ٱلْحَآقَّةُ ١
AzərbaycancaMəmmədəliyev – Bünyadov
Haqq olan qiyamət!
AzərbaycancaAlıxan Musayev
Haqq olan Qiyamət!
سُورَةُ الحاقة
Haqqə surəsi
بِسۡمِ ٱللَّهِ ٱلرَّحۡمَٰنِ ٱلرَّحِيمِ
مَا ٱلْحَآقَّةُ ٢
AzərbaycancaMəmmədəliyev – Bünyadov
Nədir qiyamət?!
AzərbaycancaAlıxan Musayev
Nədir haqq olan Qiyamət?
وَمَآ أَدْرَىٰكَ مَا ٱلْحَآقَّةُ ٣
AzərbaycancaMəmmədəliyev – Bünyadov
Nə bilirsən (haradan bilirsən) ki, nədir qiyamət?! (Qiyamətin nə olduğunu sənə nə öyrətdi?)
AzərbaycancaAlıxan Musayev
Sən nə biləsən ki, nədir haqq olan Qiyamət?
كَذَّبَتْ ثَمُودُ وَعَادٌۢ بِٱلْقَارِعَةِ ٤
AzərbaycancaMəmmədəliyev – Bünyadov
Səmud da, Ad da (ürəkləri dəhşətə salan) o qiyaməti yalan saymışdılar!
AzərbaycancaAlıxan Musayev
Səmud və Ad tayfaları qəlbləri qorxuya salan Qiyaməti yalan saydılar.
فَأَمَّا ثَمُودُ فَأُهْلِكُوا۟ بِٱلطَّاغِيَةِ ٥
AzərbaycancaMəmmədəliyev – Bünyadov
Səmud (qövmü) hədsiz dərəcədə dəhşətli (tükürpədici) səslə həlak edildi.
AzərbaycancaAlıxan Musayev
Səmud tayfası qorxunc bir səslə məhv edildi.
وَأَمَّا عَادٌ فَأُهْلِكُوا۟ بِرِيحٍ صَرْصَرٍ عَاتِيَةٍ ٦
AzərbaycancaMəmmədəliyev – Bünyadov
Ad (qövmü) isə uğultulu, çox (soyuq və) siddətli bir küləklə tar-mar oldu.
AzərbaycancaAlıxan Musayev
Ad tayfası isə hədsiz soyuq və şiddətli küləklə yox edildi.
سَخَّرَهَا عَلَيْهِمْ سَبْعَ لَيَالٍ وَثَمَٰنِيَةَ أَيَّامٍ حُسُومًا فَتَرَى ٱلْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ ٧
AzərbaycancaMəmmədəliyev – Bünyadov
Allah o küləyi yeddi gecə, səkkiz gün ardı-arası kəsilmədən onların üstünə əsdirdi. Belə ki, (əgər yanlarında olsaydın) sən onları orada yıxılıb ölmüş görərdin. Onlar, sanki içi bomboş xurma kötükləri idilər.
AzərbaycancaAlıxan Musayev
Allah onu yeddi gecə, səkkiz gün fasilə vermədən onların üstündə əsdirdi. Sən orada olsaydın, o tayfanı xurma ağacının yıxılmış çürük gövdələri kimi yerə sərilmiş görərdin.
فَهَلْ تَرَىٰ لَهُم مِّنۢ بَاقِيَةٍ ٨
AzərbaycancaMəmmədəliyev – Bünyadov
İndi sən onlardan heç bir əsər-əlamət görə bilərsənmi?!
AzərbaycancaAlıxan Musayev
Sən onlardan qalan bir kimsəyə heç rast gəlmisənmi?
وَجَآءَ فِرْعَوْنُ وَمَن قَبْلَهُۥ وَٱلْمُؤْتَفِكَٰتُ بِٱلْخَاطِئَةِ ٩
AzərbaycancaMəmmədəliyev – Bünyadov
Fir’on da, ondan əvvəlkilər də, alt-üst olmuş Mö’təfikə əhli (Lut qövmü) də günah (xəta) törətmişdilər.
AzərbaycancaAlıxan Musayev
Firon da, ondan əvvəlkilər də, alt-üst olmuş kəndlər (Lut qövmü) də günah işlətmişdilər.
