وَٱلطُّورِ ١
AzərbaycancaMəmmədəliyev – Bünyadov
And olsun (Allahın Musa ilə danışdığı) Tur dağına;
AzərbaycancaAlıxan Musayev
And olsun dağa!
سُورَةُ الطور
Tur surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَكِتَٰبٍ مَّسْطُورٍ ٢
AzərbaycancaMəmmədəliyev – Bünyadov
And olsun yazılmış kitaba (Tövrata, Qur’ana, yaxud bütün ilahi kitablara) -
AzərbaycancaAlıxan Musayev
And olsun yazılmış Kitaba –
فِى رَقٍّ مَّنشُورٍ ٣
AzərbaycancaMəmmədəliyev – Bünyadov
Açıq dəri üzərində (olan kitaba);
AzərbaycancaAlıxan Musayev
nazik dəri üzərində olan Kitaba!
وَٱلْبَيْتِ ٱلْمَعْمُورِ ٤
AzərbaycancaMəmmədəliyev – Bünyadov
And olsun (mələklərin ibadət etdiyi) Beytülmə’mura;
AzərbaycancaAlıxan Musayev
And olsun Beytulməmura!
وَٱلسَّقْفِ ٱلْمَرْفُوعِ ٥
AzərbaycancaMəmmədəliyev – Bünyadov
And olsun yüksək tavana (uca göyə)
AzərbaycancaAlıxan Musayev
And olsun yüksək tavana!
وَٱلْبَحْرِ ٱلْمَسْجُورِ ٦
AzərbaycancaMəmmədəliyev – Bünyadov
Və dolub daşan (alovlanan) dənizə ki,
AzərbaycancaAlıxan Musayev
And olsun alovlanan dənizə!
إِنَّ عَذَابَ رَبِّكَ لَوَٰقِعٌ ٧
AzərbaycancaMəmmədəliyev – Bünyadov
Rəbbinin əzabı (Ya Peyğəmbər!) mütləq vaqe olacaqdır!
AzərbaycancaAlıxan Musayev
Rəbbinin əzabı hökmən vaqe olacaqdır.
مَّا لَهُۥ مِن دَافِعٍ ٨
AzərbaycancaMəmmədəliyev – Bünyadov
Onu heç kəs dəf edə bilməz!
AzərbaycancaAlıxan Musayev
Heç nə onun qarşısını ala bilməz.
يَوْمَ تَمُورُ ٱلسَّمَآءُ مَوْرًا ٩
AzərbaycancaMəmmədəliyev – Bünyadov
O gün göy hərəkətə gəlib fırlanacaq (çalxalanacaq),
AzərbaycancaAlıxan Musayev
O gün göy şiddətlə sarsılacaq,
وَتَسِيرُ ٱلْجِبَالُ سَيْرًا ١٠
AzərbaycancaMəmmədəliyev – Bünyadov
Dağlar yerindən qopub (havada toz kimi) oynayacaqdır.
AzərbaycancaAlıxan Musayev
dağlar da hərəkətə gələcəkdir.
فَوَيْلٌ يَوْمَئِذٍ لِّلْمُكَذِّبِينَ ١١
AzərbaycancaMəmmədəliyev – Bünyadov
O gün vay (peyğəmbərləri) yalançı hesab edənlərin halına!
AzərbaycancaAlıxan Musayev
O gün vay halına haqqı yalan sayanların!
ٱلَّذِينَ هُمْ فِى خَوْضٍ يَلْعَبُونَ ١٢
AzərbaycancaMəmmədəliyev – Bünyadov
O kəslər ki, (dünyada) yalana qurşanıb qəflət içində oynayarlar.
AzərbaycancaAlıxan Musayev
O kəslər ki, yalan bataqlığında əylənirlər.
يَوْمَ يُدَعُّونَ إِلَىٰ نَارِ جَهَنَّمَ دَعًّا ١٣
AzərbaycancaMəmmədəliyev – Bünyadov
O gün onlar zorla cəhənnəm oduna sürüklənəcəklər.
AzərbaycancaAlıxan Musayev
O gün onlar amansızcasına sürüdülərək Cəhənnəm oduna atılacaqlar.
