وَٱلصَّٰٓفَّٰتِ صَفًّا ١
AzərbaycancaMəmmədəliyev – Bünyadov
And olsun (Rəbbinə ibadət üçün səmada) səf-səf duranlara (mələklərə);
AzərbaycancaAlıxan Musayev
And olsun göylərdə və yerdə səf-səf duranlara,
سُورَةُ الصافات
Saffat surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
فَٱلزَّٰجِرَٰتِ زَجْرًا ٢
AzərbaycancaMəmmədəliyev – Bünyadov
(Buludları) qovduqca qovanlara (yaxud şeytanların pis əməllərinə mane olanlara, insanlara günah işlər görməyi qadağan edənlərə)
AzərbaycancaAlıxan Musayev
imansızları qətiyyətlə qovanlara
فَٱلتَّٰلِيَٰتِ ذِكْرًا ٣
AzərbaycancaMəmmədəliyev – Bünyadov
Və Qur’an oxuyanlara!
AzərbaycancaAlıxan Musayev
və Zikri oxuyanlara!
إِنَّ إِلَٰهَكُمْ لَوَٰحِدٌ ٤
AzərbaycancaMəmmədəliyev – Bünyadov
Həqiqətən, sizin Allahınız birdir!
AzərbaycancaAlıxan Musayev
Həqiqətən, sizin məbudunuz Təkdir!
رَّبُّ ٱلسَّمَٰوَٰتِ وَٱلْأَرْضِ وَمَا بَيْنَهُمَا وَرَبُّ ٱلْمَشَٰرِقِ ٥
AzərbaycancaMəmmədəliyev – Bünyadov
O, göylərin, yerin və onların arasında olanların (bütün məxluqatın) Rəbbidir. Məşriqlərin (şərqin və qərbin – günəşin, ayın və ulduzların doğub batdığı yerlərin) də Rəbbi Odur.
AzərbaycancaAlıxan Musayev
O, həm göylərin, yerin və onların arasındakıların Rəbbi, həm də məşriqlərin Rəbbidir.
إِنَّا زَيَّنَّا ٱلسَّمَآءَ ٱلدُّنْيَا بِزِينَةٍ ٱلْكَوَاكِبِ ٦
AzərbaycancaMəmmədəliyev – Bünyadov
Biz (sizə) ən yaxın olan göy üzünü (dünya səmasını) ulduzlarla bəzədik. (Günəş, ay və ulduzlar başqa-başqa göylərdə olduqları halda, siz onların hamısını özünüzlə müqayisədə ən yaxın bir yerdə, sanki başınızın üstündə görürsünüz).
AzərbaycancaAlıxan Musayev
Biz dünya səmasını parlaq ulduzlarla bəzədik
وَحِفْظًا مِّن كُلِّ شَيْطَٰنٍ مَّارِدٍ ٧
AzərbaycancaMəmmədəliyev – Bünyadov
(Biz həm də göyü) itaətdən çıxmış hər bir şeytandan qoruduq.
AzərbaycancaAlıxan Musayev
və onu hər bir asi şeytandan mühafizə etdik.
لَّا يَسَّمَّعُونَ إِلَى ٱلْمَلَإِ ٱلْأَعْلَىٰ وَيُقْذَفُونَ مِن كُلِّ جَانِبٍ ٨
AzərbaycancaMəmmədəliyev – Bünyadov
Onlar ali bəzmə (yuxarı aləmə, mələklər aləminin söhbətlərinə) qulaq asa bilməz və hər tərəfdən (axan ulduzlar vasitəsilə) qovulub atılar.
AzərbaycancaAlıxan Musayev
Onlar artıq ali topluma (mələklərin söhbətlərinə) qulaq asa bilməzlər və hər tərəfdən üstlərinə yandırıb yaxan alovlar yağdırılar
دُحُورًا ۖ وَلَهُمْ عَذَابٌ وَاصِبٌ ٩
AzərbaycancaMəmmədəliyev – Bünyadov
(Səmadan) kənar edilərlər. Onları daimi bir əzab göyləyir!
AzərbaycancaAlıxan Musayev
və oradan qovularlar. Onları uzun sürəcək bir əzab gözləyir.
إِلَّا مَنْ خَطِفَ ٱلْخَطْفَةَ فَأَتْبَعَهُۥ شِهَابٌ ثَاقِبٌ ١٠
AzərbaycancaMəmmədəliyev – Bünyadov
Ancaq (şeytanlar içərisində mələklərin söhbətlərindən bir sözü, bir xəbəri) çırpışdıran (oğrun-oğrun öyrənən) olsa, onu da dərhal yandırıb-yaxan bir ulduz (hər şeyi dəlib keçən bir mə’şəl) tə’qib edər.
AzərbaycancaAlıxan Musayev
Lakin şeytanlardan hər kim o söhbətlərdən bir söz qapıb qaçarsa, onu yandırıb-yaxan parlaq bir alov təqib edər.
فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ ۚ إِنَّا خَلَقْنَٰهُم مِّن طِينٍ لَّازِبٍۭ ١١
AzərbaycancaMəmmədəliyev – Bünyadov
İndi (ya Peyğəmbər, bu müşriklərdən) soruş: onları yaratmaq çətindir, yoxsa Bizim (başqa) yaratdıqlarımızı? [Və ya: xilqətcə onlar güclüdürlər, yoxsa Bizim (başqa) yaratdıqlarımız?] Axı Biz onları (insanların babası Adəmi) yapışqan (kimi) bir palçıqdan yaratdıq.
AzərbaycancaAlıxan Musayev
Kafirlərdən soruş ki, onları yaratmaq çətindir, yoxsa Bizim başqa yaratdıqlarımızı? Biz ki onları yapışqan kimi palçıqdan yaratdıq.
بَلْ عَجِبْتَ وَيَسْخَرُونَ ١٢
AzərbaycancaMəmmədəliyev – Bünyadov
Bəli, sən onlara (müşriklərin Allahın qüdrət əlamətlərini gördükləri halda qiyamətə inanmamalarına) təəcüblənirsən, onlar isə (sənin bu inamına) istehza edirlər.
AzərbaycancaAlıxan Musayev
Sən onlara təəccüb edirsən, onlar isə səni ələ salırlar.
وَإِذَا ذُكِّرُوا۟ لَا يَذْكُرُونَ ١٣
AzərbaycancaMəmmədəliyev – Bünyadov
Onlara (Qur’anla Allahın dəlilləri ilə) öyüd-nəsihət verildikdə düşünüb ibrət almazlar.
AzərbaycancaAlıxan Musayev
Onlara xatırlatdıqda düşünüb ibrət almırlar.
وَإِذَا رَأَوْا۟ ءَايَةً يَسْتَسْخِرُونَ ١٤
AzərbaycancaMəmmədəliyev – Bünyadov
Bir mö’cüzə gördükdə isə ona istehza edərlər.
AzərbaycancaAlıxan Musayev
Bir möcüzə gördükdə isə ona istehza edir
وَقَالُوٓا۟ إِنْ هَٰذَآ إِلَّا سِحْرٌ مُّبِينٌ ١٥
AzərbaycancaMəmmədəliyev – Bünyadov
Və belə deyərlər: “Bu ancaq açıq-aşkar bir sehrdir.
AzərbaycancaAlıxan Musayev
və deyirlər: “Bu ancaq gözlə görülən bir sehrdir.
أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَبْعُوثُونَ ١٦
AzərbaycancaMəmmədəliyev – Bünyadov
Məgər biz öldükdən, torpaq və sürsümük olduqdan sonra dirildiləcəyikmi?!
AzərbaycancaAlıxan Musayev
Məgər biz öldükdən, sür-sümük olub torpağa çevrildikdən sonra dirildiləcəyikmi?
أَوَءَابَآؤُنَا ٱلْأَوَّلُونَ ١٧
AzərbaycancaMəmmədəliyev – Bünyadov
Eləcə də (bizdən) əvvəlki atalarımız (dirildiləcəklərmi)?!”
AzərbaycancaAlıxan Musayev
Ya da atalarımızmı dirildiləcəklər?”
قُلْ نَعَمْ وَأَنتُمْ دَٰخِرُونَ ١٨
AzərbaycancaMəmmədəliyev – Bünyadov
(Ya Peyğəmbər!) De: “Bəli, özü də zəlil (xar) olaraq (dirildiləcəksiniz).
AzərbaycancaAlıxan Musayev
De: “Bəli, özü də, zəlil günə qalmış olduğunuz halda dirildiləcəksiniz”.
فَإِنَّمَا هِىَ زَجْرَةٌ وَٰحِدَةٌ فَإِذَا هُمْ يَنظُرُونَ ١٩
AzərbaycancaMəmmədəliyev – Bünyadov
O yalnız dəhşətli bir səsdən (İsrafilin suru ikinci dəfə üfürməsindən) ibarətdir. Onlar dərhal (dirilib başlarına gətirilən müsibətlərə) baxacaqlar.
AzərbaycancaAlıxan Musayev
Bu, təkcə dəhşətli bir səs olacaq və onlar qəfildən dirilib görməyə başlayacaqlar.
وَقَالُوا۟ يَٰوَيْلَنَا هَٰذَا يَوْمُ ٱلدِّينِ ٢٠
AzərbaycancaMəmmədəliyev – Bünyadov
Və deyəcəklər: “Vay halımıza! Bu, haqq-hesab (cəza) günüdür!”
AzərbaycancaAlıxan Musayev
Günahkarlar deyəcəklər: “Vay halımıza! Bu ki, Haqq-hesab günüdür!”
هَٰذَا يَوْمُ ٱلْفَصْلِ ٱلَّذِى كُنتُم بِهِۦ تُكَذِّبُونَ ٢١
AzərbaycancaMəmmədəliyev – Bünyadov
(Mələklər isə onlara belə deyəcəklər): “Bu (dünyada) yalan hesab etdiyiniz (haqq ilə batili, mö’minlə kafiri) ayırd etmə günüdür!”
AzərbaycancaAlıxan Musayev
Onlara deyiləcək: “Bu, yalan saydığınız Fərqləndirmə günüdür!”
