وَٱلذَّٰرِيَٰتِ ذَرْوًا ١
AzərbaycancaMəmmədəliyev – Bünyadov
(Toz-torpağı) sovurub-dağıdan küləklərə;
AzərbaycancaAlıxan Musayev
And olsun toz-torpağı ətrafa səpələyənlərə!
سُورَةُ الذاريات
Zariyat surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
فَٱلْحَٰمِلَٰتِ وِقْرًا ٢
AzərbaycancaMəmmədəliyev – Bünyadov
Yağış yüklü buludlara;
AzərbaycancaAlıxan Musayev
And olsun yağmur yükü daşıyanlara!
فَٱلْجَٰرِيَٰتِ يُسْرًا ٣
AzərbaycancaMəmmədəliyev – Bünyadov
Asanlıqla üzüb gedən gəmilərə;
AzərbaycancaAlıxan Musayev
And olsun asanlıqla üzüb gedənlərə!
فَٱلْمُقَسِّمَٰتِ أَمْرًا ٤
AzərbaycancaMəmmədəliyev – Bünyadov
Və ruzi bölən (hərəsi bir işə müvəkkil olan) mələklərə and olsun ki,
AzərbaycancaAlıxan Musayev
And olsun işləri paylaşdıranlara!
إِنَّمَا تُوعَدُونَ لَصَادِقٌ ٥
AzərbaycancaMəmmədəliyev – Bünyadov
Sizə və’d olunan (qiyamət) həqiqətdir (mütləq vaqe olacaqdır).
AzərbaycancaAlıxan Musayev
Sizə vəd olunanlar həqiqətdir.
وَإِنَّ ٱلدِّينَ لَوَٰقِعٌ ٦
AzərbaycancaMəmmədəliyev – Bünyadov
Haqq-hesab (əmələ görə cəza və mükafat) da labüddür!
AzərbaycancaAlıxan Musayev
Haqq-hesab da mütləq çəkiləcəkdir.
وَٱلسَّمَآءِ ذَاتِ ٱلْحُبُكِ ٧
AzərbaycancaMəmmədəliyev – Bünyadov
(Cürbəcür ulduz) yolları olan göyə and olsun ki,
AzərbaycancaAlıxan Musayev
And olsun gözəl görünüşü olan səmaya!
إِنَّكُمْ لَفِى قَوْلٍ مُّخْتَلِفٍ ٨
AzərbaycancaMəmmədəliyev – Bünyadov
(Ey müşriklər!) Sizin (Qur’an və Muhəmməd əleyhissəlam barəsində) sözləriniz müxtəlifdir (bə’ziniz Qur’ana şe’r, Peyğəmbərə şair, bə’ziniz də Qur’ana kahinlik əsəri, Peyğəmbərə kahin deyirsiniz).
AzərbaycancaAlıxan Musayev
Sizin sözləriniz ziddiyyətlidir.
يُؤْفَكُ عَنْهُ مَنْ أُفِكَ ٩
AzərbaycancaMəmmədəliyev – Bünyadov
Ondan (Qur’andan, yaxud Muhəmməd əleyhissəlamdan) zatında dönüklük olan kimsə dönər! (Allahın əzəli elmində imandan kim dönmüşdürsə, Qur’andan və Peyğəmbərdən də elə o dönər!)
AzərbaycancaAlıxan Musayev
Ondan (Qurandan və Peyğəmbərdən) dönən kimsə döndərilər.
قُتِلَ ٱلْخَرَّٰصُونَ ١٠
AzərbaycancaMəmmədəliyev – Bünyadov
Məhv olsun yalançılar! (Allah onlara lə’nət eləsin!)
AzərbaycancaAlıxan Musayev
Məhv olsun yalançılar!
ٱلَّذِينَ هُمْ فِى غَمْرَةٍ سَاهُونَ ١١
AzərbaycancaMəmmədəliyev – Bünyadov
O kəslər ki, cəhalət girdabına düşüb (haqdan) qafil olmuşlar!