هَٰذِهِ ٱلنَّارُ ٱلَّتِى كُنتُم بِهَا تُكَذِّبُونَ ١٤
AzərbaycancaMəmmədəliyev – Bünyadov
(Onlara belə deyiləcəkdir:) “Bu sizin (dünyada) yalan hesab etdiyiniz cəhənnəm odudur!
AzərbaycancaAlıxan Musayev
Onlara deyiləcək: “Bu sizin yalan saydığınız Cəhənnəm odudur!
أَفَسِحْرٌ هَٰذَآ أَمْ أَنتُمْ لَا تُبْصِرُونَ ١٥
AzərbaycancaMəmmədəliyev – Bünyadov
(Vəhyə, Qur’ana sehr dediyiniz kimi) bu da sehrdir, yoxsa (gözünüz qapanıb onun həqiqət olduğunu) görmürsünüz?
AzərbaycancaAlıxan Musayev
Bəlkə bu da sehrdir, siz görmürsünüz?
ٱصْلَوْهَا فَٱصْبِرُوٓا۟ أَوْ لَا تَصْبِرُوا۟ سَوَآءٌ عَلَيْكُمْ ۖ إِنَّمَا تُجْزَوْنَ مَا كُنتُمْ تَعْمَلُونَ ١٦
AzərbaycancaMəmmədəliyev – Bünyadov
Yanın orada! İstər dözün, istər yox; sizin üçün eynidir (həmişəlik Cəhənnəmdə qalacaqsınız). Siz ancaq etdiyiniz əməllərin cəzasını çəkəcəksiniz!”
AzərbaycancaAlıxan Musayev
Yanın orada! Dözsəniz də, dözməsəniz də sizin üçün eynidir. Sizə ancaq etdiyiniz əməllərin cəzası verilir”.
إِنَّ ٱلْمُتَّقِينَ فِى جَنَّٰتٍ وَنَعِيمٍ ١٧
AzərbaycancaMəmmədəliyev – Bünyadov
Müttəqilər isə, şübhəsiz ki, cənnətlər və ne’mətlər içində olacaqlar.
AzərbaycancaAlıxan Musayev
Şübhəsiz ki, müttəqilər Cənnət bağlarında və nemət içində yaşayacaqlar.
فَٰكِهِينَ بِمَآ ءَاتَىٰهُمْ رَبُّهُمْ وَوَقَىٰهُمْ رَبُّهُمْ عَذَابَ ٱلْجَحِيمِ ١٨
AzərbaycancaMəmmədəliyev – Bünyadov
Rəbbinin onlara əta etdiyi ne’mətlərdən zövq (ləzzət) alacaqlar. Rəbbi onları cəhənnəm əzabından qorumuşdur.
AzərbaycancaAlıxan Musayev
Rəbbinin onlara bəxş etdiyinə sevinəcəklər. Rəbbi onları Cəhənnəm əzabından xilas etmişdir.
كُلُوا۟ وَٱشْرَبُوا۟ هَنِيٓـًٔۢا بِمَا كُنتُمْ تَعْمَلُونَ ١٩
AzərbaycancaMəmmədəliyev – Bünyadov
(Onlara belə deyiləcəkdir:) “(Dünyada) etdiyiniz yaxşı əməllərin müqabilində nuşcanlıqla yeyin-için;
AzərbaycancaAlıxan Musayev
Onlara deyiləcək: “Xeyirxah əməllərinizin əvəzi olaraq nuşcanlıqla yeyin, için!”
مُتَّكِـِٔينَ عَلَىٰ سُرُرٍ مَّصْفُوفَةٍ ۖ وَزَوَّجْنَٰهُم بِحُورٍ عِينٍ ٢٠
AzərbaycancaMəmmədəliyev – Bünyadov
Səf-səf düzülmüş taxtlara söykəndiyiniz halda!” Biz onları iri (ahu) gözlü hurilərlə evləndirəcəyik.
AzərbaycancaAlıxan Musayev
Onlar səflərlə salınmış mütəkkələrə dirsəklənəcəklər. Biz onları iri qaragözlü hurilərlə evləndirəcəyik.
