نٓ ۚ وَٱلْقَلَمِ وَمَا يَسْطُرُونَ ١
AzərbaycancaMəmmədəliyev – Bünyadov
Nun! And olsun qələmə və (mələklərin) yazdıqlarına (yaxud lövhi-məhfuzda yazılanlara) ki,
AzərbaycancaAlıxan Musayev
Nun. And olsun qələmə və qələmə alınanlara!
سُورَةُ القلم
Qələm surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
مَآ أَنتَ بِنِعْمَةِ رَبِّكَ بِمَجْنُونٍ ٢
AzərbaycancaMəmmədəliyev – Bünyadov
Sən (ya Rəsulum!) Rəbbinin ne’məti sayəsində divanə deyisən!
AzərbaycancaAlıxan Musayev
Məhz Rəbbinin mərhəmətinə görə sən dəli deyilsən.
وَإِنَّ لَكَ لَأَجْرًا غَيْرَ مَمْنُونٍ ٣
AzərbaycancaMəmmədəliyev – Bünyadov
Və həqiqətən, səni minnətsiz (tükənmək bilməyən) mükafat gözləyir!
AzərbaycancaAlıxan Musayev
Şübhəsiz ki, sənin üçün tükənməz bir mükafat hazırlanmışdır.
وَإِنَّكَ لَعَلَىٰ خُلُقٍ عَظِيمٍ ٤
AzərbaycancaMəmmədəliyev – Bünyadov
Şübhəsiz ki, sən böyük bir əxlaq üzərindəsən!
AzərbaycancaAlıxan Musayev
Həqiqətən də, sən böyük əxlaq sahibisən!
فَسَتُبْصِرُ وَيُبْصِرُونَ ٥
AzərbaycancaMəmmədəliyev – Bünyadov
(Tezliklə) sən də görəcəksən, onlar da görəcəklər,
AzərbaycancaAlıxan Musayev
Sən də görəcəksən, onlar da –
بِأَييِّكُمُ ٱلْمَفْتُونُ ٦
AzərbaycancaMəmmədəliyev – Bünyadov
Hansınızın divanə olduğunu!
AzərbaycancaAlıxan Musayev
hansınızın dəli olduğunu.
إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِٱلْمُهْتَدِينَ ٧
AzərbaycancaMəmmədəliyev – Bünyadov
Həqiqətən, sənin Rəbbin öz yolundan çıxanları da, doğru yoldan olanları da ən gözəl tanıyandır!
AzərbaycancaAlıxan Musayev
Şübhəsiz ki, Rəbbin Onun yolundan azanları və haqq yolda olanları daha yaxşı tanıyır.
فَلَا تُطِعِ ٱلْمُكَذِّبِينَ ٨
AzərbaycancaMəmmədəliyev – Bünyadov
Elə isə (ya Peyğəmbər! Allahın ayələrini) yalan sayanlara itaət etmə!
AzərbaycancaAlıxan Musayev
Elə isə haqqı yalan sayanlara güzəştə getmə.
وَدُّوا۟ لَوْ تُدْهِنُ فَيُدْهِنُونَ ٩
AzərbaycancaMəmmədəliyev – Bünyadov
(Müşriklər) istərdilər ki, sən onlara yumşaqlıq göstərəsən, onlar da sənə yumşaqlıq göstərsinlər! (Sən onların bütləri barəsində pis söz deməyəsən, onlar da sənə əziyyət verməsinlər və ya sən onların bütlərinə tapınasan, onlar da sənin Allahına ibadət etsinlər!)
AzərbaycancaAlıxan Musayev
Müşriklər istəyirlər ki, sən onlara güzəşt edəsən, onlar da sənə güzəşt etsinlər.