AzərbaycancaAlıxan Musayev
O kəslər ki, cəhalət içində olan qafillərdir.
يَسْـَٔلُونَ أَيَّانَ يَوْمُ ٱلدِّينِ ١٢
AzərbaycancaMəmmədəliyev – Bünyadov
Onlar (səndən istehza ilə) haqq-hesab gününün nə vaxt olacağını soruşarlar.
AzərbaycancaAlıxan Musayev
Onlar Haqq-hesab gününün nə vaxt olacağını soruşurlar.
يَوْمَ هُمْ عَلَى ٱلنَّارِ يُفْتَنُونَ ١٣
AzərbaycancaMəmmədəliyev – Bünyadov
O gün onlara cəhənnəm odunda əzab veriləcəkdir.
AzərbaycancaAlıxan Musayev
O gün onlara odda əzab veriləcəkdir.
ذُوقُوا۟ فِتْنَتَكُمْ هَٰذَا ٱلَّذِى كُنتُم بِهِۦ تَسْتَعْجِلُونَ ١٤
AzərbaycancaMəmmədəliyev – Bünyadov
(Mələklər onlara deyəcəklər:) “Dadın əzabınızı! Bu sizin (dünyada) tez-tələsik gəlməsini istədiyiniz şeydir (əzabdır)!”
AzərbaycancaAlıxan Musayev
Onlara deyiləcək: “Dadın əzabınızı! Sizin tez-tələsik gəlməsini istədiyiniz şey budur!”
إِنَّ ٱلْمُتَّقِينَ فِى جَنَّٰتٍ وَعُيُونٍ ١٥
AzərbaycancaMəmmədəliyev – Bünyadov
Həqiqətən, müttəqilər cənnətlərdə və çeşmələr başında olacaqlar;
AzərbaycancaAlıxan Musayev
Şübhəsiz ki, müttəqilər Cənnət bağlarında və bulaqlar başında olacaqlar,
ءَاخِذِينَ مَآ ءَاتَىٰهُمْ رَبُّهُمْ ۚ إِنَّهُمْ كَانُوا۟ قَبْلَ ذَٰلِكَ مُحْسِنِينَ ١٦
AzərbaycancaMəmmədəliyev – Bünyadov
Rəbbinin onlara verdiyini alacaqlar. Çünki onlar bundan əvvəl yaxşı əməllər etmişdilər.
AzərbaycancaAlıxan Musayev
öz Rəbbinin onlara verdiyini alacaqlar. Həqiqətən, onlar bundan əvvəl yaxşı iş görən adamlar olmuşdular.
كَانُوا۟ قَلِيلًا مِّنَ ٱلَّيْلِ مَا يَهْجَعُونَ ١٧
AzərbaycancaMəmmədəliyev – Bünyadov
Onlar gecələr (ibadətlə məşğul olub) az yatırdılar.
AzərbaycancaAlıxan Musayev
Onlar gecələr ibadət edib az yatırdılar.
وَبِٱلْأَسْحَارِ هُمْ يَسْتَغْفِرُونَ ١٨
AzərbaycancaMəmmədəliyev – Bünyadov
Səhərlər isə (Allahdan) bağışlanmalarını diləyirdilər.
AzərbaycancaAlıxan Musayev
Sübh çağı isə bağışlanma diləyirdilər.
وَفِىٓ أَمْوَٰلِهِمْ حَقٌّ لِّلسَّآئِلِ وَٱلْمَحْرُومِ ١٩
AzərbaycancaMəmmədəliyev – Bünyadov
Mallarında da dilənçinin və (abrına qısılıb dilənməyən) yoxsulun haqqı (payı) var idi.
AzərbaycancaAlıxan Musayev
Onların mal-dövlətində dilənçinin və yoxsulun payı vardır.