وَٱلَّذِينَ ءَامَنُوا۟ وَٱتَّبَعَتْهُمْ ذُرِّيَّتُهُم بِإِيمَٰنٍ أَلْحَقْنَا بِهِمْ ذُرِّيَّتَهُمْ وَمَآ أَلَتْنَٰهُم مِّنْ عَمَلِهِم مِّن شَىْءٍ ۚ كُلُّ ٱمْرِئٍۭ بِمَا كَسَبَ رَهِينٌ ٢١
AzərbaycancaMəmmədəliyev – Bünyadov
İman gətirib övladları imanla arxalarınca gedənlərin nəsillərini də (Cənnətdə) özlərinə qoşacağıq. Onların əməllərindən heç bir şey əskiltməyəcəyik. Hər kəs öz əməlinin girovudur!
AzərbaycancaAlıxan Musayev
Möminlərin imanda onların arxasınca gedən nəsillərini də Cənnətdə özlərinə qovuşduracağıq. Onların əməllərindən heç bir şey əskiltməyəcəyik. Hər kəs qazandığının girovudur.
وَأَمْدَدْنَٰهُم بِفَٰكِهَةٍ وَلَحْمٍ مِّمَّا يَشْتَهُونَ ٢٢
AzərbaycancaMəmmədəliyev – Bünyadov
Onları istədikləri meyvə və ətlə (bol-bol) tə’min edəcəyik.
AzərbaycancaAlıxan Musayev
Onlara istədikləri meyvədən və ətdən bol-bol verəcəyik.
يَتَنَٰزَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ ٢٣
AzərbaycancaMəmmədəliyev – Bünyadov
Onlar orada bir-birinə (şərab dolu) qədəh ötürəcəklər. Onda (cənnət şərabının xislətində dünyakından fərqli olaraq) nə lağlağılıq, nə də günaha təhrik vardır.
AzərbaycancaAlıxan Musayev
Onlar orada bir-birinə şərab dolu badə uzadacaqlar. Bu şərab onları nə boşboğazlığa, nə də günaha təhrik etməz.
۞ وَيَطُوفُ عَلَيْهِمْ غِلْمَانٌ لَّهُمْ كَأَنَّهُمْ لُؤْلُؤٌ مَّكْنُونٌ ٢٤
AzərbaycancaMəmmədəliyev – Bünyadov
Onların ətrafında (xidmət üçün) özlərinə məxsus olan, sədəf içində gizlənmiş inci kimi gözəl oğlanlar dolanacaqlar.
AzərbaycancaAlıxan Musayev
Onların ətrafında xidmətlərinə verilmiş, qorunub saxlanılan mirvari kimi yeniyetmə oğlanlar dolanacaqlar.
وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ ٢٥
AzərbaycancaMəmmədəliyev – Bünyadov
Onlar (dünyada gördükləri işlər barəsində) bir-birindən hal-əhval tutmağa başlayacaqlar.
AzərbaycancaAlıxan Musayev
Onlar bir-birinə üz tutub soruşacaqlar.
قَالُوٓا۟ إِنَّا كُنَّا قَبْلُ فِىٓ أَهْلِنَا مُشْفِقِينَ ٢٦
AzərbaycancaMəmmədəliyev – Bünyadov
Və (söhbət əsnasında) belə deyəcəklər: “Biz bundan əvvəl (dünyada) ailəmiz içində olarkən (Rəbbimizin əzabından) qorxardıq.
AzərbaycancaAlıxan Musayev
Onlar deyəcəklər: “Biz əvvəllər ailəmiz içində olarkən Allahdan qorxurduq.
فَمَنَّ ٱللَّهُ عَلَيْنَا وَوَقَىٰنَا عَذَابَ ٱلسَّمُومِ ٢٧
AzərbaycancaMəmmədəliyev – Bünyadov
Artıq Allah bizə mərhəmət buyurub (minnət qoyub) bizi cəhənnəm (səmum) əzabından qorudu.
AzərbaycancaAlıxan Musayev
Allah da bizə mərhəmət göstərdi və bizi qızmar yel əzabından qorudu.
إِنَّا كُنَّا مِن قَبْلُ نَدْعُوهُ ۖ إِنَّهُۥ هُوَ ٱلْبَرُّ ٱلرَّحِيمُ ٢٨
AzərbaycancaMəmmədəliyev – Bünyadov
Biz bundan əvvəl (dünyada) Ona ibadət edirdik. Şübhəsiz ki, O, (və’dinə sadiq) kərəm sahibidir, rəhm edəndir!”
