وَيْلٌ لِّلْمُطَفِّفِينَ ١
AzərbaycancaMəmmədəliyev – Bünyadov
Vay halına çəkidə və ölçüdə aldadanların!
AzərbaycancaAlıxan Musayev
Çəkidə və ölçüdə aldadanların vay halına!
سُورَةُ المطففين
Mutəffifin surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلَّذِينَ إِذَا ٱكْتَالُوا۟ عَلَى ٱلنَّاسِ يَسْتَوْفُونَ ٢
AzərbaycancaMəmmədəliyev – Bünyadov
O kəslər ki, özlərini insanlardan (bir şey) aldıqları zaman onu tam ölçüb alar,
AzərbaycancaAlıxan Musayev
O kəslərin ki, camaatdan bir şey aldıqda onu tam almaq istəyərlər,
وَإِذَا كَالُوهُمْ أَو وَّزَنُوهُمْ يُخْسِرُونَ ٣
AzərbaycancaMəmmədəliyev – Bünyadov
Onlar üçün ölçdükdə və ya çəkdikdə isə (onu) əskildərlər.
AzərbaycancaAlıxan Musayev
onlar üçün bir şey ölçdükdə və ya çəkdikdə onu ziyana salarlar.
أَلَا يَظُنُّ أُو۟لَٰٓئِكَ أَنَّهُم مَّبْعُوثُونَ ٤
AzərbaycancaMəmmədəliyev – Bünyadov
Məgər onlar (öləndən sonra) diriləcəklərini düşünmürlərmi?!
AzərbaycancaAlıxan Musayev
Onlar dirildiləcəklərini fikirləşmirlərmi?
لِيَوْمٍ عَظِيمٍ ٥
AzərbaycancaMəmmədəliyev – Bünyadov
Özü də dəhşətli bir gündə?!
AzərbaycancaAlıxan Musayev
Həm də əzəmətli bir gündə.
يَوْمَ يَقُومُ ٱلنَّاسُ لِرَبِّ ٱلْعَٰلَمِينَ ٦
AzərbaycancaMəmmədəliyev – Bünyadov
O gün bütün insanlar (haqq-hesab üçün) aləmlərin Rəbbinin (Allahın) hüzurunda duracaqlar!
AzərbaycancaAlıxan Musayev
O gündə ki, insanlar aləmlərin Rəbbinin qarşısında dayanacaqlar.
كَلَّآ إِنَّ كِتَٰبَ ٱلْفُجَّارِ لَفِى سِجِّينٍ ٧
AzərbaycancaMəmmədəliyev – Bünyadov
Xeyr! Şübhəsiz ki, pis əməllərə uyanların (kafirlərin) əməl dəftəri (şeytanların əməllərinin yazıldığı və ya Cəhənnəmin ən alt təbəqəsi olan) Siccindədir!
AzərbaycancaAlıxan Musayev
Xeyr! Həqiqətən, günahkarların kitabı Siccindədir.
وَمَآ أَدْرَىٰكَ مَا سِجِّينٌ ٨
AzərbaycancaMəmmədəliyev – Bünyadov
Sən nə bilirsən (haradan bilirsən) ki, Siccin nədir?! (Və ya: Siccin nədir, bilirsənmi?)
AzərbaycancaAlıxan Musayev
Sən haradan biləsən ki, Siccin nədir?!
كِتَٰبٌ مَّرْقُومٌ ٩
AzərbaycancaMəmmədəliyev – Bünyadov
O, yazılı bir kitabdır!
AzərbaycancaAlıxan Musayev
O, yazılı bir kitabdır!
وَيْلٌ يَوْمَئِذٍ لِّلْمُكَذِّبِينَ ١٠
AzərbaycancaMəmmədəliyev – Bünyadov
O gün vay halına yalan sayanların!
AzərbaycancaAlıxan Musayev
O gün haqqı yalan hesab edənlərin vay halına!
ٱلَّذِينَ يُكَذِّبُونَ بِيَوْمِ ٱلدِّينِ ١١
AzərbaycancaMəmmədəliyev – Bünyadov
O kəslər ki, haqq-hesab gününü yalan sayarlar.
AzərbaycancaAlıxan Musayev
O kəslərin ki, Haqq-hesab gününü yalan hesab edirlər.
وَمَا يُكَذِّبُ بِهِۦٓ إِلَّا كُلُّ مُعْتَدٍ أَثِيمٍ ١٢
AzərbaycancaMəmmədəliyev – Bünyadov
Bunu isə ancaq həddini aşan, günaha batan yalan sayar.
AzərbaycancaAlıxan Musayev
Amma bunu, həddini aşan günahkardan başqa, heç kəs yalan hesab etməz.
إِذَا تُتْلَىٰ عَلَيْهِ ءَايَٰتُنَا قَالَ أَسَٰطِيرُ ٱلْأَوَّلِينَ ١٣
AzərbaycancaMəmmədəliyev – Bünyadov
Ayələrimiz ona oxunduğu zaman: “(Bunlar) qədimlərin əfsanələridir (uydurmalarıdır!)” – deyər.