وَفِى ٱلْأَرْضِ ءَايَٰتٌ لِّلْمُوقِنِينَ ٢٠
AzərbaycancaMəmmədəliyev – Bünyadov
Yerdə (Allaha) tam yəqinliklə inananlar üçün (Onun əzəmət və qüdrətinə, vəhdaniyyətinə dəlalət edən) əlamətlər vardır.
AzərbaycancaAlıxan Musayev
Qəti inananlar üçün yer üzündə dəlillər vardır.
وَفِىٓ أَنفُسِكُمْ ۚ أَفَلَا تُبْصِرُونَ ٢١
AzərbaycancaMəmmədəliyev – Bünyadov
Sizin özünüz də (sizi yaradanın birliyini sübut edən) əlamətlər vardır. Məgər görmürsünüz?
AzərbaycancaAlıxan Musayev
Sizin özünüzdə də dəlillər vardır. Məgər görmürsünüz?
وَفِى ٱلسَّمَآءِ رِزْقُكُمْ وَمَا تُوعَدُونَ ٢٢
AzərbaycancaMəmmədəliyev – Bünyadov
Göydə də ruzinin (yağış, qar) və və’d olunduğunuz şey (mükafat, cəza) vardır! (Sizə və’d olunan mükafat, yaxud cəza Allah dərgahındakı lövhi-məhfuzda yazılmışdır).
AzərbaycancaAlıxan Musayev
Sizin ruziniz və sizə vəd olunan şeylər göydədir.
فَوَرَبِّ ٱلسَّمَآءِ وَٱلْأَرْضِ إِنَّهُۥ لَحَقٌّ مِّثْلَ مَآ أَنَّكُمْ تَنطِقُونَ ٢٣
AzərbaycancaMəmmədəliyev – Bünyadov
Göyün və yerin Rəbbinə (sahibinə) and olsun ki, bu (deyilənlər) sizin danışığınız (dediyiniz sözün öz sözünüz olması) kimi həqiqətdir.
AzərbaycancaAlıxan Musayev
Göyün və yerin Rəbbinə and olsun ki, bu vəd sizin danışmağa qüdrətiniz olduğu kimi həqiqətdir.
هَلْ أَتَىٰكَ حَدِيثُ ضَيْفِ إِبْرَٰهِيمَ ٱلْمُكْرَمِينَ ٢٤
AzərbaycancaMəmmədəliyev – Bünyadov
(Ya Rəsulum!) İbrahimin möhtərəm qonaqlarının (mələklərin) söhbəti sənə gəlib çatdımı?
AzərbaycancaAlıxan Musayev
İbrahimin möhtərəm qonaqlarının əhvalatı sənə gəlib çatdımı?
إِذْ دَخَلُوا۟ عَلَيْهِ فَقَالُوا۟ سَلَٰمًا ۖ قَالَ سَلَٰمٌ قَوْمٌ مُّنكَرُونَ ٢٥
AzərbaycancaMəmmədəliyev – Bünyadov
Onlar (İbrahimin) yanına gəlib salam verdikdə (İbrahim) salamı alıb (öz-özünə): “Bunlar tanımadığım kimsələrdir!” –dedi.
AzərbaycancaAlıxan Musayev
Onlar onun yanına daxil olub: “Sənə salam olsun!”– dedilər. İbrahim: “Sizə də salam olsun! Siz yad adamlara oxşayırsınız!”– dedi.
فَرَاغَ إِلَىٰٓ أَهْلِهِۦ فَجَآءَ بِعِجْلٍ سَمِينٍ ٢٦
AzərbaycancaMəmmədəliyev – Bünyadov
O (bir bəhanə ilə) ailəsinin yanına getdi və bir buzov (kəsib qızardaraq) gətirdi.
AzərbaycancaAlıxan Musayev
O, təşviş içində ailəsinin yanına getdi və kök bir buzov qızardıb gətirdi.