AzərbaycancaAlıxan Musayev
Biz əvvəllər Ona dua edirdik. Həqiqətən, O, yaxşılıq edəndir, Rəhmlidir!”
فَذَكِّرْ فَمَآ أَنتَ بِنِعْمَتِ رَبِّكَ بِكَاهِنٍ وَلَا مَجْنُونٍ ٢٩
AzərbaycancaMəmmədəliyev – Bünyadov
Elə isə (ya Peyğəmbər! Sən müşriklərə) öyüd-nəsihət ver. Sən öz Rəbbinin ne’məti (nübüvvət və islam dini) sayəsində nə kahinsən, nə də divanə!
AzərbaycancaAlıxan Musayev
Onlara xatırlat! Sən öz Rəbbinin neməti sayəsində nə kahinsən, nə də dəli!
أَمْ يَقُولُونَ شَاعِرٌ نَّتَرَبَّصُ بِهِۦ رَيْبَ ٱلْمَنُونِ ٣٠
AzərbaycancaMəmmədəliyev – Bünyadov
Yoxsa onlar (sənin barəndə): “(O) şairdir. Biz (ruzigarın gərdişi nəticəsində) onun başına gələcək müsibəti (ölüb getməsini) gözləyirik!” – deyirlər.
AzərbaycancaAlıxan Musayev
Yoxsa onlar: “O bir şairdir. Biz onun ölümünü gözləyirik!”– deyirlər.
قُلْ تَرَبَّصُوا۟ فَإِنِّى مَعَكُم مِّنَ ٱلْمُتَرَبِّصِينَ ٣١
AzərbaycancaMəmmədəliyev – Bünyadov
De: “Gözləyin, mən də sizinlə birlikdə (sizin başınıza gələcək müsibəti) gözlələyənlərdənəm!”
AzərbaycancaAlıxan Musayev
De: “Gözləyin, mən də sizinlə birlikdə gözləyənlərdənəm!”
أَمْ تَأْمُرُهُمْ أَحْلَٰمُهُم بِهَٰذَآ ۚ أَمْ هُمْ قَوْمٌ طَاغُونَ ٣٢
AzərbaycancaMəmmədəliyev – Bünyadov
Yoxsa onların puç ağılları bunu (bu cür batil sözləri deməyi) onlara əmr edir? Xeyr, onlar azğın bir qövmdürlər.
AzərbaycancaAlıxan Musayev
Yoxsa onların ağılları bunu onlara əmr edir? Yaxud onlar azğın adamlardır?
أَمْ يَقُولُونَ تَقَوَّلَهُۥ ۚ بَل لَّا يُؤْمِنُونَ ٣٣
AzərbaycancaMəmmədəliyev – Bünyadov
Yoxsa onlar: “Onu (Qur’anı) özündən uydurdun!” - deyirlər. Xeyr, onlar (həsədləri, təkəbbürləri və inadları üzündən) iman gətirmirlər.
AzərbaycancaAlıxan Musayev
Yoxsa onlar: “Bunu özündən uydurdun!”– deyirlər. Xeyr, onlar iman gətirmirlər.
فَلْيَأْتُوا۟ بِحَدِيثٍ مِّثْلِهِۦٓ إِن كَانُوا۟ صَٰدِقِينَ ٣٤
AzərbaycancaMəmmədəliyev – Bünyadov
Əgər doğru deyirlərsə, qoy onlar bunun (bu Qur’an) kimi bir kəlam gətirsinlər!
AzərbaycancaAlıxan Musayev
Əgər doğru söyləyirlərsə, qoy ona (Qurana) bənzər bir kəlam gətirsinlər.
أَمْ خُلِقُوا۟ مِنْ غَيْرِ شَىْءٍ أَمْ هُمُ ٱلْخَٰلِقُونَ ٣٥
AzərbaycancaMəmmədəliyev – Bünyadov
Yoxsa onlar heç bir şeydən (xaliqsiz) yarandılar?! Yaxud onlar (öz-özlərini) yaradanlardır?!
