عَبَسَ وَتَوَلَّىٰٓ ١
AzərbaycancaMəmmədəliyev – Bünyadov
(Peyğəmbər) qaşqabağını töküb üzünü çevirdi.
AzərbaycancaAlıxan Musayev
O qaşqabağını sallayıb üzünü yana çevirdi –
سُورَةُ عبس
Əbəsə surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
أَن جَآءَهُ ٱلْأَعْمَىٰ ٢
AzərbaycancaMəmmədəliyev – Bünyadov
Yanına korun (Abdullah ibn Ümmi-Məktumun) gəlməsindən dolayı.
AzərbaycancaAlıxan Musayev
yanına bir korun gəlməsinə görə.
وَمَا يُدْرِيكَ لَعَلَّهُۥ يَزَّكَّىٰٓ ٣
AzərbaycancaMəmmədəliyev – Bünyadov
Nə bilirsən, bəlkə də, o (səndən islama dair soruşub öyrənəcəkləri ilə) təmizlənəcəkdir!
AzərbaycancaAlıxan Musayev
Nə bilirdin ki, bəlkə o günahlardan təmizlənəcəkdi
أَوْ يَذَّكَّرُ فَتَنفَعَهُ ٱلذِّكْرَىٰٓ ٤
AzərbaycancaMəmmədəliyev – Bünyadov
Yaxud öyüd dinləyəcək və bu öyüd ona fayda verəcəkdir!
AzərbaycancaAlıxan Musayev
və yaxud nəsihət dinləyib faydalanacaqdı.
أَمَّا مَنِ ٱسْتَغْنَىٰ ٥
AzərbaycancaMəmmədəliyev – Bünyadov
(Var dövlətinə güvənib sənin öyüd-nəsihətinə qulaq asmağa) ehtiyac hiss etməyənə (dövlətliyə) gəldikdə,
AzərbaycancaAlıxan Musayev
Nəsihətə ehtiyacı olmayana gəlincə isə –
فَأَنتَ لَهُۥ تَصَدَّىٰ ٦
AzərbaycancaMəmmədəliyev – Bünyadov
Sən üzünü ona tərəf çevirirsən (onun sözünə qulaq asırsan).
AzərbaycancaAlıxan Musayev
sən ona diqqət yetirirsən.
وَمَا عَلَيْكَ أَلَّا يَزَّكَّىٰ ٧
AzərbaycancaMəmmədəliyev – Bünyadov
Onun (küfrdən) təmizlənməsindən sənə nə?!
AzərbaycancaAlıxan Musayev
Onun təmizlənməməyinin sənə bir dəxli yoxdur.
وَأَمَّا مَن جَآءَكَ يَسْعَىٰ ٨
AzərbaycancaMəmmədəliyev – Bünyadov
Yüyürə-yüyürə sənin yanına gələn
AzərbaycancaAlıxan Musayev
Səy göstərib sənin yanına gələn,
وَهُوَ يَخْشَىٰ ٩
AzərbaycancaMəmmədəliyev – Bünyadov
Və (Allahdan) qorxan kimsəyə gəldikdə isə,
AzərbaycancaAlıxan Musayev
Allahdan qorxan kimsəyə gəlincə,
فَأَنتَ عَنْهُ تَلَهَّىٰ ١٠
AzərbaycancaMəmmədəliyev – Bünyadov
Sən ondan üz çevirirsən!
AzərbaycancaAlıxan Musayev
ona məhəl qoymursan!
كَلَّآ إِنَّهَا تَذْكِرَةٌ ١١
AzərbaycancaMəmmədəliyev – Bünyadov
Xeyr! (Belə yaramaz, bir daha belə etmə). Həqiqətən, bu (ayələr) bir öyüd-nəsihətdir.
AzərbaycancaAlıxan Musayev
Xeyr! Şübhəsiz ki, bu, bir nəsihətdir.
فَمَن شَآءَ ذَكَرَهُۥ ١٢
AzərbaycancaMəmmədəliyev – Bünyadov
Kim istəsə, ondan öyüd alar.
AzərbaycancaAlıxan Musayev
Kim istəsə, qoy onu xatırlayıb ibrət alsın.
فِى صُحُفٍ مُّكَرَّمَةٍ ١٣
AzərbaycancaMəmmədəliyev – Bünyadov
(Bu Qur’an Allah dərgahında) çox möhtərəm (mö’təbər) səhifələrdə -
AzərbaycancaAlıxan Musayev
Bu Quran kəramətli səhifələrdədir,
مَّرْفُوعَةٍ مُّطَهَّرَةٍۭ ١٤
AzərbaycancaMəmmədəliyev – Bünyadov
(Qədir-qiyməti) yüksək (şanı uca), tərtəmiz səhifələrdədir (Şeytan onlara toxuna bilməz).