فَقَرَّبَهُۥٓ إِلَيْهِمْ قَالَ أَلَا تَأْكُلُونَ ٢٧
AzərbaycancaMəmmədəliyev – Bünyadov
Onu qabaqlarına (qonaqların qabağına) qoyub: “Bəlkə, yeyəsiniz!” – dedi.
AzərbaycancaAlıxan Musayev
Onu qabaqlarına qoyub: “Yemək yeməyəcəksinizmi?”– dedi.
فَأَوْجَسَ مِنْهُمْ خِيفَةً ۖ قَالُوا۟ لَا تَخَفْ ۖ وَبَشَّرُوهُ بِغُلَٰمٍ عَلِيمٍ ٢٨
AzərbaycancaMəmmədəliyev – Bünyadov
(İbrahim qonaqların yeməyə əl uzatmadıqlarını gördükdə) onlardan qorxuya düşdü. Onlar: “Qorxma!” – dedilər və ona çox bilikli bir oğlan uşağı (İshaqın dünyaya gələcəyi) ilə müjdə verdilər.
AzərbaycancaAlıxan Musayev
O, qonaqların yemədiklərini görüb onlardan qorxuya düşdü. Onlar: “Qorxma!”– dedilər və ona elmli bir oğlan uşağı ilə müjdə verdilər.
فَأَقْبَلَتِ ٱمْرَأَتُهُۥ فِى صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ ٢٩
AzərbaycancaMəmmədəliyev – Bünyadov
(Bunu eşidən) zövcəsi (Sara) çağır-bağır salıb (təəccübündən əlini) üzünə çırparaq dedi: “Mən qoca, qısır bir qarıyam! (Mənim necə uşağım ola bilər?)”
AzərbaycancaAlıxan Musayev
Zövcəsi qışqırıb üz-gözünə vura-vura dedi: “Axı mən sonsuz qoca qarıyam!”
قَالُوا۟ كَذَٰلِكِ قَالَ رَبُّكِ ۖ إِنَّهُۥ هُوَ ٱلْحَكِيمُ ٱلْعَلِيمُ ٣٠
AzərbaycancaMəmmədəliyev – Bünyadov
Onlar: “Sənin Rəbbin belə buyurmuşdur. Şübhəsiz ki, O, hikmət sahibidir, (hər şeyi) biləndir!” – dedilər.
AzərbaycancaAlıxan Musayev
Onlar dedilər: “Sənin Rəbbin belə demişdir. Həqiqətən, O, Müdrikdir, Biləndir!”
۞ قَالَ فَمَا خَطْبُكُمْ أَيُّهَا ٱلْمُرْسَلُونَ ٣١
AzərbaycancaMəmmədəliyev – Bünyadov
(Sonra İbrahim) dedi: “Ey elçilər! Sizin işiniz nədir?”
AzərbaycancaAlıxan Musayev
İbrahim dedi: “Sizin işiniz nədir, ey elçilər?”
قَالُوٓا۟ إِنَّآ أُرْسِلْنَآ إِلَىٰ قَوْمٍ مُّجْرِمِينَ ٣٢
AzərbaycancaMəmmədəliyev – Bünyadov
Onlar dedilər: “Biz günahkar bir qövmə (Lut tayfasına cəza verməyə) göndərilmişik.
AzərbaycancaAlıxan Musayev
Onlar dedilər: “Biz günahkar bir qövmə göndərilmişik ki,
لِنُرْسِلَ عَلَيْهِمْ حِجَارَةً مِّن طِينٍ ٣٣
AzərbaycancaMəmmədəliyev – Bünyadov
Onların başına gildən daşlar yağdırmaq üçün (gəlmişik).
AzərbaycancaAlıxan Musayev
onların üstünə gildən daşlar yağdıraq –
مُّسَوَّمَةً عِندَ رَبِّكَ لِلْمُسْرِفِينَ ٣٤
AzərbaycancaMəmmədəliyev – Bünyadov
(Elə daşlar ki, onlara pozğunluqla məşğul olub) həddi aşanlar üçün sənin Rəbbinin dərgahında xüsusi nişan qoyulmuşdur!”