AzərbaycancaAlıxan Musayev
Ayələrimiz ona oxunduğu zaman: “Bu, keçmişdəkilərin uydurduğu əfsanələrdir!”– deyir.
كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا۟ يَكْسِبُونَ ١٤
AzərbaycancaMəmmədəliyev – Bünyadov
Xeyr (belə deyildir). Əslində onların qəlblərini qazandıqları (günahlar) qaplamışdır.
AzərbaycancaAlıxan Musayev
Xeyr! Onların qəlbini qazandıqları günahlar bürümüşdür.
كَلَّآ إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ ١٥
AzərbaycancaMəmmədəliyev – Bünyadov
Xeyr, o gün Rəbbinin mərhəmətindən məhrum olacaqlar!
AzərbaycancaAlıxan Musayev
Xeyr, həmin gün onlarla Rəbbi arasına pərdə çəkiləcək!
ثُمَّ إِنَّهُمْ لَصَالُوا۟ ٱلْجَحِيمِ ١٦
AzərbaycancaMəmmədəliyev – Bünyadov
Sonra Cəhənnəmə varid qalacaqlar.
AzərbaycancaAlıxan Musayev
Sonra onlar Cəhənnəmə girəcəklər
ثُمَّ يُقَالُ هَٰذَا ٱلَّذِى كُنتُم بِهِۦ تُكَذِّبُونَ ١٧
AzərbaycancaMəmmədəliyev – Bünyadov
Sonra da onlara: “Bu sizin (dünyada) yalan saydığınız (Cəhənnəmdir)!” deyiləcəkdir.
AzərbaycancaAlıxan Musayev
və onlara deyiləcək: “Budur sizin yalan hesab etdiyiniz Cəhənnəm!”
كَلَّآ إِنَّ كِتَٰبَ ٱلْأَبْرَارِ لَفِى عِلِّيِّينَ ١٨
AzərbaycancaMəmmədəliyev – Bünyadov
Xeyr! (Mö’minlərlə kafirlər eyni ola bilməzlər). Şübhəsiz ki, yaxşı əməl və itaət sahibi olan mö’minlərin əməl dəftəri (Allahın ən müxlis bəndələrinin əməlləri yazıldığı və ya Cənnətin ən yüksək mərtəbəsi olan) İlliyyundadır!
AzərbaycancaAlıxan Musayev
Xeyr! Həqiqətən, itaətkarların kitabı İlliyyundadir!
وَمَآ أَدْرَىٰكَ مَا عِلِّيُّونَ ١٩
AzərbaycancaMəmmədəliyev – Bünyadov
Sən nə bilirsən (haradan bilirsən) ki, İlliyyun nədir?!
AzərbaycancaAlıxan Musayev
Sən haradan biləsən ki, İlliyyun nədir?!
كِتَٰبٌ مَّرْقُومٌ ٢٠
AzərbaycancaMəmmədəliyev – Bünyadov
O, yazılı bir kitabdır.
AzərbaycancaAlıxan Musayev
O, elə bir yazılı kitabdır ki,
يَشْهَدُهُ ٱلْمُقَرَّبُونَ ٢١
AzərbaycancaMəmmədəliyev – Bünyadov
Onu ancaq (Allaha) yaxın olan mələklər görə bilər!
AzərbaycancaAlıxan Musayev
onu yalnız Allaha yaxın olanlar görürlər!
إِنَّ ٱلْأَبْرَارَ لَفِى نَعِيمٍ ٢٢
AzərbaycancaMəmmədəliyev – Bünyadov
Həqiqətən, yaxşı əməl və itaət sahibi olan mö’minlər Nəim cənnətlərində olacaqlar.
AzərbaycancaAlıxan Musayev
Həqiqətən, itaətkarlar nemətlər içində olacaqlar.
عَلَى ٱلْأَرَآئِكِ يَنظُرُونَ ٢٣
AzərbaycancaMəmmədəliyev – Bünyadov
Onlar taxtlar üstündə (əyləşib Allahın hazır etdiyi ne’mətlərə) tamaşa edəcəklər.
AzərbaycancaAlıxan Musayev
Onlar taxtlar üstündə seyrə dalacaqlar.
تَعْرِفُ فِى وُجُوهِهِمْ نَضْرَةَ ٱلنَّعِيمِ ٢٤
AzərbaycancaMəmmədəliyev – Bünyadov
Sən (ey Peyğəmbər!) onların üzlərində cənnət sevinci görəcəksən!
AzərbaycancaAlıxan Musayev
Sən onların çöhrəsində səadət parlaqlığı görəcəksən.
يُسْقَوْنَ مِن رَّحِيقٍ مَّخْتُومٍ ٢٥
AzərbaycancaMəmmədəliyev – Bünyadov
Onlara (gözəl ətirli, təmiz) möhürlü (qablarda olan) şərab (rəhiq) içirdiləcəkdir.
