ٱقْرَأْ بِٱسْمِ رَبِّكَ ٱلَّذِى خَلَقَ ١
Яратган Роббинг номи билан ўқи.
1. (Эй Муҳаммад алайҳис-салоту вас-салом, барча мавжудотни) яратган Зот бўлмиш Парпардигорингиз номи билан (бошлаб) ўқинг!
خَلَقَ ٱلْإِنسَٰنَ مِنْ عَلَقٍ ٢
У инсонни алақдан яратди.
2. У инсонни лахта қондан яратган (Зотдир).
ٱقْرَأْ وَرَبُّكَ ٱلْأَكْرَمُ ٣
Ўқи! Ва Роббинг энг карамлидир!
3. Ўқинг! Сизнинг Парвардигорингиз ўта карамли Зотдир.
ٱلَّذِى عَلَّمَ بِٱلْقَلَمِ ٤
У қалам билан илм ўргатгандир.
4. У (инсониятга) қаламни (яъни, ёзишни — хатни) ўргатган Зотдир.
عَلَّمَ ٱلْإِنسَٰنَ مَا لَمْ يَعْلَمْ ٥
У инсонга у билмаган нарсани ўргатди.
5. У зот инсонга унинг билмаган нарсаларини ўргатди.
كَلَّآ إِنَّ ٱلْإِنسَٰنَ لَيَطْغَىٰٓ ٦
Йўқ! Албатта инсон туғёнга кетадир.
6. Дарҳақиқат, (кофир) инсон албатта туғёнга тушар — ҳаддидан ошар.
أَن رَّءَاهُ ٱسْتَغْنَىٰٓ ٧
Ўзини бой кўргани учун.
7. Ўзини бой-беҳожат кўргач, (албатта туғёнга тушар).
إِنَّ إِلَىٰ رَبِّكَ ٱلرُّجْعَىٰٓ ٨
Албатта, қайтиб бориш Роббингадир.
8. (Эй инсон), албатта ёлғиз Парвардигорингга қайтишинг бордир! (Ўшанда бу туғёнларинг учун ҳисоб-китоб қилиниб, жазоланишинг аниқдир)!
أَرَءَيْتَ ٱلَّذِى يَنْهَىٰ ٩
Қайтарганни кўрдингми?!
9. (Эй инсон), тўсувчи кимсани кўрдингми?!
عَبْدًا إِذَا صَلَّىٰٓ ١٠
Бандани намоз ўқиётганида?!
10. Бир бандани (яъни, Муҳаммад алайҳис-салоту вас-саломни) (намозидан тўсадиган кимсани кўрдингми?!)
أَرَءَيْتَ إِن كَانَ عَلَى ٱلْهُدَىٰٓ ١١
Айт-чи, агар ўша ҳидоятда бўлса.
11. Хабар бергин-чи, агар у (намоз ўқигувчи) ўзи Тўғри Йўлда бўлса,
أَوْ أَمَرَ بِٱلتَّقْوَىٰٓ ١٢
Ёки тақвога амр қилса.
12. Ёки (ўзгаларни) тақвога (Аллоҳдан қўрқишга) буюрса, (уни намоздан ва тақводан тўсган кимса ҳалок бўлмасми)?
أَرَءَيْتَ إِن كَذَّبَ وَتَوَلَّىٰٓ ١٣
Айт-чи, ўша ёлғонга чиқарса ва юз ўгирса.
13. Хабар бергин-чи, агар у (намоздан тўсгувчи кимса Аллоҳнинг китобини) ёлғон деса ва (у Китобга иймон келтиришдан) юз ўгирса,
أَلَمْ يَعْلَم بِأَنَّ ٱللَّهَ يَرَىٰ ١٤
Албатта Аллоҳ уни кўришини билмасми?!
14. албатта Аллоҳ (унинг барча қилмишларини) кўриб туришини билмасми?!
كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ ١٥
Йўқ! Агар қайтмаса, пешонасидан шиддатла тутамиз.
15. Йўқ! Қасамки, агар у (бундай гумроҳликдан) тўхтамаса, албатта Биз унинг пешона сочидан тутармиз,
نَاصِيَةٍ كَٰذِبَةٍ خَاطِئَةٍ ١٦
Ёлғончи, хатокор пешонасидан.
16. — ўша ёлғончи, адашган пешона сочидан тутармиз-да, (жаҳаннамга отурмиз)!
فَلْيَدْعُ نَادِيَهُۥ ١٧
Бас, ўз тўпини чақирсин.
17. Бас, у ўзининг жамоасини (ёрдамга) чақираверсин!
سَنَدْعُ ٱلزَّبَانِيَةَ ١٨
Биз ҳам забонияларни чақирамиз.
18. Биз эса азоб фаришталарини чақиражакмиз!
كَلَّا لَا تُطِعْهُ وَٱسْجُدْ وَٱقْتَرِب ۩ ١٩
Йўқ! Сен унга итоат қилма! Сажда қил ва қурбат ҳосил қил.
19. Йўқ! (Эй Муҳаммад алайҳис-салоту вас-салом), сиз унга итоат этманг ва (ёлғиз) Аллоҳга сажда-ибодат қилиб, (У зотга) яқин бўлинг!