وَلَا تُطِعْ كُلَّ حَلَّافٍ مَّهِينٍ ١٠
AzərbaycancaMəmmədəliyev – Bünyadov
(Ya Peyğəmbər!) İtaət etmə (yalan yerə) hər and içənə, alçağa;
AzərbaycancaAlıxan Musayev
İtaət etmə hər tez-tez and içənə, alçağa,
هَمَّازٍ مَّشَّآءٍۭ بِنَمِيمٍ ١١
AzərbaycancaMəmmədəliyev – Bünyadov
Qeybət edənə, söz gəzdirənə;
AzərbaycancaAlıxan Musayev
qeybət edənə, dedi-qodu yayana,
مَّنَّاعٍ لِّلْخَيْرِ مُعْتَدٍ أَثِيمٍ ١٢
AzərbaycancaMəmmədəliyev – Bünyadov
Xeyrə mane olana, (zülm etməkdə) həddi aşana, günaha batana;
AzərbaycancaAlıxan Musayev
xeyrə mane olana, həddi aşana, günahkara,
عُتُلٍّۭ بَعْدَ ذَٰلِكَ زَنِيمٍ ١٣
AzərbaycancaMəmmədəliyev – Bünyadov
Daş ürəkliyə, (anlamaza və eyni zamanda) əsli-nəsəbi bilinməyən haramzadaya -
AzərbaycancaAlıxan Musayev
daş ürəkliyə, bunlardan sonra da başqasının adını mənimsəyən fırıldaqçıya –
أَن كَانَ ذَا مَالٍ وَبَنِينَ ١٤
AzərbaycancaMəmmədəliyev – Bünyadov
O, mal-dövlət, oğul-uşaq sahibi olsa belə!
AzərbaycancaAlıxan Musayev
o adam var-dövlət və oğul-uşaq sahibi olsa belə.
إِذَا تُتْلَىٰ عَلَيْهِ ءَايَٰتُنَا قَالَ أَسَٰطِيرُ ٱلْأَوَّلِينَ ١٥
AzərbaycancaMəmmədəliyev – Bünyadov
Ayələrimiz ona oxunduğu zaman o: “(Bunlar) qədimlərin əfsanələridir!” – dedi.
AzərbaycancaAlıxan Musayev
Ayələrimiz ona oxunduğu zaman: “Bu, keçmişdəkilərin əsatirlərindəndir!”– deyər.
سَنَسِمُهُۥ عَلَى ٱلْخُرْطُومِ ١٦
AzərbaycancaMəmmədəliyev – Bünyadov
Biz (tezliklə) onun burnuna damğa basacağıq!
AzərbaycancaAlıxan Musayev
Biz onun burnuna damğa vuracağıq.
إِنَّا بَلَوْنَٰهُمْ كَمَا بَلَوْنَآ أَصْحَٰبَ ٱلْجَنَّةِ إِذْ أَقْسَمُوا۟ لَيَصْرِمُنَّهَا مُصْبِحِينَ ١٧
AzərbaycancaMəmmədəliyev – Bünyadov
Biz vaxtilə o bağ sahiblərini imtahana çəkdiyim kimi, bunları da (Məkkə mürşiklərini də) imtahana çəkdik. O vaxt (o bağ sahibləri) səhər açılanda (onun meyvələrini) mütləq dərəcəklərinə and içmişdilər.
AzərbaycancaAlıxan Musayev
Həqiqətən, Biz bağ sahiblərini sınağa çəkdiyimiz kimi onları da sınağa çəkdik. O zaman bağ sahibləri səhər açılanda bağda olan meyvələri mütləq dərəcəklərinə and içmişdilər
وَلَا يَسْتَثْنُونَ ١٨
AzərbaycancaMəmmədəliyev – Bünyadov
Və heç bir istisna yeri də qoymamışdılar (inşallah deməmişdilər).
AzərbaycancaAlıxan Musayev
və heç bir istisna da etməmişdilər (“inşallah” deməmişdilər).
فَطَافَ عَلَيْهَا طَآئِفٌ مِّن رَّبِّكَ وَهُمْ نَآئِمُونَ ١٩
AzərbaycancaMəmmədəliyev – Bünyadov
Onlar yuxuda ikən (ya Peyğəmbər!) sənin Rəbbindən o bağa bir bəla gəldi.
AzərbaycancaAlıxan Musayev
Onlar yuxuda ikən Rəbbinin əzabı o bağı bürüdü.
فَأَصْبَحَتْ كَٱلصَّرِيمِ ٢٠
AzərbaycancaMəmmədəliyev – Bünyadov
Və o (yanıb) qapqara qaraldı (külə döndü).
AzərbaycancaAlıxan Musayev
Bağ yanıb zülmət gecə kimi qapqara oldu.
فَتَنَادَوْا۟ مُصْبِحِينَ ٢١
AzərbaycancaMəmmədəliyev – Bünyadov
Onlar səhər qalxıb bir-birini belə səslədilər:
AzərbaycancaAlıxan Musayev
Onlar səhər qalxdıqda bir-birlərini çağırdılar:
أَنِ ٱغْدُوا۟ عَلَىٰ حَرْثِكُمْ إِن كُنتُمْ صَٰرِمِينَ ٢٢
AzərbaycancaMəmmədəliyev – Bünyadov
Əgər (məhsul) yığacaqsınızsa, bağınıza tez gedin!”