AzərbaycancaAlıxan Musayev
Bəlkə onlar öz-özünə yaranıblar? Yaxud onlar yaradanlardır?
أَمْ خَلَقُوا۟ ٱلسَّمَٰوَٰتِ وَٱلْأَرْضَ ۚ بَل لَّا يُوقِنُونَ ٣٦
AzərbaycancaMəmmədəliyev – Bünyadov
Yoxsa göyləri və yeri yaratdılar?! Xeyr, onlar (Allaha) ürəkdən inanmırlar!
AzərbaycancaAlıxan Musayev
Yoxsa onlar göyləri və yeri yaradıblar? Xeyr, onlar qətiyyən inanmırlar.
أَمْ عِندَهُمْ خَزَآئِنُ رَبِّكَ أَمْ هُمُ ٱلْمُصَۣيْطِرُونَ ٣٧
AzərbaycancaMəmmədəliyev – Bünyadov
Yoxsa (ya Peyğəmbər) sənin Rəbbinin xəzinələri onlardadır?! Yaxud (hər şeyə) onlar hakimdirlər?!
AzərbaycancaAlıxan Musayev
Yoxsa sənin Rəbbinin xəzinələri onlardadır? Yaxud onlar hökm sahibidirlər?
أَمْ لَهُمْ سُلَّمٌ يَسْتَمِعُونَ فِيهِ ۖ فَلْيَأْتِ مُسْتَمِعُهُم بِسُلْطَٰنٍ مُّبِينٍ ٣٨
AzərbaycancaMəmmədəliyev – Bünyadov
Yoxsa onların üstünə çıxıb (vəhyi) dinlədikləri bir nərdivanı vardır?! Elə isə qoy onların (vəhyi) dinləyənləri açıq-aşkar bir dəlil gətirsinlər!
AzərbaycancaAlıxan Musayev
Yoxsa onların, üstünə çıxıb mələklərin söhbətlərini dinlədikləri bir nərdivanı vardır? Onda qoy onların mələkləri dinləyənləri anlaşıqlı bir dəlil gətirsinlər!
أَمْ لَهُ ٱلْبَنَٰتُ وَلَكُمُ ٱلْبَنُونَ ٣٩
AzərbaycancaMəmmədəliyev – Bünyadov
Yoxsa qızlar Onun (Allahın), oğlanlar isə sizindir?!
AzərbaycancaAlıxan Musayev
Yoxsa qızlar Onun, oğlanlar isə sizindir?
أَمْ تَسْـَٔلُهُمْ أَجْرًا فَهُم مِّن مَّغْرَمٍ مُّثْقَلُونَ ٤٠
AzərbaycancaMəmmədəliyev – Bünyadov
Yoxsa (ya Peyğəmbər! Risaləti təbliğ etdiyinə görə) sən onlardan bir ücrət (mükafat) istəyirsən və onlar ağır borc yükü altındadırlar?!
AzərbaycancaAlıxan Musayev
Yoxsa sən onlardan bir mükafat istəyirsən və onlar da borclu qaldıqlarına görə ağır yük altındadırlar?
أَمْ عِندَهُمُ ٱلْغَيْبُ فَهُمْ يَكْتُبُونَ ٤١
AzərbaycancaMəmmədəliyev – Bünyadov
Yoxsa onlar qeybi bilir və (orada olanı) yazırlar?! (Qiyamətin, axirət həyatının olmadığını oradan öyrənib Muhəmməd əleyhissəlamla mübahisə edirlər?)
AzərbaycancaAlıxan Musayev
Yoxsa onlar qeybi bilir və onu yazırlar?
أَمْ يُرِيدُونَ كَيْدًا ۖ فَٱلَّذِينَ كَفَرُوا۟ هُمُ ٱلْمَكِيدُونَ ٤٢
AzərbaycancaMəmmədəliyev – Bünyadov
Yoxsa (ya Peyğəmbər! Sənə qarşı) bir tələ qurmaq istəyirlər? Amma kafirlər özləri o tələyə düşəcəklər!
AzərbaycancaAlıxan Musayev
Yoxsa bir hiylə qurmaq istəyirlər? Amma kafirlər özləri o hiylənin qurbanı olacaqlar.