AzərbaycancaAlıxan Musayev
həddi aşanlar üçün sənin Rəbbinin yanında nişan qoyulmuş daşlar!”
فَأَخْرَجْنَا مَن كَانَ فِيهَا مِنَ ٱلْمُؤْمِنِينَ ٣٥
AzərbaycancaMəmmədəliyev – Bünyadov
Nəhayət, (Lut qövmünü məhv etmək üçün) orada (Sədumda) olan mö’minləri çıxartdıq.
AzərbaycancaAlıxan Musayev
Biz orada olan möminləri o kənddən çıxartdıq.
فَمَا وَجَدْنَا فِيهَا غَيْرَ بَيْتٍ مِّنَ ٱلْمُسْلِمِينَ ٣٦
AzərbaycancaMəmmədəliyev – Bünyadov
Lakin orada bir evdən (Lutun ailəsindən) başqa müsəlman (tövhid dinində olan) tapmadıq.
AzərbaycancaAlıxan Musayev
Amma orada bir evdən başqa müsəlman tapmadıq.
وَتَرَكْنَا فِيهَآ ءَايَةً لِّلَّذِينَ يَخَافُونَ ٱلْعَذَابَ ٱلْأَلِيمَ ٣٧
AzərbaycancaMəmmədəliyev – Bünyadov
Və orada (axirətdəki) şiddətli əzabdan qorxanlar üçün bir nişanə qoyduq. (Lut qövmünün Şamla Hicaz arasında yerləşən yurdunu xaraba qoyub altını üstünə çevirdik. Bu, Məkkə müşrikləri üçün də bir ibrət dərsi olmalıdır).
AzərbaycancaAlıxan Musayev
Ağrılı-acılı əzabdan qorxanlar üçün orada bir əlamət qoyduq.
وَفِى مُوسَىٰٓ إِذْ أَرْسَلْنَٰهُ إِلَىٰ فِرْعَوْنَ بِسُلْطَٰنٍ مُّبِينٍ ٣٨
AzərbaycancaMəmmədəliyev – Bünyadov
Musanın hekayətində də (bir ibrət dərsi vardır). O zaman Biz onu Fir’onun yanına açıq-aşkar bir dəlillə göndərmişdik.
AzərbaycancaAlıxan Musayev
Musanın əhvalatında da ibrət vardır. O zaman Biz onu Fironun yanına aydın bir dəlillə göndərmişdik.
فَتَوَلَّىٰ بِرُكْنِهِۦ وَقَالَ سَٰحِرٌ أَوْ مَجْنُونٌ ٣٩
AzərbaycancaMəmmədəliyev – Bünyadov
O, bütün ə’yanları (və qoşunu) ilə birlikdə (imandan) üz döndərib (Musa barəsində): “Bu sehrbazdır, yaxud da dəlidir!” – demişdi.
AzərbaycancaAlıxan Musayev
O, öz camaatı ilə birlikdə üz çevirib: “Bu sehrbazdır, ya da dəlidir!”– dedi.
فَأَخَذْنَٰهُ وَجُنُودَهُۥ فَنَبَذْنَٰهُمْ فِى ٱلْيَمِّ وَهُوَ مُلِيمٌ ٤٠
AzərbaycancaMəmmədəliyev – Bünyadov
Nəhayət, onu və əsgərlərini tutub dənizə atdıq. O, məzəmmətə layiq bir iş görmüşdü (allahlıq iddiasına düşmüşdü).
AzərbaycancaAlıxan Musayev
Biz Fironu və əsgərlərini yaxalayıb dənizə atdıq. O, qınanmağa layiq idi.