AzərbaycancaAlıxan Musayev
“Əgər meyvə dərəcəksinizsə, bağınıza erkən gedin!”
فَٱنطَلَقُوا۟ وَهُمْ يَتَخَٰفَتُونَ ٢٣
AzərbaycancaMəmmədəliyev – Bünyadov
Nəhayət, yola düşdülər, (yol boyu) bir-birinə xəlvətcə belə deyirdilər:
AzərbaycancaAlıxan Musayev
Onlar bağa yollandılar, yol boyu da bir-birlərinə belə pıçıldayırdılar:
أَن لَّا يَدْخُلَنَّهَا ٱلْيَوْمَ عَلَيْكُم مِّسْكِينٌ ٢٤
AzərbaycancaMəmmədəliyev – Bünyadov
“(Elə edin ki) bu gün orada yanınıza heç bir yoxsul soxulmasın!”
AzərbaycancaAlıxan Musayev
“Bu gün oraya – yanınıza heç bir kasıb girməsin!”
وَغَدَوْا۟ عَلَىٰ حَرْدٍ قَٰدِرِينَ ٢٥
AzərbaycancaMəmmədəliyev – Bünyadov
Onlar (yoxsulları) bağa buraxmağa qadir olacaqlarını güman edərək erkən getdilər. [Və ya: Onlar gücləri yetdiyi halda (yoxsulları) yardımdan məhrum etməkdən ötrü sübh tezdən yola düzəldilər]
AzərbaycancaAlıxan Musayev
Onlar bu məqsədlə kasıbları bağa buraxmamağa qadir olacaqlarını zənn edib erkən getdilər.
فَلَمَّا رَأَوْهَا قَالُوٓا۟ إِنَّا لَضَآلُّونَ ٢٦
AzərbaycancaMəmmədəliyev – Bünyadov
(Bağı) bu vəziyyətdə (yanıb külə dönmüş) gördükdə dedilər: “Yəqin ki, (yolumuzu) azmışıq!
AzərbaycancaAlıxan Musayev
Bağı görəndə isə belə dedilər: “Deyəsən, biz düz gəlməmişik!
بَلْ نَحْنُ مَحْرُومُونَ ٢٧
AzərbaycancaMəmmədəliyev – Bünyadov
Xeyr, biz (bağımızın bərəkətindən) məhrum olmuşuq!”
AzərbaycancaAlıxan Musayev
Xeyr! Biz bu bağın xeyrindən məhrum olmuşuq!”
قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ ٢٨
AzərbaycancaMəmmədəliyev – Bünyadov
Onların ən ağıllısı (və insaflısı) dedi: “Məgər mən sizə (Allahı) həmd-səna ilə təqdis etməli olduğunuzu demədimmi?!”
AzərbaycancaAlıxan Musayev
Onların ən insaflısı dedi: “Məgər mən sizə Allahın şəninə təriflər söyləyin deməmişdimmi?”
قَالُوا۟ سُبْحَٰنَ رَبِّنَآ إِنَّا كُنَّا ظَٰلِمِينَ ٢٩
AzərbaycancaMəmmədəliyev – Bünyadov
Onlar: “Rəbbimiz pakdır, müqəddəsdir! Həqiqətən, biz zalım idik!” – dedilər.
AzərbaycancaAlıxan Musayev
Onlar dedilər: “Rəbbimiz pakdır, müqəddəsdir! Həqiqətən də, biz özümüzə zülm etmişik!”
فَأَقْبَلَ بَعْضُهُمْ عَلَىٰ بَعْضٍ يَتَلَٰوَمُونَ ٣٠
AzərbaycancaMəmmədəliyev – Bünyadov
Onlar bir-birini danlamağa başladılar.
AzərbaycancaAlıxan Musayev
Onlar dönüb bir-birlərini qınamağa başladılar
قَالُوا۟ يَٰوَيْلَنَآ إِنَّا كُنَّا طَٰغِينَ ٣١
AzərbaycancaMəmmədəliyev – Bünyadov
Və dedilər: “Vay halımıza! Biz azğınlıq (tüğyan) edirdik.
AzərbaycancaAlıxan Musayev
və dedilər: “Vay halımıza! Biz həddi aşanlarıq!