۞ ٱحْشُرُوا۟ ٱلَّذِينَ ظَلَمُوا۟ وَأَزْوَٰجَهُمْ وَمَا كَانُوا۟ يَعْبُدُونَ ٢٢
AzərbaycancaMəmmədəliyev – Bünyadov
(Allah mələklərə belə buyuracaqdır:) “Yığın bir yerə zülm (küfr) edənləri, onların həmtaylarını və ibadət etdiklərini -
AzərbaycancaAlıxan Musayev
Mələklərə belə əmr olunacaq: “Toplayın bir yerə zalımları, onların yoldaşlarını və ibadət etdiklərini –
مِن دُونِ ٱللَّهِ فَٱهْدُوهُمْ إِلَىٰ صِرَٰطِ ٱلْجَحِيمِ ٢٣
AzərbaycancaMəmmədəliyev – Bünyadov
Allahdan qeyri! Onlara Cəhənnəm yolunu göstərin!
AzərbaycancaAlıxan Musayev
Allahdan başqa. Onları Cəhənnəm yoluna yönəldin.
وَقِفُوهُمْ ۖ إِنَّهُم مَّسْـُٔولُونَ ٢٤
AzərbaycancaMəmmədəliyev – Bünyadov
Onları tutub saxlayın, çünki sorğu-sual olunacaqlar!”
AzərbaycancaAlıxan Musayev
Onları dayandırın, çünki onlar sorğu-sual olunacaqlar”.
مَا لَكُمْ لَا تَنَاصَرُونَ ٢٥
AzərbaycancaMəmmədəliyev – Bünyadov
(Mələklər istehza ilə onlara deyəcəklər:) “Sizə nə olub ki, (bu gün dünyadakı kimi) bir-birinizə kömək edə bilmirsiniz?”
AzərbaycancaAlıxan Musayev
Günahkarlara deyiləcək: “Sizə nə olub ki, bir-birinizə kömək etmirsiniz?”
بَلْ هُمُ ٱلْيَوْمَ مُسْتَسْلِمُونَ ٢٦
AzərbaycancaMəmmədəliyev – Bünyadov
Bəli, onlar bu gün (Allahın əmrinə) təslim olmuşlar!
AzərbaycancaAlıxan Musayev
Bəli, onlar bu gün baş əyəcəklər!
وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ ٢٧
AzərbaycancaMəmmədəliyev – Bünyadov
Onların bir qismi (tabe olanlar) digəri (öz başçıları) ilə çənə-boğaz olmağa başlayacaq.
AzərbaycancaAlıxan Musayev
Onlar bir-birinə üz tutub soruşacaqlar.
قَالُوٓا۟ إِنَّكُمْ كُنتُمْ تَأْتُونَنَا عَنِ ٱلْيَمِينِ ٢٨
AzərbaycancaMəmmədəliyev – Bünyadov
(Tabe olanlar öz başçılarına) deyəcəklər: “Siz bizim yanımıza (özünüzün haqlı olduğunuz barədə) and-amanla (bizim bərəkətli və uğurlu saydığımız sağ tərəfdən) gəlirdiniz. (Əslində isə bizi haqq yoldan azdırmısınız)”.
AzərbaycancaAlıxan Musayev
Tabe olanlar deyəcəklər: “Siz bizim yanımıza sağ tərəfdən gəlirdiniz”.
قَالُوا۟ بَل لَّمْ تَكُونُوا۟ مُؤْمِنِينَ ٢٩
AzərbaycancaMəmmədəliyev – Bünyadov
(Başçıları) deyəcəklər: “Xeyr, siz (Allahın vəhdaniyyətinə) inanmırdınız.
AzərbaycancaAlıxan Musayev
Başçılar deyəcəklər: “Xeyr! Siz inanan adamlar deyildiniz.
وَمَا كَانَ لَنَا عَلَيْكُم مِّن سُلْطَٰنٍۭ ۖ بَلْ كُنتُمْ قَوْمًا طَٰغِينَ ٣٠
AzərbaycancaMəmmədəliyev – Bünyadov
Və bizim sizin üzərinizdə heç bir hökmümüz də yox idi. Xeyr, siz (özünüz) azğın (günah etməkdə həddi aşmış) bir qövm idiniz.
AzərbaycancaAlıxan Musayev
Bizim sizin üzərinizdə heç bir hökmranlığımız da yox idi. Xeyr, siz özünüz həddi aşmış adamlar idiniz.
فَحَقَّ عَلَيْنَا قَوْلُ رَبِّنَآ ۖ إِنَّا لَذَآئِقُونَ ٣١
AzərbaycancaMəmmədəliyev – Bünyadov
Buna görə də Rəbbimizin sözü (əzab və’dəsi) bizim barəmizdə gerçəkləşdi. Biz mütləq (əzabı) dadacağıq!
AzərbaycancaAlıxan Musayev
Rəbbimizin Sözü bizim barəmizdə həqiqətə çevrildi. Biz əzabı hökmən dadacağıq.
فَأَغْوَيْنَٰكُمْ إِنَّا كُنَّا غَٰوِينَ ٣٢
AzərbaycancaMəmmədəliyev – Bünyadov
Biz sizi yoldan çıxartdıq, çünki biz özümüz yoldan çıxmış kimsələr idik!”
AzərbaycancaAlıxan Musayev
Biz sizi azdırdıq. Çünki biz özümüz də azmış adamlar idik”.
فَإِنَّهُمْ يَوْمَئِذٍ فِى ٱلْعَذَابِ مُشْتَرِكُونَ ٣٣
AzərbaycancaMəmmədəliyev – Bünyadov
O gün hamısı əzaba (cəhənnəm oduna yanmağa) şərik olacaqlar.
AzərbaycancaAlıxan Musayev
Şübhəsiz ki, həmin gün onlar əzaba şərik olacaqlar.
إِنَّا كَذَٰلِكَ نَفْعَلُ بِٱلْمُجْرِمِينَ ٣٤
AzərbaycancaMəmmədəliyev – Bünyadov
Həqiqətən, Biz günahkarlarla belə rəftar edirik.
AzərbaycancaAlıxan Musayev
Həqiqətən, Biz günahkarlarla belə rəftar edəcəyik.
إِنَّهُمْ كَانُوٓا۟ إِذَا قِيلَ لَهُمْ لَآ إِلَٰهَ إِلَّا ٱللَّهُ يَسْتَكْبِرُونَ ٣٥
AzərbaycancaMəmmədəliyev – Bünyadov
Onlara: “Allahdan başqa heç bir tanrı yoxdur!” – deyildiyi zaman təkəbbür göstərirdilər.
AzərbaycancaAlıxan Musayev
Çünki onlara: “Allahdan başqa ibadətə layiq olan məbud yoxdur!”– deyildikdə təkəbbür göstərir
وَيَقُولُونَ أَئِنَّا لَتَارِكُوٓا۟ ءَالِهَتِنَا لِشَاعِرٍ مَّجْنُونٍۭ ٣٦
AzərbaycancaMəmmədəliyev – Bünyadov
Və: Biz heç divanə bir şairdən ötrü tanrılarımızı tərk edərikmi?!” – deyirdilər.
AzərbaycancaAlıxan Musayev
və deyirdilər: “Məgər bir məcnun şairə görə məbudlarımızı tərk edəcəyik?”
بَلْ جَآءَ بِٱلْحَقِّ وَصَدَّقَ ٱلْمُرْسَلِينَ ٣٧
AzərbaycancaMəmmədəliyev – Bünyadov
Xeyr, o, haqla (Qur’anla) gəldi və (özündən əvvəlki) peyğəmbərləri təsdiq etdi.
AzərbaycancaAlıxan Musayev
Xeyr! O, haqqı gətirdi və əvvəlki peyğəmbərləri təsdiqlədi.
إِنَّكُمْ لَذَآئِقُوا۟ ٱلْعَذَابِ ٱلْأَلِيمِ ٣٨
AzərbaycancaMəmmədəliyev – Bünyadov
Siz (müşriklər) şiddətli əzabı mütləq dadacaqsınız!
AzərbaycancaAlıxan Musayev
Siz mütləq ağrılı-acılı əzabı dadacaqsınız.
وَمَا تُجْزَوْنَ إِلَّا مَا كُنتُمْ تَعْمَلُونَ ٣٩
AzərbaycancaMəmmədəliyev – Bünyadov
Siz ancaq etdiyiniz əməllərin cəzasını alacaqsınız.
AzərbaycancaAlıxan Musayev
Siz ancaq etdiyiniz əməllərin cəzasını alacaqsınız.
إِلَّا عِبَادَ ٱللَّهِ ٱلْمُخْلَصِينَ ٤٠
AzərbaycancaMəmmədəliyev – Bünyadov
Allahın müxlis bəndələri isə müstəsnadırlar (onlara cəza verilməyəcəkdir).
AzərbaycancaAlıxan Musayev
Lakin Allahın seçilmiş ixlaslı qulları müstəsnadırlar.
أُو۟لَٰٓئِكَ لَهُمْ رِزْقٌ مَّعْلُومٌ ٤١
AzərbaycancaMəmmədəliyev – Bünyadov
Məhz onlar üçün mə’lum bir ruzi vardır.
AzərbaycancaAlıxan Musayev
Məhz onlar üçün müəyyən bir ruzi vardır –
فَوَٰكِهُ ۖ وَهُم مُّكْرَمُونَ ٤٢
AzərbaycancaMəmmədəliyev – Bünyadov
(Onlar üçün) növbənöv meyvələr vardır. Onlar hörmətə (şərəfə) nail olacaqlar –
AzərbaycancaAlıxan Musayev
Cənnət meyvələri. Onlara ehtiram göstəriləcəkdir –
فِى جَنَّٰتِ ٱلنَّعِيمِ ٤٣
AzərbaycancaMəmmədəliyev – Bünyadov
Nəim cənnətlərində.
AzərbaycancaAlıxan Musayev
Nəim bağlarında.