وَفِى عَادٍ إِذْ أَرْسَلْنَا عَلَيْهِمُ ٱلرِّيحَ ٱلْعَقِيمَ ٤١
AzərbaycancaMəmmədəliyev – Bünyadov
Adın (Ad qövmünün) başına gələnlərdə də (bir ibrət dərsi vardır). O zaman Biz onların üstünə hər şeyi qurudub məhv edən (xeyirsiz) bir külək göndərmişdik.
AzərbaycancaAlıxan Musayev
Ad qövmünün hekayətində də ibrət vardır. O zaman Biz onların üstünə xeyir-bərəkətsiz bir külək göndərmişdik.
مَا تَذَرُ مِن شَىْءٍ أَتَتْ عَلَيْهِ إِلَّا جَعَلَتْهُ كَٱلرَّمِيمِ ٤٢
AzərbaycancaMəmmədəliyev – Bünyadov
O, qarşısına çıxan heç bir şeyi buraxmır, onu sovurub külə (çör-çöpə) döndərirdi.
AzərbaycancaAlıxan Musayev
O külək üstündən keçdiyi hər bir şeyi sovurub külə döndərirdi.
وَفِى ثَمُودَ إِذْ قِيلَ لَهُمْ تَمَتَّعُوا۟ حَتَّىٰ حِينٍ ٤٣
AzərbaycancaMəmmədəliyev – Bünyadov
Səmudun (Səmud qövmünün) başına gələnlərdə də (bir ibrət dərsi vardır). O zaman onlara: “Hələ bir müddət (üç gün) kef çəkib ləzzət alın!” – deyilmişdi.
AzərbaycancaAlıxan Musayev
Səmud qövmünün hekayətində də ibrət vardır. O zaman onlara: “Müəyyən vaxtadək dolanıb-keçinin!”– deyilmişdi.
فَعَتَوْا۟ عَنْ أَمْرِ رَبِّهِمْ فَأَخَذَتْهُمُ ٱلصَّٰعِقَةُ وَهُمْ يَنظُرُونَ ٤٤
AzərbaycancaMəmmədəliyev – Bünyadov
Onlar öz Rəbbinin əmrinə (tabe olmağa) təkəbbür göstərmiş və onları gözləri baxa-baxa ildırım vurmuşdu.
AzərbaycancaAlıxan Musayev
Onlar öz Rəbbinin əmrindən çıxdılar və onları gözləri baxa-baxa ildırım vurdu.
فَمَا ٱسْتَطَٰعُوا۟ مِن قِيَامٍ وَمَا كَانُوا۟ مُنتَصِرِينَ ٤٥
AzərbaycancaMəmmədəliyev – Bünyadov
Onların nə (yıxıldıqları yerdən) qalxmağa gücləri çatmış, nə də (bir kimsədən özlərinə) kömək istəyə bilmişdilər (yaxud nə də özlərinə cəza verəndən intiqam ala bilmişdilər).
AzərbaycancaAlıxan Musayev
Onlar ayağa qalxa bilmədilər və onlara kömək edən də olmadı.
وَقَوْمَ نُوحٍ مِّن قَبْلُ ۖ إِنَّهُمْ كَانُوا۟ قَوْمًا فَٰسِقِينَ ٤٦
AzərbaycancaMəmmədəliyev – Bünyadov
Daha əvvəl Nuh qövmünü (məhv etmişdik). Çünki onlar (Allahın itaətindən çıxmış) fasiqlər idilər.
AzərbaycancaAlıxan Musayev
Daha əvvəl Nuh qövmünü məhv etdik. Çünki onlar fasiq adamlar idilər.
وَٱلسَّمَآءَ بَنَيْنَٰهَا بِأَيْي۟دٍ وَإِنَّا لَمُوسِعُونَ ٤٧
AzərbaycancaMəmmədəliyev – Bünyadov
Biz göyü qüdrətimizlə (qüdrət əlimizlə) yaratdıq və Biz (istədiyimiz hər şeyi yaratmağa) qadirik. (Və ya: Biz göyü qüdrətimizlə yaratdıq və Biz onu genişləndirməkdəyik).