عَسَىٰ رَبُّنَآ أَن يُبْدِلَنَا خَيْرًا مِّنْهَآ إِنَّآ إِلَىٰ رَبِّنَا رَٰغِبُونَ ٣٢
AzərbaycancaMəmmədəliyev – Bünyadov
Ola bilsin ki, Rəbbimiz (tövbəmizi qəbul buyurub) onun əvəzinə bizə daha yaxşısını versin. Biz Rəbbimizdən (bizi bağışlamasını, bizə mərhəmət əta etməsini) diləyirik!”
AzərbaycancaAlıxan Musayev
Ola bilsin ki, Rəbbimiz bizə bu bağın əvəzinə ondan daha yaxşısını versin. Əlbəttə, biz Rəbbimizə yönəlirik”.
كَذَٰلِكَ ٱلْعَذَابُ ۖ وَلَعَذَابُ ٱلْءَاخِرَةِ أَكْبَرُ ۚ لَوْ كَانُوا۟ يَعْلَمُونَ ٣٣
AzərbaycancaMəmmədəliyev – Bünyadov
(Dünyadakı) əzab belədir. Şübhəsiz ki, axirət əzabı daha şiddətlidir. Kaş biləydilər!
AzərbaycancaAlıxan Musayev
Dünyadakı əzab belədir. Axirət əzabı isə daha böyükdür! Kaş biləydilər!
إِنَّ لِلْمُتَّقِينَ عِندَ رَبِّهِمْ جَنَّٰتِ ٱلنَّعِيمِ ٣٤
AzərbaycancaMəmmədəliyev – Bünyadov
Həqiqətən, Allahdan qorxub pis əməllərdən çəkinənləri Rəbbi yanında Nəim cənnətləti gözləyir!
AzərbaycancaAlıxan Musayev
Şübhəsiz ki, müttəqilər üçün Rəbbin dərgahında Nəim bağları hazırlanmışdır.
أَفَنَجْعَلُ ٱلْمُسْلِمِينَ كَٱلْمُجْرِمِينَ ٣٥
AzərbaycancaMəmmədəliyev – Bünyadov
Məgər Biz müsəlmanları kafirlərlə eynimi tutacağıq?!
AzərbaycancaAlıxan Musayev
Biz heç müsəlmanları günahkarlara tay tutarıqmı?
مَا لَكُمْ كَيْفَ تَحْكُمُونَ ٣٦
AzərbaycancaMəmmədəliyev – Bünyadov
(Ey kafirlər! Siz dünyada yoxsul mö’minlərdən var-dövlətcə üstün olduğunuz kimi, axirətdə də onlardan üstün olacağınızı, yaxud ən azı onlarla eyni olacağınızı iddia edirsiniz). Sizə nə olub, necə mühakimə yürüdürsünüz?
AzərbaycancaAlıxan Musayev
Sizə nə olub, necə hökm verirsiniz?
أَمْ لَكُمْ كِتَٰبٌ فِيهِ تَدْرُسُونَ ٣٧
AzərbaycancaMəmmədəliyev – Bünyadov
Yoxsa (Allahdan nazil olmuş) bir kitabınız vardır ki, (bunları) orada oxuyursunuz?!
AzərbaycancaAlıxan Musayev
Yoxsa sizin elə bir kitabınız vardır ki, üsyankarla itaətkarın eyni olduğunu ondan oxuyursunuz?
إِنَّ لَكُمْ فِيهِ لَمَا تَخَيَّرُونَ ٣٨
AzərbaycancaMəmmədəliyev – Bünyadov
Yaxud orada bəyənib seçdiyiniz hər şeyin sizin olacağı yazılmışdır?!
AzərbaycancaAlıxan Musayev
Ya da onda bəyəndiyiniz hər bir şeyin sizin olacağı yazılmışdır?
أَمْ لَكُمْ أَيْمَٰنٌ عَلَيْنَا بَٰلِغَةٌ إِلَىٰ يَوْمِ ٱلْقِيَٰمَةِ ۙ إِنَّ لَكُمْ لَمَا تَحْكُمُونَ ٣٩
AzərbaycancaMəmmədəliyev – Bünyadov
Və ya hökm edib istədiklərinizin sizin olacağınıza dair Bizdən qiyamət gününədək davam edəcək əhd almısınız?!