عَلَىٰ سُرُرٍ مُّتَقَٰبِلِينَ ٤٤
AzərbaycancaMəmmədəliyev – Bünyadov
Onlar taxtlar üstündə bir-biri ilə üzbəüz əyləşəcəklər.
AzərbaycancaAlıxan Musayev
Onlar taxtlar üstündə bir-biri ilə üzbəüz oturacaqlar.
يُطَافُ عَلَيْهِم بِكَأْسٍ مِّن مَّعِينٍۭ ٤٥
AzərbaycancaMəmmədəliyev – Bünyadov
Onlar üçün (cənnət saqiləri tərəfindən adamı kefləndirməyən, behiştdə çay kimi axan) məin (şərab) dolu piyalələr dolandırılacaqdır.
AzərbaycancaAlıxan Musayev
Onlar üçün çeşmə şərabı ilə dolu piyalələr dolandırılacaqdır.
بَيْضَآءَ لَذَّةٍ لِّلشَّٰرِبِينَ ٤٦
AzərbaycancaMəmmədəliyev – Bünyadov
Ağappaq, özü də içənlərə ləzzət verən (bir məin).
AzərbaycancaAlıxan Musayev
Özü də ağappaq, içənlərə ləzzət verən bir şərab.
لَا فِيهَا غَوْلٌ وَلَا هُمْ عَنْهَا يُنزَفُونَ ٤٧
AzərbaycancaMəmmədəliyev – Bünyadov
Onun içində (dünyadakı şərabdan fərqli olaraq) ağlı başdan çıxaran (başağrısı, süstlük verən) heç bir şey yoxdur. Onlar ondan məst də olmazlar.
AzərbaycancaAlıxan Musayev
O şərab nə baş ağrısı verər, nə də ondan məst olarlar.
وَعِندَهُمْ قَٰصِرَٰتُ ٱلطَّرْفِ عِينٌ ٤٨
AzərbaycancaMəmmədəliyev – Bünyadov
Onların yanında gözəl (irigözlü), baxışları (yalnız ərlərinə) dikilmiş zövcələr olacaqdır.
AzərbaycancaAlıxan Musayev
Onların yanında baxışları öz ərlərinə dikilmiş iri qaragözlü hurilər olacaqdır.
كَأَنَّهُنَّ بَيْضٌ مَّكْنُونٌ ٤٩
AzərbaycancaMəmmədəliyev – Bünyadov
Onlar, sanki örtülü (bağlı, heç bir əl dəyməmiş, qabığı içində təzə-təzə qalmış, ağappaq) yumurtadırlar (yaxud sədəf içində gizlənmiş incidirlər).
AzərbaycancaAlıxan Musayev
Özü də qorunub saxlanılmış yumurta kimi hurilər.
فَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ ٥٠
AzərbaycancaMəmmədəliyev – Bünyadov
Onlar bir-biri ilə (dünyada gördükləri barədə) sorğu-suala (söz-söhbətə) başlayacaqlar.
AzərbaycancaAlıxan Musayev
Onlar bir-birilərinə tərəf dönüb soruşacaqlar.
قَالَ قَآئِلٌ مِّنْهُمْ إِنِّى كَانَ لِى قَرِينٌ ٥١
AzərbaycancaMəmmədəliyev – Bünyadov
Onlardan biri belə deyəcək: “Mənim bir yoldaşım var idi.
AzərbaycancaAlıxan Musayev
Onlardan biri deyəcək: “Mənim bir yoldaşım var idi.
يَقُولُ أَءِنَّكَ لَمِنَ ٱلْمُصَدِّقِينَ ٥٢
AzərbaycancaMəmmədəliyev – Bünyadov
O deyirdi: “Sən, doğrudan da, inanmırsan ki,
AzərbaycancaAlıxan Musayev
O deyirdi: “Sən də inananlardansan?
أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَدِينُونَ ٥٣
AzərbaycancaMəmmədəliyev – Bünyadov
Biz öldükdən, torpaq və sür-sümük olduqdan sonra (dirildilib) sorğu-sual olunacağıq (və əməllərimizə görə cəzalandırılacağıq)?”
AzərbaycancaAlıxan Musayev
Məgər biz öldükdən, torpağa çevrilib sür-sümük olduqdan sonra haqq-hesaba çəkilib cəzalandırılacağıq?”
قَالَ هَلْ أَنتُم مُّطَّلِعُونَ ٥٤
AzərbaycancaMəmmədəliyev – Bünyadov
(Sonra həmin şəxs Cənnətdəki yoldaşlarına) deyəcək: “Siz (indi onun nə halda olduğunu) bilirsinizmi?” (Onlar: “Xeyr”, - deyə cavab verəcəklər).
AzərbaycancaAlıxan Musayev
O sözünə davam edib deyəcək: “Siz onun harada olduğunu görmək istəyirsinizmi?”
فَٱطَّلَعَ فَرَءَاهُ فِى سَوَآءِ ٱلْجَحِيمِ ٥٥
AzərbaycancaMəmmədəliyev – Bünyadov
O özü baxıb onu (yoldaşını) Cəhənnəmin ortasında görəcək
AzərbaycancaAlıxan Musayev
O özü baxıb yoldaşını Cəhənnəmin ortasında görəcək
قَالَ تَٱللَّهِ إِن كِدتَّ لَتُرْدِينِ ٥٦
AzərbaycancaMəmmədəliyev – Bünyadov
Və (ona üz tutub) deyəcəkdir: “Allaha and olsun ki, sən az qala məni (yoldan çıxardıb) məhv edəcəkdin!
AzərbaycancaAlıxan Musayev
və deyəcəkdir: “Allaha and olsun ki, sən məni də məhv edəcəkdin.
وَلَوْلَا نِعْمَةُ رَبِّى لَكُنتُ مِنَ ٱلْمُحْضَرِينَ ٥٧
AzərbaycancaMəmmədəliyev – Bünyadov
Əgər Rəbbimin lütfü olmasaydı, mən də (Cəhənnəmə) gətirilənlərdən olardım!
AzərbaycancaAlıxan Musayev
Əgər Rəbbimin lütfü olmasaydı, mən də Cəhənnəmə gətirilənlərdən olardım.
أَفَمَا نَحْنُ بِمَيِّتِينَ ٥٨
AzərbaycancaMəmmədəliyev – Bünyadov
Biz artıq ölməyəcəyik, elə deyilmi?
AzərbaycancaAlıxan Musayev
Doğrudanmı biz bir daha ölməyəcəyik –
إِلَّا مَوْتَتَنَا ٱلْأُولَىٰ وَمَا نَحْنُ بِمُعَذَّبِينَ ٥٩
AzərbaycancaMəmmədəliyev – Bünyadov
(Dünyadakı) ilk ölümümüz istisna olmaqla! Biz, əzad da görməyəcəyik!”
AzərbaycancaAlıxan Musayev
ilk ölümümüzdən başqa? Doğrudanmı biz heç vaxt əzaba düçar olmayacağıq?”
إِنَّ هَٰذَا لَهُوَ ٱلْفَوْزُ ٱلْعَظِيمُ ٦٠
AzərbaycancaMəmmədəliyev – Bünyadov
Həqiqətən, bu, böyük qurtuluşdur (uğurdur)!
AzərbaycancaAlıxan Musayev
Həqiqətən, bu, böyük uğurdur.
لِمِثْلِ هَٰذَا فَلْيَعْمَلِ ٱلْعَٰمِلُونَ ٦١
AzərbaycancaMəmmədəliyev – Bünyadov
Qoy (dünyada) çalışanlar bunun üçün (belə bir əbədi səadət uğrunda) çalışsınlar!
AzərbaycancaAlıxan Musayev
Qoy çalışanlar bunun üçün çalışsınlar!
أَذَٰلِكَ خَيْرٌ نُّزُلًا أَمْ شَجَرَةُ ٱلزَّقُّومِ ٦٢
AzərbaycancaMəmmədəliyev – Bünyadov
(Ey insanlar!) Qonaq olmağa (ziyafət üçün) bu (Cənnət) yaxşıdır, yoxsa (Cəhənnəmdəki pis qorxulu, meyvəsi zəhər kimi acı) zəqqum ağacı?
AzərbaycancaAlıxan Musayev
Ziyafət üçün bu yaxşıdır, yoxsa zəqqum ağacı?
إِنَّا جَعَلْنَٰهَا فِتْنَةً لِّلظَّٰلِمِينَ ٦٣
AzərbaycancaMəmmədəliyev – Bünyadov
Biz onu zalımlar (cəhənnəm istisində heç bir ağac bitməz deyən kafirlər) üçün bir bəla (dərd) etdik.
AzərbaycancaAlıxan Musayev
Biz onu zalımlar üçün bir sınaq etdik.
إِنَّهَا شَجَرَةٌ تَخْرُجُ فِىٓ أَصْلِ ٱلْجَحِيمِ ٦٤
AzərbaycancaMəmmədəliyev – Bünyadov
O elə bir ağacdır ki, Cəhənnəmin lap dibindən (cəhənnəm odunun içindən) çıxar.
AzərbaycancaAlıxan Musayev
O, Cəhənnəmin lap dibindən bitib çıxan bir ağacdır.
طَلْعُهَا كَأَنَّهُۥ رُءُوسُ ٱلشَّيَٰطِينِ ٦٥
AzərbaycancaMəmmədəliyev – Bünyadov
Onun meyvəsi şeytanların başı kimidir (olduqca çirkin və əcaibdir).
AzərbaycancaAlıxan Musayev
Onun meyvəsi şeytanların başları kimidir.
فَإِنَّهُمْ لَءَاكِلُونَ مِنْهَا فَمَالِـُٔونَ مِنْهَا ٱلْبُطُونَ ٦٦
AzərbaycancaMəmmədəliyev – Bünyadov
Onlar (cəhənnəm əhli) ondan yeyəcək və qarınlarını onunla dolduracaqlar.
AzərbaycancaAlıxan Musayev
Günahkarlar ondan yeyib qarınlarını dolduracaqlar.
ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ ٦٧
AzərbaycancaMəmmədəliyev – Bünyadov
Sonra onlar üçün (içməyə) qaynar su ilə qatışmış irin vardır.
AzərbaycancaAlıxan Musayev
Sonra da üstündən onları qaynar su ilə qatışdırılmış bir içki gözləyir.
ثُمَّ إِنَّ مَرْجِعَهُمْ لَإِلَى ٱلْجَحِيمِ ٦٨
AzərbaycancaMəmmədəliyev – Bünyadov
Daha sonra onların qayıdacaqları yer mütləq yenə Cəhənnəmdir!
AzərbaycancaAlıxan Musayev
Sonra onlar mütləq Cəhənnəmə qaytarılacaqlar.
إِنَّهُمْ أَلْفَوْا۟ ءَابَآءَهُمْ ضَآلِّينَ ٦٩
AzərbaycancaMəmmədəliyev – Bünyadov
Çünki onlar atalarını (dünyada haqq yoldan) azmış gördülər.
AzərbaycancaAlıxan Musayev
Həqiqətən, onlar ata-babalarını azmış gördülər,
فَهُمْ عَلَىٰٓ ءَاثَٰرِهِمْ يُهْرَعُونَ ٧٠
AzərbaycancaMəmmədəliyev – Bünyadov
Bununla belə yüyürə-yüyürə onların ardınca düşüb getdilər.
AzərbaycancaAlıxan Musayev
özləri də tez-tələsik onların izini tutub getdilər.
وَلَقَدْ ضَلَّ قَبْلَهُمْ أَكْثَرُ ٱلْأَوَّلِينَ ٧١
AzərbaycancaMəmmədəliyev – Bünyadov
Həqiqətən, onlardan (Məkkə müşriklərindən) əvvəlkilərin (keçmiş ümmətlərin) əksəriyyəti (haqq yoldan) azmışdı.
AzərbaycancaAlıxan Musayev
Həqiqətən, onlardan öncə əvvəlki nəsillərin çoxu zəlalətə düşmüşdü.
وَلَقَدْ أَرْسَلْنَا فِيهِم مُّنذِرِينَ ٧٢
AzərbaycancaMəmmədəliyev – Bünyadov
And olsun ki, Biz onlara (Allahın əzabı ilə) qorxudan peyğəmbərlər göndərmişdik.
AzərbaycancaAlıxan Musayev
Biz onlara xəbərdar edən peyğəmbərlər göndərmişdik.
فَٱنظُرْ كَيْفَ كَانَ عَٰقِبَةُ ٱلْمُنذَرِينَ ٧٣
AzərbaycancaMəmmədəliyev – Bünyadov
(Ya Rəsulum!) Bir gör o qorxudulanların (lakin düz yola gəlməyənlərin) axırı necə oldu!
AzərbaycancaAlıxan Musayev
Bax gör xəbərdar edilənlərin aqibəti necə oldu.
إِلَّا عِبَادَ ٱللَّهِ ٱلْمُخْلَصِينَ ٧٤
AzərbaycancaMəmmədəliyev – Bünyadov
Yalnız Allahın sadiq bəndələrindən başqa! (Onlara heç bir əzab verilmədi).
AzərbaycancaAlıxan Musayev
Yalnız Allahın seçilmiş səmimi qullarından başqa.
وَلَقَدْ نَادَىٰنَا نُوحٌ فَلَنِعْمَ ٱلْمُجِيبُونَ ٧٥
AzərbaycancaMəmmədəliyev – Bünyadov
Həqiqətən, Nuh (öz tayfasının məhv edilməsi barədə) Bizə dua etmiş, onun duası necə də gözəl qəbul olunmuşdu!
AzərbaycancaAlıxan Musayev
Nuh Bizə yalvarıb yaxardı. Biz çağırışa necə də gözəl cavab verənik!
وَنَجَّيْنَٰهُ وَأَهْلَهُۥ مِنَ ٱلْكَرْبِ ٱلْعَظِيمِ ٧٦
AzərbaycancaMəmmədəliyev – Bünyadov
Biz (Nuh qövmünü suda boğub) onu və ailəsini böyük fəlakətdən qurtardıq.
AzərbaycancaAlıxan Musayev
Biz onu və ailəsini böyük sıxıntıdan qurtardıq.
وَجَعَلْنَا ذُرِّيَّتَهُۥ هُمُ ٱلْبَاقِينَ ٧٧
AzərbaycancaMəmmədəliyev – Bünyadov
Məhz onun nəslini (qiyamətə qədər yer üzündə) baqi etdik.
AzərbaycancaAlıxan Musayev
Təkcə onun nəslini qoruyub saxladıq.
وَتَرَكْنَا عَلَيْهِ فِى ٱلْءَاخِرِينَ ٧٨
AzərbaycancaMəmmədəliyev – Bünyadov
Sonralar gələnlər içərisində onun üçün (yaxşı ad, gözəl xatirə) qoyduq.
AzərbaycancaAlıxan Musayev
Sonra gələnlər arasında onun üçün gözəl xatirə qoyduq;
سَلَٰمٌ عَلَىٰ نُوحٍ فِى ٱلْعَٰلَمِينَ ٧٩
AzərbaycancaMəmmədəliyev – Bünyadov
(Onu belə yad edirlər:) “Bütün aləmlər (bəşər əhli) içərisində Nuha salam olsun!”
AzərbaycancaAlıxan Musayev
aləmlər içərisində Nuha salam olsun!
إِنَّا كَذَٰلِكَ نَجْزِى ٱلْمُحْسِنِينَ ٨٠
AzərbaycancaMəmmədəliyev – Bünyadov
Həqiqətən, Biz yaxşı əməl sahiblərini belə mükafatlandırırıq!
AzərbaycancaAlıxan Musayev
Həqiqətən, Biz yaxşı iş görənləri belə mükafatlandırırıq.
إِنَّهُۥ مِنْ عِبَادِنَا ٱلْمُؤْمِنِينَ ٨١
AzərbaycancaMəmmədəliyev – Bünyadov
Şübhəsiz ki, o Bizim mö’min bəndələrimizdən idi!
AzərbaycancaAlıxan Musayev
Həqiqətən, o Bizim mömin qullarımızdandır.
ثُمَّ أَغْرَقْنَا ٱلْءَاخَرِينَ ٨٢
AzərbaycancaMəmmədəliyev – Bünyadov
Sonra başqalarını (Nuha iman gətirməyənləri) suda boğduq.
AzərbaycancaAlıxan Musayev
Sonra o birilərini suya qərq etdik.
۞ وَإِنَّ مِن شِيعَتِهِۦ لَإِبْرَٰهِيمَ ٨٣
AzərbaycancaMəmmədəliyev – Bünyadov
Həqiqətən, İbrahim də onun yolu ilə gedənlərdən (Nuhun firqəsindən) idi.
AzərbaycancaAlıxan Musayev
Həqiqətən, İbrahim onun ardıcıllarından idi.
إِذْ جَآءَ رَبَّهُۥ بِقَلْبٍ سَلِيمٍ ٨٤
AzərbaycancaMəmmədəliyev – Bünyadov
O zaman o öz Rəbbinin hüzuruna tərtəmiz bir qəlblə gəlmişdi.
AzərbaycancaAlıxan Musayev
Bir zaman o, öz Rəbbinin yanına pak bir qəlblə gəldi.
إِذْ قَالَ لِأَبِيهِ وَقَوْمِهِۦ مَاذَا تَعْبُدُونَ ٨٥
AzərbaycancaMəmmədəliyev – Bünyadov
Həmin vaxt o, atasına və tayfasına belə demişdi: “Siz nəyə ibadət edirsiniz?
AzərbaycancaAlıxan Musayev
Onda o, öz atasına və qövmünə dedi: “Siz nəyə sitayiş edirsiniz?
أَئِفْكًا ءَالِهَةً دُونَ ٱللَّهِ تُرِيدُونَ ٨٦
AzərbaycancaMəmmədəliyev – Bünyadov
Allahı qoyub yalançı tanrılarımı istəyirsiniz?
AzərbaycancaAlıxan Musayev
Allahı qoyub uydurma məbudlarımı diləyirsiniz?
فَمَا ظَنُّكُم بِرَبِّ ٱلْعَٰلَمِينَ ٨٧
AzərbaycancaMəmmədəliyev – Bünyadov
Aləmlərin Rəbbi barəsində zənniniz nədir?” (Onun ruzisini yeyib bütlərə tapınırsınız? Məgər bunun cəzasını çəkməyəcəksiniz?!)
AzərbaycancaAlıxan Musayev
Aləmlərin Rəbbi barəsində nə düşünürsünüz?”
فَنَظَرَ نَظْرَةً فِى ٱلنُّجُومِ ٨٨
AzərbaycancaMəmmədəliyev – Bünyadov
(İbrahim) ulduzlara bir nəzər saldı.
AzərbaycancaAlıxan Musayev
O, ulduzlara bir nəzər salaraq
فَقَالَ إِنِّى سَقِيمٌ ٨٩
AzərbaycancaMəmmədəliyev – Bünyadov
Və (ətrafındakıları özündən uzaqlaşdıqmaq məqsədilə) dedi: “Mən xəstəyəm!”
AzərbaycancaAlıxan Musayev
“Mən xəstəyəm!”– dedi.
فَتَوَلَّوْا۟ عَنْهُ مُدْبِرِينَ ٩٠
AzərbaycancaMəmmədəliyev – Bünyadov
(İbrahimin yanındakılar xəstəliyin onlara yoluxmasından qorxaraq, həm də o gün qeyd edəcəkləri bayrama tələsərək) ondan üz çevirib getdilər.
AzərbaycancaAlıxan Musayev
Onlar ondan üz çevirib çıxıb getdilər.
فَرَاغَ إِلَىٰٓ ءَالِهَتِهِمْ فَقَالَ أَلَا تَأْكُلُونَ ٩١
AzərbaycancaMəmmədəliyev – Bünyadov
(İbrahim) xəlvətcə onların tanrılarının yanına gedib (istehza ilə) dedi: “Məgər (yanınızda olan bu təamları) yeməyəcəksiniz?