AzərbaycancaAlıxan Musayev
Biz göyü qüdrətlə yaratdıq və Biz onu genişləndiririk.
وَٱلْأَرْضَ فَرَشْنَٰهَا فَنِعْمَ ٱلْمَٰهِدُونَ ٤٨
AzərbaycancaMəmmədəliyev – Bünyadov
Yeri də Biz döşədik. (Onu) döşəyənlər necə də gözəldir! (Biz necə də gözəl döşəyənlərik!)
AzərbaycancaAlıxan Musayev
Yeri də Biz döşədik. Nə gözəl döşəyənlərik Biz!
وَمِن كُلِّ شَىْءٍ خَلَقْنَا زَوْجَيْنِ لَعَلَّكُمْ تَذَكَّرُونَ ٤٩
AzərbaycancaMəmmədəliyev – Bünyadov
Biz hər şeydən (erkək və dişi, bir-birinin əksi olmaqla) cüt-cüt yaratdıq. Bəlkə, bir düşünüb ibrət alasınız!
AzərbaycancaAlıxan Musayev
Biz hər şeydən erkək və dişi olmaqla cütlər yaratdıq ki, bəlkə, düşünüb ibrət alasınız.
فَفِرُّوٓا۟ إِلَى ٱللَّهِ ۖ إِنِّى لَكُم مِّنْهُ نَذِيرٌ مُّبِينٌ ٥٠
AzərbaycancaMəmmədəliyev – Bünyadov
(Ya Rəsulum! Bu insanlara de:) “Allaha tərəf qaçın! (Allahın qəzəbindən qaçıb Onun mərhəmətinə sığının, küfrü atıb imana gəlin!) Mən sizi Ondan (Allahın əzabından) açıq-aşkar qorxudan bir peyğəmbərəm!
AzərbaycancaAlıxan Musayev
De: “Allaha tərəf qaçın! Mən sizi Onunla açıq-aşkar qorxudub xəbərdar edənəm!
وَلَا تَجْعَلُوا۟ مَعَ ٱللَّهِ إِلَٰهًا ءَاخَرَ ۖ إِنِّى لَكُم مِّنْهُ نَذِيرٌ مُّبِينٌ ٥١
AzərbaycancaMəmmədəliyev – Bünyadov
Allahla yanaşı başqa bir tanrı qəbul etməyin. Mən sizi Ondan (Allahın əzabından) açıq-aşkar qorxudan bir peyğəmbərəm!”
AzərbaycancaAlıxan Musayev
Allahla yanaşı başqa bir məbud qəbul etməyin. Mən sizi Onunla açıq-aşkar qorxudub xəbərdar edənəm!”
كَذَٰلِكَ مَآ أَتَى ٱلَّذِينَ مِن قَبْلِهِم مِّن رَّسُولٍ إِلَّا قَالُوا۟ سَاحِرٌ أَوْ مَجْنُونٌ ٥٢
AzərbaycancaMəmmədəliyev – Bünyadov
(Ya Rəsulum! Sənin qövmün sənə şair, sehrbaz, divanə dediyi kimi) eləcə də onlardan əvvəlkilər özlərinə bir peyğəmbər gələr-gəlməz ona sehrbaz, divanə dedilər.
AzərbaycancaAlıxan Musayev
Beləcə, onlardan əvvəlkilərə də elə bir elçi gəlmədi ki, onun barəsində: “Sehrbazdır, ya da dəlidir!”– deməsinlər.
أَتَوَاصَوْا۟ بِهِۦ ۚ بَلْ هُمْ قَوْمٌ طَاغُونَ ٥٣
AzərbaycancaMəmmədəliyev – Bünyadov
Görəsən, onlar bunu (bu dediklərini) bir-birinə vəsiyyətmi etmişlər?! (Hamısı eyni şeyi deyir). Xeyr, onlar azğın bir qövmdürlər!