AzərbaycancaAlıxan Musayev
Yaxud Bizimlə Qiyamət gününədək əhd bağlamısınız ki, istədiyiniz hər şey sizin olacaqdır?
سَلْهُمْ أَيُّهُم بِذَٰلِكَ زَعِيمٌ ٤٠
AzərbaycancaMəmmədəliyev – Bünyadov
(Ya Peyğəmbər!) Onlardan soruş ki, hansı biri buna zamindir?
AzərbaycancaAlıxan Musayev
Onlardan soruş ki, kim buna zamin duracaqdır?
أَمْ لَهُمْ شُرَكَآءُ فَلْيَأْتُوا۟ بِشُرَكَآئِهِمْ إِن كَانُوا۟ صَٰدِقِينَ ٤١
AzərbaycancaMəmmədəliyev – Bünyadov
Yoxsa onların (axirətdə müsəlmanlardan üstün və ya onlarla eyni olacaqları barədəki iddialarını təsdiq edən) şərikləri vardır?! Əgər doğru deyirlərsə, qoy şəriklərini gətirsinlər!
AzərbaycancaAlıxan Musayev
Yoxsa onların şərikləri vardır? Əgər doğru danışırlarsa, onda qoy şəriklərini gətirsinlər.
يَوْمَ يُكْشَفُ عَن سَاقٍ وَيُدْعَوْنَ إِلَى ٱلسُّجُودِ فَلَا يَسْتَطِيعُونَ ٤٢
AzərbaycancaMəmmədəliyev – Bünyadov
İş çətinləşəcəyi (baldırlar açılacağı, lüt-üryan vəziyyətdə qiyamətə gedəcəkləri, qiyamət bütün dəhşəti ilə görünəcəyi, həqiqət aşkar olacağı) və səcdəyə (namaza) də’vət olunacaqları gün onlar (səcdə etməyə) qadir olmayacaqlar.
AzərbaycancaAlıxan Musayev
Ayağın açılacağı və onlar səcdəyə çağırılacaqları, lakin buna qadir ola bilməyəcəkləri gün –
خَٰشِعَةً أَبْصَٰرُهُمْ تَرْهَقُهُمْ ذِلَّةٌ ۖ وَقَدْ كَانُوا۟ يُدْعَوْنَ إِلَى ٱلسُّجُودِ وَهُمْ سَٰلِمُونَ ٤٣
AzərbaycancaMəmmədəliyev – Bünyadov
Gözləri zəlilcəsinə yerə dikiləcək, özlərini də zillət bürüyəcəkdir. Halbuki onlar (dünyada) sağlam olduqları ikən səcdəyə də’vət olunurdular.
AzərbaycancaAlıxan Musayev
onların baxışları yazıq görkəm alacaq, özlərini də zillət bürüyəcəkdir. Hərçənd ki, onlar dünyada ikən sağ-salamat halda səcdə qılmağa dəvət olunurdular.
فَذَرْنِى وَمَن يُكَذِّبُ بِهَٰذَا ٱلْحَدِيثِ ۖ سَنَسْتَدْرِجُهُم مِّنْ حَيْثُ لَا يَعْلَمُونَ ٤٤
AzərbaycancaMəmmədəliyev – Bünyadov
(Ya Peyğəmbər!) Artıq bu kəlamı (Qur’anı) yalan sayanları Mənə tapşır. Biz onları özləri də bilmədən tədriclə əzaba giriftar edərik.
AzərbaycancaAlıxan Musayev
Bu Sözü yalan sayanları Mənim öhdəmə burax. Biz onları tovlayıb bilmədikləri bir yöndən tədricən əzaba sürükləyirik.
وَأُمْلِى لَهُمْ ۚ إِنَّ كَيْدِى مَتِينٌ ٤٥
AzərbaycancaMəmmədəliyev – Bünyadov
Onlara (daha çox günaha batmaq üçün bir müddət) möhlət verərəm. Həqiqətən Mənim əzabım dözülməz dərəcədə şiddətlidir.
AzərbaycancaAlıxan Musayev
Hələlik Mən onlara möhlət verirəm. Şübhəsiz ki, Mənim kafirlər üçün qurduğum hiyləm çox güclüdür.
أَمْ تَسْـَٔلُهُمْ أَجْرًا فَهُم مِّن مَّغْرَمٍ مُّثْقَلُونَ ٤٦
AzərbaycancaMəmmədəliyev – Bünyadov
Yoxsa sən (risaləti təbliğ etmək müqabilində) onlardan ücrət (muzd) istəyirsən və onlar ağır borc yükü altında qalıblar?!
