِسَانِكَ لَعَلَّهُمْ يَتَذَكَّرُونَ ٥٨
AzərbaycancaMəmmədəliyev – Bünyadov
Biz onu (Qur’anı ümmətin üçün) ancaq sənin dilinlə asanlaşdırdıq. Bəlkə, anlayıb öyüd-nəsihət qəbul edələr!
AzərbaycancaAlıxan Musayev
Biz Quranı sənin dilində asanlaşdırdıq ki, onlar öyüd-nəsihət ala bilsinlər.
فَٱرْتَقِبْ إِنَّهُم مُّرْتَقِبُونَ ٥٩
AzərbaycancaMəmmədəliyev – Bünyadov
(Ya Peyğəmbər!) Sən (müşriklərin ölümünü, məğlubiyyətini) gözlə. Şübhəsiz ki, onlar da (sənin ölümünü, məğlubiyyətini) gözləyirlər!
AzərbaycancaAlıxan Musayev
Sən gözlə! Şübhəsiz ki, onlar da gözləyirlər.