AzərbaycancaAlıxan Musayev
Onlar bunu bir-birinə vəsiyyətmi etmişlər? Xeyr, onlar həddi aşan adamlardır.
فَتَوَلَّ عَنْهُمْ فَمَآ أَنتَ بِمَلُومٍ ٥٤
AzərbaycancaMəmmədəliyev – Bünyadov
(Ya Rəsulum!) Artıq onlardan üz döndər! Sən buna görə qınanası deyilsən (çünki sənə həvalə olunmuş risaləti layiqincə təbliğ etdin).
AzərbaycancaAlıxan Musayev
Artıq onlardan üz döndər! Sən buna görə qınanmazsan.
وَذَكِّرْ فَإِنَّ ٱلذِّكْرَىٰ تَنفَعُ ٱلْمُؤْمِنِينَ ٥٥
AzərbaycancaMəmmədəliyev – Bünyadov
Sən (onlara Qur’anla) öyüd-nəsihət ver. Çünki öyüd-nəsihət mö’minlərə fayda verir.
AzərbaycancaAlıxan Musayev
Sən xatırlat! Çünki xatırlatmaq möminlərə fayda verir.
وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُونِ ٥٦
AzərbaycancaMəmmədəliyev – Bünyadov
Mən cinləri və insanları yalnız Mənə ibadət etmək üçün yaratdım!
AzərbaycancaAlıxan Musayev
Mən cinləri və insanları ancaq Mənə ibadət etmək üçün yaratdım.
مَآ أُرِيدُ مِنْهُم مِّن رِّزْقٍ وَمَآ أُرِيدُ أَن يُطْعِمُونِ ٥٧
AzərbaycancaMəmmədəliyev – Bünyadov
Mən onlardan ruzi istəmirəm. Mən onlardan Məni (ehtiyacı olan bəndələrimi) yedirtmələrini də istəmirəm!
AzərbaycancaAlıxan Musayev
Mən onlardan ruzi istəmirəm. Mən onlardan Məni yedirtmələrini də istəmirəm.
إِنَّ ٱللَّهَ هُوَ ٱلرَّزَّاقُ ذُو ٱلْقُوَّةِ ٱلْمَتِينُ ٥٨
AzərbaycancaMəmmədəliyev – Bünyadov
Şübhəsiz ki, ruzi verən də, qüvvət sahibi də, yenilməz olan da Allahdır!
AzərbaycancaAlıxan Musayev
Həqiqətən, Allah ruzi verəndir, qüvvət sahibidir, Mətindir.
فَإِنَّ لِلَّذِينَ ظَلَمُوا۟ ذَنُوبًا مِّثْلَ ذَنُوبِ أَصْحَٰبِهِمْ فَلَا يَسْتَعْجِلُونِ ٥٩
AzərbaycancaMəmmədəliyev – Bünyadov
Həqiqət, zülm edənlərin (özlərindən əvvəlki) yoldaşlarının qisməti kimi bir qisməti vardır! (Allaha şərik qoşmaqla özlərinə zülm edən Məkkə müşriklərini də əvvəlki ümmətlər kimi şiddətli bir əzab gözləyir!) Qoy onlar Məni (özlərinə əzab verməyə) tələsdirməsinlər!
AzərbaycancaAlıxan Musayev
Şübhəsiz ki, zülm edənləri həmtaylarının qisməti kimi bir qismət gözləyir. Qoy onlar Məni tələsdirməsinlər!
فَوَيْلٌ لِّلَّذِينَ كَفَرُوا۟ مِن يَوْمِهِمُ ٱلَّذِى يُوعَدُونَ ٦٠
AzərbaycancaMəmmədəliyev – Bünyadov
Və’d olunduqları gündən (qiyamət günündən) dolayı vay kafirlərin halına!
AzərbaycancaAlıxan Musayev
Onlara vəd olunmuş Gündən ötrü vay kafirlərin halına!