ٱقْرَأْ بِٱسْمِ رَبِّكَ ٱلَّذِى خَلَقَ ١
AzərbaycancaMəmmədəliyev – Bünyadov
(Ya Peyğəmbər! Qur’ani-Kərimi bütün məxluqatı) yoxdan yaradan Rəbbinin adı ilə (bismillah deyərək) oxu!
AzərbaycancaAlıxan Musayev
Yaradan Rəbbinin adı ilə oxu!
سُورَةُ العلق
Ələq surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
خَلَقَ ٱلْإِنسَٰنَ مِنْ عَلَقٍ ٢
AzərbaycancaMəmmədəliyev – Bünyadov
O, insanı laxtalanmış qandan yaratdı.
AzərbaycancaAlıxan Musayev
O, insanı qan laxtasından yaratdı.
ٱقْرَأْ وَرَبُّكَ ٱلْأَكْرَمُ ٣
AzərbaycancaMəmmədəliyev – Bünyadov
(Ya Peyğəmbər!) Oxu! Sənin Rəbbin ən böyük kərəm sahibidir!
AzərbaycancaAlıxan Musayev
Oxu! Sənin Rəbbin müqayisəsiz səxavətə malikdir.
ٱلَّذِى عَلَّمَ بِٱلْقَلَمِ ٤
AzərbaycancaMəmmədəliyev – Bünyadov
O Rəbbin ki, qələmlə (yazmağı) öyrətdi.
AzərbaycancaAlıxan Musayev
O, qələmlə yazmağı öyrətdi.
عَلَّمَ ٱلْإِنسَٰنَ مَا لَمْ يَعْلَمْ ٥
AzərbaycancaMəmmədəliyev – Bünyadov
(O Rəbbin ki) insana bilmədiklərini öyrətdi.
AzərbaycancaAlıxan Musayev
İnsana bilmədiklərini öyrətdi.
كَلَّآ إِنَّ ٱلْإِنسَٰنَ لَيَطْغَىٰٓ ٦
AzərbaycancaMəmmədəliyev – Bünyadov
Xeyr, insan azğınlıq edər,
AzərbaycancaAlıxan Musayev
Xeyr! İnsan, doğrudan da, həddini aşır –
أَن رَّءَاهُ ٱسْتَغْنَىٰٓ ٧
AzərbaycancaMəmmədəliyev – Bünyadov
Özünün dövlətli olduğunu gördüyü üçün!
AzərbaycancaAlıxan Musayev
özünün ehtiyacsız olduğunu zənn etdiyinə görə.
إِنَّ إِلَىٰ رَبِّكَ ٱلرُّجْعَىٰٓ ٨
AzərbaycancaMəmmədəliyev – Bünyadov
Axı sənin axır dönüşün Rəbbinədir!
AzərbaycancaAlıxan Musayev
Axı son dönüşün Rəbbinədir!
أَرَءَيْتَ ٱلَّذِى يَنْهَىٰ ٩
AzərbaycancaMəmmədəliyev – Bünyadov
Gördünmü o kimsəni (Əbu Cəhli) ki, mane olur
AzərbaycancaAlıxan Musayev
Gördünmü o kəsi ki, mane olur –
عَبْدًا إِذَا صَلَّىٰٓ ١٠
AzərbaycancaMəmmədəliyev – Bünyadov
Bir bəndəyə (sənə) namaz qıldığı vaxt?
AzərbaycancaAlıxan Musayev
bir bəndəyə namaz qıldığı zaman?
أَرَءَيْتَ إِن كَانَ عَلَى ٱلْهُدَىٰٓ ١١
AzərbaycancaMəmmədəliyev – Bünyadov
Bir de görək, əgər o doğru yoldadırsa,
AzərbaycancaAlıxan Musayev
Söylə görək, əgər o bəndə doğru yoldadırsa,
أَوْ أَمَرَ بِٱلتَّقْوَىٰٓ ١٢
AzərbaycancaMəmmədəliyev – Bünyadov
Yaxud (xalqa Allahdan) qorxmağı əmr edirsə, (sən belə bir əməl sahibinin namaz qılmasına nə üçün mane olur, ona ibadət etməyi niyə qadağan edirsən? Bundan da rəzil iş olarmı)?!
AzərbaycancaAlıxan Musayev
yaxud Allahdan qorxmağı əmr edirsə, onda necə olsun?
أَرَءَيْتَ إِن كَذَّبَ وَتَوَلَّىٰٓ ١٣
AzərbaycancaMəmmədəliyev – Bünyadov
(Ya Peyğəmbər!) Bir de görək, (əgər sənin namaz qılmağına mane olan kimsə Qur’anı) yalan sayır və (imandan) üz döndərirsə,
AzərbaycancaAlıxan Musayev
Söylə görək, əgər o kafir haqqı yalan sayıb üz döndəribsə, onda necə olsun?
أَلَمْ يَعْلَم بِأَنَّ ٱللَّهَ يَرَىٰ ١٤
AzərbaycancaMəmmədəliyev – Bünyadov
Məgər bilmir ki, Allah (onun bütün əməllərini) görür?!
AzərbaycancaAlıxan Musayev
Məgər o bilmir ki, Allah görür?
كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ ١٥
AzərbaycancaMəmmədəliyev – Bünyadov
Yox, yox! (Əbu Cəhl bu yaramaz əməllərinə son qoysun). Əgər son qoymasa, and olsun ki, Biz onu kəkilindən yapışıb (Cəhənnəmə) sürükləyəcəyik -
AzərbaycancaAlıxan Musayev
Xeyr! Əgər yaramaz əməlinə son qoymasa, Biz onun kəkilindən tutacağıq –
نَاصِيَةٍ كَٰذِبَةٍ خَاطِئَةٍ ١٦
AzərbaycancaMəmmədəliyev – Bünyadov
Özü də yalançı, günahkar kəkilindən!
AzərbaycancaAlıxan Musayev
yalançı, günahkar kəkilindən.
فَلْيَدْعُ نَادِيَهُۥ ١٧
AzərbaycancaMəmmədəliyev – Bünyadov
Qoy o özünün bütün tərəfdarlarını (köməyə) çağırsın!
AzərbaycancaAlıxan Musayev
Qoy öz yığnağını çağırsın.
سَنَدْعُ ٱلزَّبَانِيَةَ ١٨
AzərbaycancaMəmmədəliyev – Bünyadov
Biz də zəbaniləri (Cəhənnəmdəki əzab mələklərini) çağıracağıq!
AzərbaycancaAlıxan Musayev
Biz də əzab mələklərini çağıracağıq.
كَلَّا لَا تُطِعْهُ وَٱسْجُدْ وَٱقْتَرِب ۩ ١٩
AzərbaycancaMəmmədəliyev – Bünyadov
Yox, yox! Sən (ey Peyğəmbər!) ona uyma! Sən ancaq (Rəbbinə) səcdə et və (Ona) yaxınlaş!
AzərbaycancaAlıxan Musayev
Xeyr, sən ona qulaq asma! Səcdə qıl və Allaha yaxınlaş!