أَمْ لَهُمْ إِلَٰهٌ غَيْرُ ٱللَّهِ ۚ سُبْحَٰنَ ٱللَّهِ عَمَّا يُشْرِكُونَ ٤٣
AzərbaycancaMəmmədəliyev – Bünyadov
Yoxsa onların Allahdan başqa bir tanrısı vardır? Allah bunların Ona qoşduqları şəriklərdən tamamilə uzaqdır!
AzərbaycancaAlıxan Musayev
Yoxsa onların Allahdan başqa bir məbudu var? Allah onların qoşduqları şəriklərdən uzaqdır.
وَإِن يَرَوْا۟ كِسْفًا مِّنَ ٱلسَّمَآءِ سَاقِطًا يَقُولُوا۟ سَحَابٌ مَّرْكُومٌ ٤٤
AzərbaycancaMəmmədəliyev – Bünyadov
Əgər onlar göyün bir parçasının (başlarına) düşdüyünü görsələr: “Bulud topasıdır!” – deyərlər (özlərinə əzab gəldiyinə inanmazlar).
AzərbaycancaAlıxan Musayev
Əgər onlar göy parçalarının düşdüyünü görsələr: “Bulud topasıdır!”– deyərlər.
فَذَرْهُمْ حَتَّىٰ يُلَٰقُوا۟ يَوْمَهُمُ ٱلَّذِى فِيهِ يُصْعَقُونَ ٤٥
AzərbaycancaMəmmədəliyev – Bünyadov
Elə isə (dəhşətdən) sarsılıb karıxacaqları günə qovuşana qədər sən onları tərk et!
AzərbaycancaAlıxan Musayev
Sən onları sarsılacaqları günə qovuşana qədər tərk et!
يَوْمَ لَا يُغْنِى عَنْهُمْ كَيْدُهُمْ شَيْـًٔا وَلَا هُمْ يُنصَرُونَ ٤٦
AzərbaycancaMəmmədəliyev – Bünyadov
O gün hiylələri onlara heç bir fayda verməyəcəkdir (Allahın əzabını onlardan dəf edə bilməyəcək) və onlara heç bir kömək olunmayacaqdır.
AzərbaycancaAlıxan Musayev
O gün hiylələri onlara heç bir fayda verməyəcək və onlara kömək göstərilməyəcəkdir.
وَإِنَّ لِلَّذِينَ ظَلَمُوا۟ عَذَابًا دُونَ ذَٰلِكَ وَلَٰكِنَّ أَكْثَرَهُمْ لَا يَعْلَمُونَ ٤٧
AzərbaycancaMəmmədəliyev – Bünyadov
Şübhəsiz ki, zalımları (kafirləri) hələ bundan başqa da (dünyada və qəbir evində) əzab gözləyir. Lakin onların əksəriyyəti (bunu) bilməz!
AzərbaycancaAlıxan Musayev
Həqiqətən, zalımlar üçün bundan başqa əzab da hazırlanmışdır. Lakin onların çoxu bunu bilmir.
وَٱصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ ٤٨
AzərbaycancaMəmmədəliyev – Bünyadov
(Ya Peyğəmbər!) Sən öz Rəbinin hökmünə səbr et! Şübhəsiz ki, sən Bizim gözümüzün qabağındasan (himayəmiz altındasan). (Namaza) qalxdıqda Rəbbini həmd-səna ilə zikr et!
AzərbaycancaAlıxan Musayev
Sən öz Rəbbinin hökmünə səbir et! Həqiqətən, sən Bizim Gözlərimiz önündəsən. Yuxudan qalxdıqda Rəbbini həmd ilə zikr et!
وَمِنَ ٱلَّيْلِ فَسَبِّحْهُ وَإِدْبَٰرَ ٱلنُّجُومِ ٤٩
AzərbaycancaMəmmədəliyev – Bünyadov
Gecənin bir vaxtında nə ulduzlar batandan sonra (dan yeri söküləndə, yaxud sübh çağı) da Allahı təqdis edib şə’ninə tə’riflər de! (Gün ərzində vacib və əlavə namazları qıl!)
AzərbaycancaAlıxan Musayev
Gecənin bir vaxtında, bir də ulduzlar batandan sonra Onun şəninə təriflər de!