AzərbaycancaAlıxan Musayev
O, xəlvətcə onların məbudlarının yanına gəlib istehza ilə dedi: “Siz bu təamları yemirsiniz?
مَا لَكُمْ لَا تَنطِقُونَ ٩٢
AzərbaycancaMəmmədəliyev – Bünyadov
Sizə nə olub ki, danışmırsınız?”
AzərbaycancaAlıxan Musayev
Sizə nə olub ki, danışmırsınız?”
فَرَاغَ عَلَيْهِمْ ضَرْبًۢا بِٱلْيَمِينِ ٩٣
AzərbaycancaMəmmədəliyev – Bünyadov
Sonra bütlərin üstünə yüyürüb sağ əli ilə onlara möhkəm bir zərbə endirdi.
AzərbaycancaAlıxan Musayev
Sonra onlara yaxınlaşıb sağ əli ilə bir zərbə endirdi.
فَأَقْبَلُوٓا۟ إِلَيْهِ يَزِفُّونَ ٩٤
AzərbaycancaMəmmədəliyev – Bünyadov
(Bundan xəbər tutan tayfası) yüyürə-yüyürə onun yanına gəldi.
AzərbaycancaAlıxan Musayev
Bütpərəstlər tələsik onun yanına gəldilər.
قَالَ أَتَعْبُدُونَ مَا تَنْحِتُونَ ٩٥
AzərbaycancaMəmmədəliyev – Bünyadov
(İbrahim onlara) dedi: “Siz özünüz yonub düzəltdiyiniz şeylərəmi ibadət edirsiniz?
AzərbaycancaAlıxan Musayev
O dedi: “Siz yonub düzəltdiklərinizəmi sitayiş edirsiniz?
وَٱللَّهُ خَلَقَكُمْ وَمَا تَعْمَلُونَ ٩٦
AzərbaycancaMəmmədəliyev – Bünyadov
Halbuki sizə də, sizin düzəltdiklərinizi də Allah yaratmışdır!”
AzərbaycancaAlıxan Musayev
Axı sizi də, sizin düzəltdiklərinizi də Allah yaratmışdır”.
قَالُوا۟ ٱبْنُوا۟ لَهُۥ بُنْيَٰنًا فَأَلْقُوهُ فِى ٱلْجَحِيمِ ٩٧
AzərbaycancaMəmmədəliyev – Bünyadov
Onlar dedilər: “Bunun (İbrahim) üçün bir bina tikin, (içərisini odunla doldurub) özünü də oda atın!”
AzərbaycancaAlıxan Musayev
Onlar dedilər: “Bundan ötrü bir bina tikin və onu orada odlayın!”
فَأَرَادُوا۟ بِهِۦ كَيْدًا فَجَعَلْنَٰهُمُ ٱلْأَسْفَلِينَ ٩٨
AzərbaycancaMəmmədəliyev – Bünyadov
Onlar onun üçün belə bir hiyə qurmaq istədilər, Biz isə onları çox səfil (zəlil) bir vəziyyətə saldıq. (Hiylələri baş tutmadı, İbrahimə heç bir şey edə bilmədilər).
AzərbaycancaAlıxan Musayev
Onlar İbrahimə hiylə qurmaq istədilər, Biz də onları rüsvay etdik.
وَقَالَ إِنِّى ذَاهِبٌ إِلَىٰ رَبِّى سَيَهْدِينِ ٩٩
AzərbaycancaMəmmədəliyev – Bünyadov
(İbrahim oddan xilas olduqdan sonra) dedi: “Mən Rəbbimə doğru (Allahın mənə buyurduğu yerə - Şama tərəf) gedirəm. O mənə doğru yolu mütləq göstərəcəkdir!”
AzərbaycancaAlıxan Musayev
O dedi: “Mən Rəbbimə doğru gedirəm. O məni doğru yola yönəldəcəkdir”.
رَبِّ هَبْ لِى مِنَ ٱلصَّٰلِحِينَ ١٠٠
AzərbaycancaMəmmədəliyev – Bünyadov
(İbrahim müqəddəs torpağa yetişdikdən sonra dua edib) dedi: “Ey Rəbbim! Mənə salehlərdən olan (bir övlad) bəxş et!”
AzərbaycancaAlıxan Musayev
O dedi: “Ey Rəbbim! Mənə əməlisalehlərdən olan övlad bəxş et!”
فَبَشَّرْنَٰهُ بِغُلَٰمٍ حَلِيمٍ ١٠١
AzərbaycancaMəmmədəliyev – Bünyadov
Biz də ona həlim xasiyyətli bir oğlan uşağı (İsmail) ilə müjdə verdik.
AzərbaycancaAlıxan Musayev
Biz də onu həlim xasiyyətli bir oğlan uşağı ilə müjdələdik.
فَلَمَّا بَلَغَ مَعَهُ ٱلسَّعْىَ قَالَ يَٰبُنَىَّ إِنِّىٓ أَرَىٰ فِى ٱلْمَنَامِ أَنِّىٓ أَذْبَحُكَ فَٱنظُرْ مَاذَا تَرَىٰ ۚ قَالَ يَٰٓأَبَتِ ٱفْعَلْ مَا تُؤْمَرُ ۖ سَتَجِدُنِىٓ إِن شَآءَ ٱللَّهُ مِنَ ٱلصَّٰبِرِينَ ١٠٢
AzərbaycancaMəmmədəliyev – Bünyadov
O, yüyürüb qaçmaq (atasına kömək edə bilmək) çağına (on üç yaşına) çatdıqda (İbrahim) dedi: “Oğlum! Yuxuda gördüm ki, səni qurban kəsirəm. Bax gör (bu barədə) nə fikirləşirsən!” O dedi: “Atacan! Sənə nə əmr olunursa, onu da et. İnşallah, mənim səbirlilərdən olduğumu görəcəksən!”
AzərbaycancaAlıxan Musayev
O, böyüyüb atası ilə bərabər çalışmaq həddinə çatdıqda İbrahim dedi: “Oğlum! Yuxuda gördüm ki, səni qurban kəsirəm. Bax gör nə düşünürsən!” O dedi: “Atacan! Sənə buyurulanı yerinə yetir. Allah qoysa mənim səbirlilərdən olduğumu görəcəksən”.
فَلَمَّآ أَسْلَمَا وَتَلَّهُۥ لِلْجَبِينِ ١٠٣
AzərbaycancaMəmmədəliyev – Bünyadov
Onların hər ikisi (Allahın əmrinə) təslim olduğu və (İbrahim İsmaili qurban kəsmək üçün) üzüstə yerə yıxdığı zaman
AzərbaycancaAlıxan Musayev
Hər ikisi Allahın əmrinə tabe olduqları və İbrahim onu üzüstə yerə yıxdığı zaman
وَنَٰدَيْنَٰهُ أَن يَٰٓإِبْرَٰهِيمُ ١٠٤
AzərbaycancaMəmmədəliyev – Bünyadov
Biz ona belə xitab etdik: “Ya İbrahim!
AzərbaycancaAlıxan Musayev
Biz onu çağırıb dedik: “Ey İbrahim!
قَدْ صَدَّقْتَ ٱلرُّءْيَآ ۚ إِنَّا كَذَٰلِكَ نَجْزِى ٱلْمُحْسِنِينَ ١٠٥
AzərbaycancaMəmmədəliyev – Bünyadov
Artıq sən rö’yanın düzgünlüyünü (Allah tərəfindən olduğunu) təsdiq etdin!” (Sənə yuxuda nə əmr olunmuşdusa, onu yerinə yetirdin. Allah sənə lütf edərək oğlunun yerinə bir qoç kəsməyi buyurur). Biz yaxşı iş görənləri belə mükafatlandırırıq.
AzərbaycancaAlıxan Musayev
Artıq sən yuxunu təsdiq etdin!” Biz yaxşı iş görənləri belə mükafatlandırırıq.
إِنَّ هَٰذَا لَهُوَ ٱلْبَلَٰٓؤُا۟ ٱلْمُبِينُ ١٠٦
AzərbaycancaMəmmədəliyev – Bünyadov
Şübhəsiz ki, bu, açıq-aydın bir imtahan idi.
AzərbaycancaAlıxan Musayev
Həqiqətən də bu, açıq-aydın bir imtahandır.
وَفَدَيْنَٰهُ بِذِبْحٍ عَظِيمٍ ١٠٧
AzərbaycancaMəmmədəliyev – Bünyadov
Biz ona böyük bir qurbanlıq (Habilin qurbanlıq qoçunu) əvəz verdik.
AzərbaycancaAlıxan Musayev
Biz onun əvəzinə böyük bir qurbanlığı fidyə verdik.
وَتَرَكْنَا عَلَيْهِ فِى ٱلْءَاخِرِينَ ١٠٨
AzərbaycancaMəmmədəliyev – Bünyadov
Sonradan gələnlər arasında onun üçün (yaxşı ad, gözəl xatirə) qoyduq.
AzərbaycancaAlıxan Musayev
Sonradan gələnlər arasında ona gözəl xatirə qoyduq.
سَلَٰمٌ عَلَىٰٓ إِبْرَٰهِيمَ ١٠٩
AzərbaycancaMəmmədəliyev – Bünyadov
(Onu belə yad edirlər:) “İbrahimə salam olsun!”
AzərbaycancaAlıxan Musayev
İbrahimə salam olsun!
كَذَٰلِكَ نَجْزِى ٱلْمُحْسِنِينَ ١١٠
AzərbaycancaMəmmədəliyev – Bünyadov
Həqiqətən, Biz yaxşı əməl sahiblərini belə mükafatlandırırıq!
AzərbaycancaAlıxan Musayev
Həqiqətən, Biz yaxşı iş görənləri belə mükafatlandırırıq.
إِنَّهُۥ مِنْ عِبَادِنَا ٱلْمُؤْمِنِينَ ١١١
AzərbaycancaMəmmədəliyev – Bünyadov
Şübhəsiz ki, o Bizim mö’min bəndələrimizdən idi!