AzərbaycancaAlıxan Musayev
yüksək və pak səhifələrdədir.
بِأَيْدِى سَفَرَةٍ ١٥
AzərbaycancaMəmmədəliyev – Bünyadov
(O, Allahla peyğəmbərlər arasında olan) elçi mələklərin əlləri ilə (lövhi-məhfuzdan köçürülür, yaxud o, elçi mələklərə e’tibar edilmişdir).
AzərbaycancaAlıxan Musayev
Bu səhifələr elçilərin əllərində –
كِرَامٍۭ بَرَرَةٍ ١٦
AzərbaycancaMəmmədəliyev – Bünyadov
(O mələklər ki, Allahın yanında) çox möhtərəm, (Allaha) çox müt’idirlər.
AzərbaycancaAlıxan Musayev
möhtərəm və müti olanların əllərindədir.
قُتِلَ ٱلْإِنسَٰنُ مَآ أَكْفَرَهُۥ ١٧
AzərbaycancaMəmmədəliyev – Bünyadov
Ölsün (kafir) insan! O nə nankordur!
AzərbaycancaAlıxan Musayev
Qoy ölsün kafir insan! O necə də nankordur!
مِنْ أَىِّ شَىْءٍ خَلَقَهُۥ ١٨
AzərbaycancaMəmmədəliyev – Bünyadov
(Bu təkəbbür onda hardandır? Allah) onu hansı şeydən yaratdı?
AzərbaycancaAlıxan Musayev
Qoy baxıb görsün Allah onu nədən yaradıb?
مِن نُّطْفَةٍ خَلَقَهُۥ فَقَدَّرَهُۥ ١٩
AzərbaycancaMəmmədəliyev – Bünyadov
(Allah onu bir qətrə dəyərsiz) nütfədən yaratdı, ona biçim verdi.
AzərbaycancaAlıxan Musayev
Allah onu nütfədən yaratdı və müəyyən şəkildə formalaşdırdı.
ثُمَّ ٱلسَّبِيلَ يَسَّرَهُۥ ٢٠
AzərbaycancaMəmmədəliyev – Bünyadov
Sonra onun üçün (ana bətnindən çıxış) yolunu asanlaşdırdı.
AzərbaycancaAlıxan Musayev
Sonra da onun yolunu asanlaşdırdı.
ثُمَّ أَمَاتَهُۥ فَأَقْبَرَهُۥ ٢١
AzərbaycancaMəmmədəliyev – Bünyadov
Sonra onu öldürüb qəbrə qoydu.
AzərbaycancaAlıxan Musayev
Sonra onu öldürüb qəbirə yerləşdirdi.
ثُمَّ إِذَا شَآءَ أَنشَرَهُۥ ٢٢
AzərbaycancaMəmmədəliyev – Bünyadov
Sonra da istədiyi vaxt onu dirildəcəkdir.
AzərbaycancaAlıxan Musayev
İstədiyi bir zaman onu dirildəcəkdir.
كَلَّا لَمَّا يَقْضِ مَآ أَمَرَهُۥ ٢٣
AzərbaycancaMəmmədəliyev – Bünyadov
Xeyr, (insan Allahın) ona buyurduğunu hələ yerinə yetirməmişdir.
AzərbaycancaAlıxan Musayev
Xeyr! O, hələ də Allahın ona buyurduğunu yerinə yetirməmişdir.
فَلْيَنظُرِ ٱلْإِنسَٰنُ إِلَىٰ طَعَامِهِۦٓ ٢٤
AzərbaycancaMəmmədəliyev – Bünyadov
İnsan hələ bir yeməyinə baxsın! (Görsün ki, ona necə ruzi verdik).
AzərbaycancaAlıxan Musayev
Qoy insan yediyinə diqqət yetirsin bir az!
أَنَّا صَبَبْنَا ٱلْمَآءَ صَبًّا ٢٥
AzərbaycancaMəmmədəliyev – Bünyadov
Həqiqətən, Biz yağışı bol yağdırdıq.
AzərbaycancaAlıxan Musayev
Həqiqətən, yağışı bol-bol Biz yağdırırıq.
ثُمَّ شَقَقْنَا ٱلْأَرْضَ شَقًّا ٢٦
AzərbaycancaMəmmədəliyev – Bünyadov
Sonra yeri gözəl yaratdıq (yaxşı yardıq),
AzərbaycancaAlıxan Musayev
Sonra da yeri çat-çat yarıb
فَأَنۢبَتْنَا فِيهَا حَبًّا ٢٧
AzərbaycancaMəmmədəliyev – Bünyadov
Belə ki, orada dən (dənli bitkilər) göyərtdik;
AzərbaycancaAlıxan Musayev
orada taxıl yetişdiririk.
