وَيْلٌ لِّكُلِّ هُمَزَةٍ لُّمَزَةٍ ١
Ҳар бир обрў тўкувчи ва айбловчига «вайл» бўлсин.
1. Барча (кишиларга дилозорлик қилиб, уларнинг обрўларини тўкиб юрадиган) бўҳтончи-ғийбатчига ҳалокат бўлгай.
ٱلَّذِى جَمَعَ مَالًا وَعَدَّدَهُۥ ٢
У мол жамлади ва уни санаб турди.
2. У (фақат) мол тўплаган ва ўша (мол-дунё)ни ҳисоб-китоб қилиб (бирон савобли ишга сарфламасдан) юрган кимсадир.
يَحْسَبُ أَنَّ مَالَهُۥٓ أَخْلَدَهُۥ ٣
У, албатта, уни абадий қолдирур, деб ҳисоблар.
3. У (топган) мол-дунёси ўзини мангу (ўлмайдиган) қилиб қўйган, (деб ўйлаб юрган кимсадир).
كَلَّا ۖ لَيُنۢبَذَنَّ فِى ٱلْحُطَمَةِ ٤
Йўқ! Албатта у «ҳутома»га хор-зор этиб ташланар.
4. Йўқ, (унинг бу ҳисоб-китоби бекордир)! Қасамки, албатта у чилпарчин қилгувчи (дўзах)га ташланур!
وَمَآ أَدْرَىٰكَ مَا ٱلْحُطَمَةُ ٥
«Ҳутома» қандоқ нарса эканини сенга нима билдирар?
5. (Эй инсон), чилпарчин қилгувчи нима эканлигини сен қаердан билар эдинг?!
نَارُ ٱللَّهِ ٱلْمُوقَدَةُ ٦
У Аллоҳнинг шиддатли, ўчмас оловидир.
6. (У) Аллоҳнинг ёқиб қўйилган бир оловидирки,
ٱلَّتِى تَطَّلِعُ عَلَى ٱلْأَفْـِٔدَةِ ٧
Қалбгача етиб борадир.
7. (ўз алангаси билан баданларни тешиб ўтиб) юракларга қадар етур!
إِنَّهَا عَلَيْهِم مُّؤْصَدَةٌ ٨
Албатта, у уларни устидан қоплангандир.
8. Албатта (у олов) уларнинг (кофирларнинг) устида қопланиб қолгувчидир (яъни, на улар жаҳаннам қаъридан қутулиб чиқа олурлар ва на улар нафас олишлари учун бир ютум тоза ҳаво қилур)!
فِى عَمَدٍ مُّمَدَّدَةٍۭ ٩
Узун-узун устунларга боғлангандирлар.
9. (У кофирлар жаҳаннамда) узундан-узун устунларга (занжирлар билан) боғлаб қўйилган ҳолларида (бўлурлар).