AzərbaycancaAlıxan Musayev
Həqiqətən, o, Bizim mömin qullarımızdandır.
وَبَشَّرْنَٰهُ بِإِسْحَٰقَ نَبِيًّا مِّنَ ٱلصَّٰلِحِينَ ١١٢
AzərbaycancaMəmmədəliyev – Bünyadov
Ona salehlərdən olan İshaqın peyğəmbər olacağı ilə müjdə verdik.
AzərbaycancaAlıxan Musayev
Ona əməlisalehlərdən olacaq bir peyğəmbər – İshaq ilə müjdə verdik.
وَبَٰرَكْنَا عَلَيْهِ وَعَلَىٰٓ إِسْحَٰقَ ۚ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِۦ مُبِينٌ ١١٣
AzərbaycancaMəmmədəliyev – Bünyadov
Biz ona İshaqa (peyğəmbərliklə, övlad çoxluğu ilə) bərəkət verdik. Onların hər ikisinin nəslindən yaxşı işlər görən də var, açıq-aşkar özünə zülm edən də!
AzərbaycancaAlıxan Musayev
Biz ona və İshaqa bərəkət verdik. Hər ikisinin nəslində yaxşı iş görənləri də var, açıq-aydın özünə zülm edənləri də.
وَلَقَدْ مَنَنَّا عَلَىٰ مُوسَىٰ وَهَٰرُونَ ١١٤
AzərbaycancaMəmmədəliyev – Bünyadov
Biz Musa və Haruna da ne’mət (peyğəmbərlik) bəxş etdik.
AzərbaycancaAlıxan Musayev
Biz Musa ilə Haruna da nemət bəxş etdik.
وَنَجَّيْنَٰهُمَا وَقَوْمَهُمَا مِنَ ٱلْكَرْبِ ٱلْعَظِيمِ ١١٥
AzərbaycancaMəmmədəliyev – Bünyadov
Onların hər ikisini böyük fəlakətdən (Fir’onun əsarətindən, yaxud suda boğulmaqdan) qurtardıq.
AzərbaycancaAlıxan Musayev
Onların hər ikisini və tayfalarını böyük sıxıntıdan qurtardıq.
وَنَصَرْنَٰهُمْ فَكَانُوا۟ هُمُ ٱلْغَٰلِبِينَ ١١٦
AzərbaycancaMəmmədəliyev – Bünyadov
Onlara yardım etdik və onlar (düşmənə) qalib gəldilər.
AzərbaycancaAlıxan Musayev
Onlara kömək göstərdik və qalib gəldilər.
وَءَاتَيْنَٰهُمَا ٱلْكِتَٰبَ ٱلْمُسْتَبِينَ ١١٧
AzərbaycancaMəmmədəliyev – Bünyadov
Onların hər ikisinə (hökmləri) açıq-aydın o kitabı (Tövratı) verdik.
AzərbaycancaAlıxan Musayev
Hər ikisinə aydın bir Kitab verdik.
وَهَدَيْنَٰهُمَا ٱلصِّرَٰطَ ٱلْمُسْتَقِيمَ ١١٨
AzərbaycancaMəmmədəliyev – Bünyadov
Onların hər ikisini doğru yola müvəffəq etdik.
AzərbaycancaAlıxan Musayev
Hər ikisini də doğru yola yönəltdik.
وَتَرَكْنَا عَلَيْهِمَا فِى ٱلْءَاخِرِينَ ١١٩
AzərbaycancaMəmmədəliyev – Bünyadov
Sonradan gələnlər içərisində onların hər ikisi üçün (yaxşı ad, gözəl xatirə) qoyduq.
AzərbaycancaAlıxan Musayev
Sonradan gələnlər arasında hər ikisinə gözəl xatirə qoyduq.
سَلَٰمٌ عَلَىٰ مُوسَىٰ وَهَٰرُونَ ١٢٠
AzərbaycancaMəmmədəliyev – Bünyadov
(Onları belə yad edirlər:) “Musaya və Haruna salam olsun!”
AzərbaycancaAlıxan Musayev
Musaya və Haruna salam olsun!
إِنَّا كَذَٰلِكَ نَجْزِى ٱلْمُحْسِنِينَ ١٢١
AzərbaycancaMəmmədəliyev – Bünyadov
Həqiqətən, Biz yaxşı əməl sahiblərini belə mükafatlandırırıq!
AzərbaycancaAlıxan Musayev
Həqiqətən, Biz yaxşı iş görənləri belə mükafatlandırırıq.
إِنَّهُمَا مِنْ عِبَادِنَا ٱلْمُؤْمِنِينَ ١٢٢
AzərbaycancaMəmmədəliyev – Bünyadov
Şübhəsiz ki, onların hər ikisi Bizim mö’min bəndələrimizdən idi.
AzərbaycancaAlıxan Musayev
Həqiqətən, onların ikisi də Bizim mömin qullarımızdandır.
وَإِنَّ إِلْيَاسَ لَمِنَ ٱلْمُرْسَلِينَ ١٢٣
AzərbaycancaMəmmədəliyev – Bünyadov
Həqiqətən, İlyas da (Bizim tərəfimizdən göndərilmiş) peyğəmbərlərdəndir!
AzərbaycancaAlıxan Musayev
Şübhəsiz ki, İlyas da elçilərdəndir.
إِذْ قَالَ لِقَوْمِهِۦٓ أَلَا تَتَّقُونَ ١٢٤
AzərbaycancaMəmmədəliyev – Bünyadov
Bir zaman o öz tayfasına belə demişdi: “Məgər (bütlərə ibadət etməklə) Allahdan qorxmursunuz?
AzərbaycancaAlıxan Musayev
Bir zaman o öz qövmünə demişdi: “Məgər qorxmursunuz?
أَتَدْعُونَ بَعْلًا وَتَذَرُونَ أَحْسَنَ ٱلْخَٰلِقِينَ ١٢٥
AzərbaycancaMəmmədəliyev – Bünyadov
Məgər siz yaradanların ən yaxşısını (Allahı) qoyub Bə’lə (Bə’l adlı bütə) ibadət edirsiniz?
AzərbaycancaAlıxan Musayev
Siz yaradanların ən yaxşısını qoyub niyə Bələ yalvarırsınız –
ٱللَّهَ رَبَّكُمْ وَرَبَّ ءَابَآئِكُمُ ٱلْأَوَّلِينَ ١٢٦
AzərbaycancaMəmmədəliyev – Bünyadov
Həm sizin Rəbbiniz, həm də (sizdən) əvvəlki atalarınızın (babalarınızın) Rəbbi olan Allahımı (tərk edirsiniz)?”
AzərbaycancaAlıxan Musayev
həm sizin Rəbbiniz, həm də əcdadlarınızın Rəbbi olan Allahımı tərk edirsiniz?”
فَكَذَّبُوهُ فَإِنَّهُمْ لَمُحْضَرُونَ ١٢٧
AzərbaycancaMəmmədəliyev – Bünyadov
Lakin onlar onu təkzib etdilər, buna görə də (qiyamət günü Cəhənnəmə) gətiriləcəklər.
AzərbaycancaAlıxan Musayev
Onlar onu yalançı saydılar. Ona görə də hamısı Cəhənnəmə gətiriləcəkdir.
إِلَّا عِبَادَ ٱللَّهِ ٱلْمُخْلَصِينَ ١٢٨
AzərbaycancaMəmmədəliyev – Bünyadov
Yalnız Allahın müxlis bəndələrindən başqa!
AzərbaycancaAlıxan Musayev
Yalnız Allahın seçilmiş səmimi qullarından başqa.
وَتَرَكْنَا عَلَيْهِ فِى ٱلْءَاخِرِينَ ١٢٩
AzərbaycancaMəmmədəliyev – Bünyadov
Sonradan gələnlər arasında onun üçün (yaxşı ad, gözəl xatirə) qoyduq.
AzərbaycancaAlıxan Musayev
Sonradan gələnlər arasında ona gözəl xatirə qoyduq.
سَلَٰمٌ عَلَىٰٓ إِلْ يَاسِينَ ١٣٠
AzərbaycancaMəmmədəliyev – Bünyadov
(Onu belə yad edirlər:) “İlyasinə (İlyasa) salam olsun!”
AzərbaycancaAlıxan Musayev
İlyasinə salam olsun!
إِنَّا كَذَٰلِكَ نَجْزِى ٱلْمُحْسِنِينَ ١٣١
AzərbaycancaMəmmədəliyev – Bünyadov
Həqiqətən, Biz yaxşı əməl sahiblərini belə mükafatlandırırıq!
AzərbaycancaAlıxan Musayev
Həqiqətən, Biz yaxşı iş görənləri belə mükafatlandırırıq.
إِنَّهُۥ مِنْ عِبَادِنَا ٱلْمُؤْمِنِينَ ١٣٢
AzərbaycancaMəmmədəliyev – Bünyadov
Şübhəsiz ki, o Bizim mö’min bəndələrimizdən idi!
AzərbaycancaAlıxan Musayev
Həqiqətən, o Bizim mömin qullarımızdandır.
وَإِنَّ لُوطًا لَّمِنَ ٱلْمُرْسَلِينَ ١٣٣
AzərbaycancaMəmmədəliyev – Bünyadov
Həqiqətən, Lut da peyğəmbərlərdəndir!
AzərbaycancaAlıxan Musayev
Şübhəsiz ki, Lut da elçilərdəndir.
إِذْ نَجَّيْنَٰهُ وَأَهْلَهُۥٓ أَجْمَعِينَ ١٣٤
AzərbaycancaMəmmədəliyev – Bünyadov
(Ya Rəsulum!) Yadına sal ki, Biz o vaxt (Lut tayfasına müsibət üz verdiyi zaman) onu və bütün ailəsini xilas etdik.
AzərbaycancaAlıxan Musayev
Bir zaman Biz onu və bütün ailəsini xilas etdik.
إِلَّا عَجُوزًا فِى ٱلْغَٰبِرِينَ ١٣٥
AzərbaycancaMəmmədəliyev – Bünyadov
Yalnız əzab içində qalanlar arasında olan qoca qarıdan (Lutun övrətindən) başqa!