وَعِنَبًا وَقَضْبًا ٢٨
AzərbaycancaMəmmədəliyev – Bünyadov
Üzüm və yonca;
AzərbaycancaAlıxan Musayev
Habelə üzüm və yonca,
وَزَيْتُونًا وَنَخْلًا ٢٩
AzərbaycancaMəmmədəliyev – Bünyadov
Zeytun və xurma (bağları);
AzərbaycancaAlıxan Musayev
zeytun və xurma ağacları,
وَحَدَآئِقَ غُلْبًا ٣٠
AzərbaycancaMəmmədəliyev – Bünyadov
(Ağacları bir-birinə) sarmaşan bağçalar;
AzərbaycancaAlıxan Musayev
sıx-sıx bağlar,
وَفَٰكِهَةً وَأَبًّا ٣١
AzərbaycancaMəmmədəliyev – Bünyadov
(Növbənöv) meyvələr və ot (ələf) yetişdirdik.
AzərbaycancaAlıxan Musayev
meyvələr və otlar da bitiririk.
مَّتَٰعًا لَّكُمْ وَلِأَنْعَٰمِكُمْ ٣٢
AzərbaycancaMəmmədəliyev – Bünyadov
(Bütün bunlar) sizin və heyvanlarınızın istifadəsi üçündür!
AzərbaycancaAlıxan Musayev
Bu nemətlər sizin istifadəniz və mal-qaranızın faydalanması üçündür.
فَإِذَا جَآءَتِ ٱلصَّآخَّةُ ٣٣
AzərbaycancaMəmmədəliyev – Bünyadov
Nəhayət, qulaqları kar edən (o dəhşətli səs) gələndə (İsrafil surunu çalanda);
AzərbaycancaAlıxan Musayev
Qulaqbatırıcı bir səs gələndə –
يَوْمَ يَفِرُّ ٱلْمَرْءُ مِنْ أَخِيهِ ٣٤
AzərbaycancaMəmmədəliyev – Bünyadov
O gün insan qaçacaq öz qardaşından;
AzərbaycancaAlıxan Musayev
o gün insan qaçacaq öz qardaşından,
وَأُمِّهِۦ وَأَبِيهِ ٣٥
AzərbaycancaMəmmədəliyev – Bünyadov
Anasından, atasından;
AzərbaycancaAlıxan Musayev
anasından, atasından,
وَصَٰحِبَتِهِۦ وَبَنِيهِ ٣٦
AzərbaycancaMəmmədəliyev – Bünyadov
Zövcəsindən və oğullarından!
AzərbaycancaAlıxan Musayev
arvadından və övladlarından!
لِكُلِّ ٱمْرِئٍ مِّنْهُمْ يَوْمَئِذٍ شَأْنٌ يُغْنِيهِ ٣٧
AzərbaycancaMəmmədəliyev – Bünyadov
O gün onlardan hər birinin istənilən qədər işi olacaqdır! (Hər kəs öz hayında olacaq, heç kəs heç kəsin halından xəbər tutmayacaqdır).
AzərbaycancaAlıxan Musayev
O gün onlardan hər birinin yetərincə işi olacaqdır.
وُجُوهٌ يَوْمَئِذٍ مُّسْفِرَةٌ ٣٨
AzərbaycancaMəmmədəliyev – Bünyadov
O gün bir çox üzlər parlayacaq,
AzərbaycancaAlıxan Musayev
O gün neçə-neçə üzlər parlayacaq,
ضَاحِكَةٌ مُّسْتَبْشِرَةٌ ٣٩
AzərbaycancaMəmmədəliyev – Bünyadov
Güləcək, sevinəcəkdir.
AzərbaycancaAlıxan Musayev
güləcək və fərəhlənəcəkdir.
وَوُجُوهٌ يَوْمَئِذٍ عَلَيْهَا غَبَرَةٌ ٤٠
AzərbaycancaMəmmədəliyev – Bünyadov
O gün bir çox üzlərə isə toz-torpaq qonacaq,
AzərbaycancaAlıxan Musayev
O gün neçə-neçə üzlərə toz-torpaq hopacaq,
تَرْهَقُهَا قَتَرَةٌ ٤١
AzərbaycancaMəmmədəliyev – Bünyadov
Onları zülmət (yaxud his) bürüyəcəkdir.
AzərbaycancaAlıxan Musayev
onları zülmət bürüyəcəkdir.
أُو۟لَٰٓئِكَ هُمُ ٱلْكَفَرَةُ ٱلْفَجَرَةُ ٤٢
AzərbaycancaMəmmədəliyev – Bünyadov
Onlar (pis əməllərə uyan) kafirlər, pozğunlardır!
AzərbaycancaAlıxan Musayev
Məhz onlar kafirlər, günahkarlardır!