AzərbaycancaAlıxan Musayev
Onlara möhürlü şərabdan içirdiləcəkdir.
خِتَٰمُهُۥ مِسْكٌ ۚ وَفِى ذَٰلِكَ فَلْيَتَنَافَسِ ٱلْمُتَنَٰفِسُونَ ٢٦
AzərbaycancaMəmmədəliyev – Bünyadov
Onun (içində rəhiq olan qabın) möhürü müşkdür. Qoy yarışanlar onun üçün yarışsınlar!
AzərbaycancaAlıxan Musayev
Onun möhürü müşkdür. Qoy çalışanlar onun üçün səy göstərsinlər!
وَمِزَاجُهُۥ مِن تَسْنِيمٍ ٢٧
AzərbaycancaMəmmədəliyev – Bünyadov
Ona təsnim (suyu) qatılmışdır.
AzərbaycancaAlıxan Musayev
Onun qatışığı isə təsnim bulağındandır.
عَيْنًا يَشْرَبُ بِهَا ٱلْمُقَرَّبُونَ ٢٨
AzərbaycancaMəmmədəliyev – Bünyadov
O (təsnim) elə bir çeşmədir ki, ondan (təmiz halda) yalnız (Allaha) yaxın olanlar içər (qalanlara isə o rəhiq şərabına qatılıb verirlər).
AzərbaycancaAlıxan Musayev
O təsnim elə bir bulaqdır ki, ondan Allaha yaxın olanlar içərlər.
إِنَّ ٱلَّذِينَ أَجْرَمُوا۟ كَانُوا۟ مِنَ ٱلَّذِينَ ءَامَنُوا۟ يَضْحَكُونَ ٢٩
AzərbaycancaMəmmədəliyev – Bünyadov
Həqiqətən, günahkarlar iman gətirmiş kimsələrə (dünyada) gülürdülər.
AzərbaycancaAlıxan Musayev
Doğrudan da, günah edənlər iman gətirənlərə gülürdülər,
وَإِذَا مَرُّوا۟ بِهِمْ يَتَغَامَزُونَ ٣٠
AzərbaycancaMəmmədəliyev – Bünyadov
(Mö’minlərin) yanlarından keçərkən (onları dolamaq məqsədilə) bir-birinə qaş-göz edirdilər.
AzərbaycancaAlıxan Musayev
onların yanından keçdikdə bir-birinə qaş-göz edirdilər,
وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ ٣١
AzərbaycancaMəmmədəliyev – Bünyadov
Ailələrinin (yaxın adamlarının) yanına qayıtdıqda isə (onları doladıqları üçün) kefləri kök qayıdırdılar.
AzərbaycancaAlıxan Musayev
öz ailələrinin yanına fərəhlə qayıdırdılar,
وَإِذَا رَأَوْهُمْ قَالُوٓا۟ إِنَّ هَٰٓؤُلَآءِ لَضَآلُّونَ ٣٢
AzərbaycancaMəmmədəliyev – Bünyadov
Onlar (mö’minləri) gördükdə: “Doğrusu, bunlar (haqq yoldan) azanlardır!” – deyirdilər.
AzərbaycancaAlıxan Musayev
möminləri gördükdə isə deyirdilər: “Həqiqətən, bunlar azmışlardır!”
وَمَآ أُرْسِلُوا۟ عَلَيْهِمْ حَٰفِظِينَ ٣٣
AzərbaycancaMəmmədəliyev – Bünyadov
Halbuki onlara (mö’minlərə) nəzarətçi göndərilməmişdir.
AzərbaycancaAlıxan Musayev
Halbuki bu günahkarlar onlara gözətçi qoyulmamışdılar.
فَٱلْيَوْمَ ٱلَّذِينَ ءَامَنُوا۟ مِنَ ٱلْكُفَّارِ يَضْحَكُونَ ٣٤
AzərbaycancaMəmmədəliyev – Bünyadov
Bu gün isə mö’minlər kafirlərə güləcəklər.
AzərbaycancaAlıxan Musayev
Bu gün məhz iman gətirənlər kafirlərə güləcəklər.
عَلَى ٱلْأَرَآئِكِ يَنظُرُونَ ٣٥
AzərbaycancaMəmmədəliyev – Bünyadov
Onlar taxtlar üstündə (əyləşib) baxacaqlar (ki, görsünlər).
AzərbaycancaAlıxan Musayev
Onlar taxtlar üstündə ətrafa baxacaqlar.
هَلْ ثُوِّبَ ٱلْكُفَّارُ مَا كَانُوا۟ يَفْعَلُونَ ٣٦
AzərbaycancaMəmmədəliyev – Bünyadov
Kafirlər öz əməllərinin cəzasını aldılarmı?! (Əlbəttə, aldılar!)
AzərbaycancaAlıxan Musayev
Kafirlər törətdiklərinin cəzasını aldılarmı?!