AzərbaycancaAlıxan Musayev
Yalnız geridə qalanların içində olan yaşlı bir qadından başqa.
ثُمَّ دَمَّرْنَا ٱلْءَاخَرِينَ ١٣٦
AzərbaycancaMəmmədəliyev – Bünyadov
Sonra isə başqalarını (iman gətirməyənləri) yox etdik.
AzərbaycancaAlıxan Musayev
Sonra da o birilərini yerli-dibli yox etdik.
وَإِنَّكُمْ لَتَمُرُّونَ عَلَيْهِم مُّصْبِحِينَ ١٣٧
AzərbaycancaMəmmədəliyev – Bünyadov
Siz (Şama getdiyiniz zaman) səhər vaxtı onların yurdundan keçirsiniz;
AzərbaycancaAlıxan Musayev
Siz həm səhər çağı onların yanından keçirsiniz,
وَبِٱلَّيْلِ ۗ أَفَلَا تَعْقِلُونَ ١٣٨
AzərbaycancaMəmmədəliyev – Bünyadov
Eləcə də axşam vaxtı. Məgər bir düşünüb-daşınmırsınız?
AzərbaycancaAlıxan Musayev
həm də axşam çağı. Məgər anlamırsınız?
وَإِنَّ يُونُسَ لَمِنَ ٱلْمُرْسَلِينَ ١٣٩
AzərbaycancaMəmmədəliyev – Bünyadov
Həqiqətən, Yunis də (Bizim təfəfimizdən göndərilmiş) peyğəmbərlərdəndir!
AzərbaycancaAlıxan Musayev
Yunus da, həqiqətən, elçilərdəndir.
إِذْ أَبَقَ إِلَى ٱلْفُلْكِ ٱلْمَشْحُونِ ١٤٠
AzərbaycancaMəmmədəliyev – Bünyadov
(Ya Peyğəmbər!) Yadına sal ki, bir zaman o, (qövmünün küfrü üzündən yük və adamla) dolu bir gəmiyə qaçmışdı.
AzərbaycancaAlıxan Musayev
Bir zaman o, yüklü bir gəmiyə tərəf qaçdı.
فَسَاهَمَ فَكَانَ مِنَ ٱلْمُدْحَضِينَ ١٤١
AzərbaycancaMəmmədəliyev – Bünyadov
(Gəmidə olanlar) püşk atmış və (püşk ona düşdüyü üçün) məğlub edilənlərdən olmuşdu. (Yunis gəmiyə mindiyi zaman gəmi yerindən tərpənməmiş, buna görə də sərnişinlər: “Yəqin ki, içərimizdə ağasından qaçmış kölə vardır”, - demişdilər. Kölənin kim olduğunu bilmək üçün püşk atılmış və o, Yunisə düşmüşdü. Yunis özünü dənizə atmağa məcbur olmuşdu).
AzərbaycancaAlıxan Musayev
Başqaları ilə birlikdə püşk atdı və uduzanlardan oldu.
فَٱلْتَقَمَهُ ٱلْحُوتُ وَهُوَ مُلِيمٌ ١٤٢
AzərbaycancaMəmmədəliyev – Bünyadov
(Yunis Allahın izni olmadan qövmünü tərk edib getdiyinə görə) özünü qınayarkən (dənizə atılarkən) balıq onu udmuşdu.
AzərbaycancaAlıxan Musayev
O, qınanmağa layiq olduqda balıq onu uddu.
فَلَوْلَآ أَنَّهُۥ كَانَ مِنَ ٱلْمُسَبِّحِينَ ١٤٣
AzərbaycancaMəmmədəliyev – Bünyadov
Əgər o, (Allahı) çox təqdis edənlərdən (namaz qılanlardan) olmasaydı,
AzərbaycancaAlıxan Musayev
Əgər o, Allaha tərif deyənlərdən olmasaydı,
لَلَبِثَ فِى بَطْنِهِۦٓ إِلَىٰ يَوْمِ يُبْعَثُونَ ١٤٤
AzərbaycancaMəmmədəliyev – Bünyadov
Yəqin ki, balığın qarnında qiyamət gününə qədər qalardı.
AzərbaycancaAlıxan Musayev
balığın qarnında Qiyamət gününə qədər qalardı.
۞ فَنَبَذْنَٰهُ بِٱلْعَرَآءِ وَهُوَ سَقِيمٌ ١٤٥
AzərbaycancaMəmmədəliyev – Bünyadov
Nəhayət, o, xəstə olduğu halda onu boş bir yerə (sahilə) atdıq.
AzərbaycancaAlıxan Musayev
O, halsız olduğu vəziyyətdə onu sahilə çıxartdıq.
وَأَنۢبَتْنَا عَلَيْهِ شَجَرَةً مِّن يَقْطِينٍ ١٤٦
AzərbaycancaMəmmədəliyev – Bünyadov
Və (başı) üstündə (ona kölgə salmaq üçün) iri yarpaqlı bir ağac (yaxud qabaq tağı) bitirdik.
AzərbaycancaAlıxan Musayev
Onun başı üstündə balqabaq tağı bitirdik.
وَأَرْسَلْنَٰهُ إِلَىٰ مِا۟ئَةِ أَلْفٍ أَوْ يَزِيدُونَ ١٤٧
AzərbaycancaMəmmədəliyev – Bünyadov
Biz onu yüz min nəfərə və daha çox kimsəyə peyğəmbər göndərdik.
AzərbaycancaAlıxan Musayev
Biz onu yüz mindən də daha çox adama peyğəmbər göndərdik.
فَـَٔامَنُوا۟ فَمَتَّعْنَٰهُمْ إِلَىٰ حِينٍ ١٤٨
AzərbaycancaMəmmədəliyev – Bünyadov
Nəhayət, onlar ona (Yunisə) iman gətirdilər və Biz də onlara müəyyən vaxtadək (ömürlərinin axırına kimi) gün-güzəran verdik.
AzərbaycancaAlıxan Musayev
Onlar ona iman gətirdilər, Biz də onlara müəyyən vaxtadək firavanlıq nəsib etdik.
فَٱسْتَفْتِهِمْ أَلِرَبِّكَ ٱلْبَنَاتُ وَلَهُمُ ٱلْبَنُونَ ١٤٩
AzərbaycancaMəmmədəliyev – Bünyadov
(Ya Peyğəmbər! İndi o müşriklərdən) soruş: “Deməli, qızlar sənin Rəbbinin, oğlanlar isə onların özlərinindir, eləmi?”
AzərbaycancaAlıxan Musayev
Kafirlərdən soruş: “Nəyə görə qızlar sənin Rəbbinin, oğlanlar isə onların olmalıdır?”
أَمْ خَلَقْنَا ٱلْمَلَٰٓئِكَةَ إِنَٰثًا وَهُمْ شَٰهِدُونَ ١٥٠
AzərbaycancaMəmmədəliyev – Bünyadov
Yoxsa Biz mələkləri dişi yaratmışıq və onlar da (buna) şahid olublar?!
AzərbaycancaAlıxan Musayev
Yoxsa Biz mələkləri dişi yaratmışıq və onlar da buna şahid olublar?
أَلَآ إِنَّهُم مِّنْ إِفْكِهِمْ لَيَقُولُونَ ١٥١
AzərbaycancaMəmmədəliyev – Bünyadov
Xəbərin olsun ki, onlar öz yalanları üzündən mütləq belə deyəcəklər:
AzərbaycancaAlıxan Musayev
Həqiqətən, onlar yalan uydurub deyirlər:
وَلَدَ ٱللَّهُ وَإِنَّهُمْ لَكَٰذِبُونَ ١٥٢
AzərbaycancaMəmmədəliyev – Bünyadov
“Allah övlad törətmişdir (mələklər Onun qızlarıdır)”. Onlar, həqiqətən, yalançıdırlar!
AzərbaycancaAlıxan Musayev
“Allah doğmuşdur”. Şübhəsiz ki, onlar yalançıdırlar.
أَصْطَفَى ٱلْبَنَاتِ عَلَى ٱلْبَنِينَ ١٥٣
AzərbaycancaMəmmədəliyev – Bünyadov
Məgər Allah (mələkləri özünə övlad götürməklə) qızları oğlanlardan üstünmü tutmuşdur?!
AzərbaycancaAlıxan Musayev
Məgər Allah qızları oğlanlardan üstünmü tutmuşdur?
مَا لَكُمْ كَيْفَ تَحْكُمُونَ ١٥٤
AzərbaycancaMəmmədəliyev – Bünyadov
Sizə nə olmuşdur, necə mühakimə yürüdürsünüz?
AzərbaycancaAlıxan Musayev
Sizə nə olub, bu necə mühakimədir yürüdürsünüz?
أَفَلَا تَذَكَّرُونَ ١٥٥
AzərbaycancaMəmmədəliyev – Bünyadov
Heç düşünürsünüz?!
AzərbaycancaAlıxan Musayev
Məgər düşünüb ibrət almayacaqsınız?
أَمْ لَكُمْ سُلْطَٰنٌ مُّبِينٌ ١٥٦
AzərbaycancaMəmmədəliyev – Bünyadov
Yoxsa sizin açıq-aşkar bir dəliliniz vardır?!
AzərbaycancaAlıxan Musayev
Yoxsa sizin aydın bir dəliliniz vardır?
فَأْتُوا۟ بِكِتَٰبِكُمْ إِن كُنتُمْ صَٰدِقِينَ ١٥٧
AzərbaycancaMəmmədəliyev – Bünyadov
Əgər doğru danışırsınızsa, kitabınızı gətirin!
AzərbaycancaAlıxan Musayev
Əgər doğru deyirsinizsə, kitabınızı gətirin!