AzərbaycancaAlıxan Musayev
Yoxsa sən onlardan bir muzd istəyirsən və onlar da ağır bir borca düşüblər?
أَمْ عِندَهُمُ ٱلْغَيْبُ فَهُمْ يَكْتُبُونَ ٤٧
AzərbaycancaMəmmədəliyev – Bünyadov
Yoxsa qeyb (lövhi-məhfuz) yanlarındadır və onlar (səninlə mübahisə etdikləri məsələləri, qiyamət günü kafirlərin Allah yanında mö’minlərdən üstün olacağını oradan öyrənib) yazırlar?!
AzərbaycancaAlıxan Musayev
Yoxsa qeyb onların əlindədir və onlar da ona baxıb istədiklərini yazırlar?
فَٱصْبِرْ لِحُكْمِ رَبِّكَ وَلَا تَكُن كَصَاحِبِ ٱلْحُوتِ إِذْ نَادَىٰ وَهُوَ مَكْظُومٌ ٤٨
AzərbaycancaMəmmədəliyev – Bünyadov
(Ya Rəsulum!) Sən öz Rəbbinin hökmünə səbr et və balıq sahibi (Yunis peyğəmbər) kimi olma (risaləti təbliğ etməyi yerə qoyma). O zaman o, (balığın qarnında) qəm-kədər içində boğularaq (Rəbbinə) dua etmişdi.
AzərbaycancaAlıxan Musayev
Sən öz Rəbbinin hökmünə səbir et və balıq sahibi Yunus kimi olma! O zaman o, qəm-qüssə içində Rəbbinə dua etmişdi.
لَّوْلَآ أَن تَدَٰرَكَهُۥ نِعْمَةٌ مِّن رَّبِّهِۦ لَنُبِذَ بِٱلْعَرَآءِ وَهُوَ مَذْمُومٌ ٤٩
AzərbaycancaMəmmədəliyev – Bünyadov
Əgər Rəbbindən ona bir mərhəmət (ne’mət) yetişməsəydi, o, məzəmmət olunaraq quru yerə (səhraya) atılacaqdı.
AzərbaycancaAlıxan Musayev
Əgər Rəbbinin mərhəməti ona yetişməsəydi, o, qınanmış halda heç bir bitki bitməyən boş yerə atılacaqdı.
فَٱجْتَبَٰهُ رَبُّهُۥ فَجَعَلَهُۥ مِنَ ٱلصَّٰلِحِينَ ٥٠
AzərbaycancaMəmmədəliyev – Bünyadov
Amma (tövbə etdikdən sonra) Rəbbi onu (Öz bəndələri içərisində) seçdi və salehlərdən (peyğəmbərlərdən) etdi.
AzərbaycancaAlıxan Musayev
Lakin Rəbbi onu seçib əməlisalehlərdən etdi.
وَإِن يَكَادُ ٱلَّذِينَ كَفَرُوا۟ لَيُزْلِقُونَكَ بِأَبْصَٰرِهِمْ لَمَّا سَمِعُوا۟ ٱلذِّكْرَ وَيَقُولُونَ إِنَّهُۥ لَمَجْنُونٌ ٥١
AzərbaycancaMəmmədəliyev – Bünyadov
(Ya Peyğəmbər!) Həqiqətən, kafirlər Qur’anı eşitdikləri zaman (sənə olan həsədlərindən və qəzəblərindən dolayı) az qala səni gözləri ilə yeyələr. Onlar (sənin barəndə): “O divanədir!” – deyirlər.
AzərbaycancaAlıxan Musayev
Həqiqətən, kafirlər Zikri (Quranı) eşitdikləri zaman öz baxışları ilə az qala səni gözə gətirələr. Onlar çarəsizlikdən: “O, dəlidir!”– deyirlər.
وَمَا هُوَ إِلَّا ذِكْرٌ لِّلْعَٰلَمِينَ ٥٢
AzərbaycancaMəmmədəliyev – Bünyadov
Halbuki bu (Qur’an) aləmlərə (insanlara və cinlərə) ancaq bir öyüd-nəsihətdir! (Onun nazil olduğu kimsə heç vaxt divanə ola bilməz!)
AzərbaycancaAlıxan Musayev
Halbuki bu Quran aləmlər üçün öyüd-nəsihətdən başqa bir şey deyildir.