وَجَعَلُوا۟ بَيْنَهُۥ وَبَيْنَ ٱلْجِنَّةِ نَسَبًا ۚ وَلَقَدْ عَلِمَتِ ٱلْجِنَّةُ إِنَّهُمْ لَمُحْضَرُونَ ١٥٨
AzərbaycancaMəmmədəliyev – Bünyadov
(Müşriklərə həm də özlərindən) Onunla (Allahla) cinlər (pərilər, yaxud mələklər) arasında bir qohumluq əlaqəsi icad etdilər. Həqiqətən, cinlər onların (bu sözü deyənlərin qiyamət günü Cəhənnəmə) gətiriləcəyini bilirlər.
AzərbaycancaAlıxan Musayev
Onlar Allahla cinlər arasında qohumluq olduğunu uydurdular. Həqiqətən, cinlər onların Cəhənnəmə gətiriləcəyini bilirlər.
سُبْحَٰنَ ٱللَّهِ عَمَّا يَصِفُونَ ١٥٩
AzərbaycancaMəmmədəliyev – Bünyadov
Allah (müşriklərin) Ona aid etdikləri sifətlərdən təmamilə uzaqdır!
AzərbaycancaAlıxan Musayev
Allah onların Ona aid etdikləri sifətlərdən uzaqdır.
إِلَّا عِبَادَ ٱللَّهِ ٱلْمُخْلَصِينَ ١٦٠
AzərbaycancaMəmmədəliyev – Bünyadov
Allahın müslis (mö’min) bəndələri isə istisnadır.
AzərbaycancaAlıxan Musayev
Yalnız Allahın seçilmiş səmimi qullarından başqa.
فَإِنَّكُمْ وَمَا تَعْبُدُونَ ١٦١
AzərbaycancaMəmmədəliyev – Bünyadov
(Ey Müşriklər!) Nə siz, nə də ibadət etdikləriniz
AzərbaycancaAlıxan Musayev
Ey müşriklər! Nə siz, nə də sizin tapındıqlarınız
مَآ أَنتُمْ عَلَيْهِ بِفَٰتِنِينَ ١٦٢
AzərbaycancaMəmmədəliyev – Bünyadov
Heç kəsi tovlayıb yoldan çıxara bilməzsiniz;
AzərbaycancaAlıxan Musayev
heç kəsi Allaha qarşı yoldan çıxara bilməzsiniz;
إِلَّا مَنْ هُوَ صَالِ ٱلْجَحِيمِ ١٦٣
AzərbaycancaMəmmədəliyev – Bünyadov
Yalnız Cəhənnəmə girəcək kimsədən başqa!
AzərbaycancaAlıxan Musayev
ancaq Cəhənnəmə girəcək kimsədən başqa.
وَمَا مِنَّآ إِلَّا لَهُۥ مَقَامٌ مَّعْلُومٌ ١٦٤
AzərbaycancaMəmmədəliyev – Bünyadov
(Cəbrail Peyğəmbər əleyhissəlama belə dedi:) “Bizdən (mələklərdən) elə birisi yoxdur ki, onun (səmada Allaha ibadət üçün) müəyyən bir yeri olmasın!
AzərbaycancaAlıxan Musayev
Mələklər dedi: “Bizlərdən hər kəsin müəyyən bir yeri vardır.
وَإِنَّا لَنَحْنُ ٱلصَّآفُّونَ ١٦٥
AzərbaycancaMəmmədəliyev – Bünyadov
Həqiqətən, biz səf-səf dururuq.
AzərbaycancaAlıxan Musayev
Həqiqətən, biz səf-səf dururuq.
وَإِنَّا لَنَحْنُ ٱلْمُسَبِّحُونَ ١٦٦
AzərbaycancaMəmmədəliyev – Bünyadov
Və (Allahı) təqdis edib şə’ninə tə’riflər deyirik.
AzərbaycancaAlıxan Musayev
Həqiqətən, biz Allahın şəninə təriflər deyirik”.
وَإِن كَانُوا۟ لَيَقُولُونَ ١٦٧
AzərbaycancaMəmmədəliyev – Bünyadov
(Məkkə müşrikləri) tə’kidlə belə deyirdilər:
AzərbaycancaAlıxan Musayev
Müşriklər deyirdilər:
لَوْ أَنَّ عِندَنَا ذِكْرًا مِّنَ ٱلْأَوَّلِينَ ١٦٨
AzərbaycancaMəmmədəliyev – Bünyadov
“Əgər bizdə əvvəlkilərin kitablarından biri olsa idi,
AzərbaycancaAlıxan Musayev
“Əgər bizdə də əvvəlkilərdə olan zikrdən olsaydı,
لَكُنَّا عِبَادَ ٱللَّهِ ٱلْمُخْلَصِينَ ١٦٩
AzərbaycancaMəmmədəliyev – Bünyadov
Biz də mütləq Allahın müxlis bəndələri olardıq!”
AzərbaycancaAlıxan Musayev
biz mütləq Allahın seçilmiş səmimi qulları olardıq”.
فَكَفَرُوا۟ بِهِۦ ۖ فَسَوْفَ يَعْلَمُونَ ١٧٠
AzərbaycancaMəmmədəliyev – Bünyadov
Amma onu (Qur’anı) inkar etdilər. Onlar (küfrlərinin aqibətini) mütləq biləcəklər.
AzərbaycancaAlıxan Musayev
Lakin onlar onu inkar etdilər. Onlar tezliklə biləcəklər.
وَلَقَدْ سَبَقَتْ كَلِمَتُنَا لِعِبَادِنَا ٱلْمُرْسَلِينَ ١٧١
AzərbaycancaMəmmədəliyev – Bünyadov
And olsun ki, peyğəmbər bəndələrimiz haqqında əvvəlcədən (lövhi-məhfuzda) bu sözümüz deyilmişdi:
AzərbaycancaAlıxan Musayev
Bizim elçi göndərdiyimiz qullarımız haqqında bu Sözümüz əzəldən deyilmişdi:
إِنَّهُمْ لَهُمُ ٱلْمَنصُورُونَ ١٧٢
AzərbaycancaMəmmədəliyev – Bünyadov
“Onlar mütləq qalib gələcəklər.
AzərbaycancaAlıxan Musayev
“Həqiqətən, onlara kömək göstəriləcəkdir.
وَإِنَّ جُندَنَا لَهُمُ ٱلْغَٰلِبُونَ ١٧٣
AzərbaycancaMəmmədəliyev – Bünyadov
Bizim əsgərlərimiz (mö’minlər) labüd olaraq (kafirlərə) zəfər çalacaqlar!”
AzərbaycancaAlıxan Musayev
Bizim əsgərlərimizin mütləq qələbəsi labüddür”.
فَتَوَلَّ عَنْهُمْ حَتَّىٰ حِينٍ ١٧٤
AzərbaycancaMəmmədəliyev – Bünyadov
(Ya Peyğəmbər!) Sən bir müddət (Bədr vuruşuna, yaxud Məkkənin fəthinədək) onlardan üz çevir!
AzərbaycancaAlıxan Musayev
Sən bir müddət onlardan üz çevir!
وَأَبْصِرْهُمْ فَسَوْفَ يُبْصِرُونَ ١٧٥
AzərbaycancaMəmmədəliyev – Bünyadov
Və (kənardan) onlara bax! Onlar mütləq (küfrlərinin aqibətini) görəcəklər!
AzərbaycancaAlıxan Musayev
Onlara bax! Onlar tezliklə əzabı görəcəklər.
أَفَبِعَذَابِنَا يَسْتَعْجِلُونَ ١٧٦
AzərbaycancaMəmmədəliyev – Bünyadov
Onlar əzabımızın tezliklə gəlməsini istəyirlər?
AzərbaycancaAlıxan Musayev
Onlar əzabımızın tezliklə gəlməsinimi istəyirlər?
فَإِذَا نَزَلَ بِسَاحَتِهِمْ فَسَآءَ صَبَاحُ ٱلْمُنذَرِينَ ١٧٧
AzərbaycancaMəmmədəliyev – Bünyadov
(O əzab) onlara yetişdikdə (evlərində ikən başlarının üstünü aldıqda) qorxudulanların (lakin yola gəlməyənlərin) sabahı necə də pis olacaq!
AzərbaycancaAlıxan Musayev
Əzab onların yurdlarına endiyi zaman qorxudulanların sabahı necə də pis olacaq!
وَتَوَلَّ عَنْهُمْ حَتَّىٰ حِينٍ ١٧٨
AzərbaycancaMəmmədəliyev – Bünyadov
(Ya Peyğəmbər!) Sən onlardan bir müddət üz çevir!
AzərbaycancaAlıxan Musayev
Sən bir müddət onlardan üz çevir!
وَأَبْصِرْ فَسَوْفَ يُبْصِرُونَ ١٧٩
AzərbaycancaMəmmədəliyev – Bünyadov
Və (kənardan) onlara bax! Onlar mütləq (küfrlərinin aqibətini) görəcəklər!
AzərbaycancaAlıxan Musayev
Onlara bax! Onlar tezliklə əzabı görəcəklər.
سُبْحَٰنَ رَبِّكَ رَبِّ ٱلْعِزَّةِ عَمَّا يَصِفُونَ ١٨٠
AzərbaycancaMəmmədəliyev – Bünyadov
Sənin Rəbbin – yenilməz qüvvət sahibi (mülkündə hər şeyə qalib) olan Rəbbin (müşriklərin) Ona aid etdikləri sifətlərdən tamamilə uzaqdır!
AzərbaycancaAlıxan Musayev
Qüdrət sahibi olan Rəbbin pakdır, müşriklərin Ona aid etdikləri sifətlərdən uzaqdır.
وَسَلَٰمٌ عَلَى ٱلْمُرْسَلِينَ ١٨١
AzərbaycancaMəmmədəliyev – Bünyadov
Peyğəmbərlərə salam olsun!
AzərbaycancaAlıxan Musayev
Elçilərə salam olsun!
وَٱلْحَمْدُ لِلَّهِ رَبِّ ٱلْعَٰلَمِينَ ١٨٢
AzərbaycancaMəmmədəliyev – Bünyadov
Aləmlərin Rəbbi olan Allaha həmd olsun!
AzərbaycancaAlıxan Musayev
Aləmlərin Rəbbi olan Allaha həmd olsun!