فَعَصَوْا۟ رَسُولَ رَبِّهِمْ فَأَخَذَهُمْ أَخْذَةً رَّابِيَةً ١٠
AzərbaycancaMəmmədəliyev – Bünyadov
Onlar Rəbbinin peyğəmbərinə asi olmuş, O da onları şiddəti getdikcə artan bir əzabla yaxalamışdı.
AzərbaycancaAlıxan Musayev
Onlar öz Rəbbinin elçisinə asi oldular, O da onları şiddəti artan bir əzabla yaxaladı.
إِنَّا لَمَّا طَغَا ٱلْمَآءُ حَمَلْنَٰكُمْ فِى ٱلْجَارِيَةِ ١١
AzərbaycancaMəmmədəliyev – Bünyadov
Həqiqətən, hər tərəfi su basdığı zaman (Nuhun tufanı qopduqda) sizi gəmiyə Biz daşıdıq.
AzərbaycancaAlıxan Musayev
Su aşıb-daşdıqda Biz sizi üzən gəmidə daşıdıq.
لِنَجْعَلَهَا لَكُمْ تَذْكِرَةً وَتَعِيَهَآ أُذُنٌ وَٰعِيَةٌ ١٢
AzərbaycancaMəmmədəliyev – Bünyadov
Ona görə ki, bunu (mö’minlərə nicat verib kafirləri məhv etməyimizi) sizə bir ibrət dərsi edək və dərk edən (öyüd-nəsihəti cani-dildən dinləyən) qulaq bunu eşidib yadda saxlasın!
AzərbaycancaAlıxan Musayev
Sizə bir xatırlatma olsun və yadda saxlayan qulaqlar onu yadda saxlasın deyə belə etdik.
فَإِذَا نُفِخَ فِى ٱلصُّورِ نَفْخَةٌ وَٰحِدَةٌ ١٣
AzərbaycancaMəmmədəliyev – Bünyadov
Sur bircə dəfə üfürüləcəyi;
AzərbaycancaAlıxan Musayev
Sur bircə dəfə üfürüləcəyi,
وَحُمِلَتِ ٱلْأَرْضُ وَٱلْجِبَالُ فَدُكَّتَا دَكَّةً وَٰحِدَةً ١٤
AzərbaycancaMəmmədəliyev – Bünyadov
Yer və dağlar qaldırılıb bircə dəfə bir-birinə çırpılacağı (əzilib toza dönəcəyi) zaman -
AzərbaycancaAlıxan Musayev
yer və dağlar qaldırılıb bircə dəfə bir-birinə çırpılacağı zaman –
فَيَوْمَئِذٍ وَقَعَتِ ٱلْوَاقِعَةُ ١٥
AzərbaycancaMəmmədəliyev – Bünyadov
Məhz o gün (vaqe olacağına heç bir şübhə olmayan) qiyamət qopacaqdır!
AzərbaycancaAlıxan Musayev
həmin gün Vaqiə qopacaq.
وَٱنشَقَّتِ ٱلسَّمَآءُ فَهِىَ يَوْمَئِذٍ وَاهِيَةٌ ١٦
AzərbaycancaMəmmədəliyev – Bünyadov
Və (göy) süst düşüb parçalanacaqdır!
AzərbaycancaAlıxan Musayev
Göy yarılacaq və həmin gün o, süst olacaqdır.
وَٱلْمَلَكُ عَلَىٰٓ أَرْجَآئِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَٰنِيَةٌ ١٧
AzərbaycancaMəmmədəliyev – Bünyadov
Mələklər də onun (göyün) ətrafında (Allahın əmrinə müntəzir) olacaq və həmin gün (ya Peyğəmbər!) sənin Rəbbinin ərşini onların (başı) üstündə səkkiz mələk daşıyacaqdır!
AzərbaycancaAlıxan Musayev
Mələklər isə onun ətrafında olacaqlar. O gün sənin Rəbbinin Ərşini səkkiz mələk daşıyacaqdır.
يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ ١٨
AzərbaycancaMəmmədəliyev – Bünyadov
O gün (ey insanlar!) siz (haqq-hesab üçün Rəbbinizin hüzuruna) gətiriləcəksiniz. Sizin heç bir sirriniz (Allahdan) gizli qalmayacaqdır!
AzərbaycancaAlıxan Musayev
O gün siz məhşərə gətiriləcəksiniz və heç bir sirriniz gizlədilməyəcəkdir.
فَأَمَّا مَنْ أُوتِىَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقْرَءُوا۟ كِتَٰبِيَهْ ١٩
AzərbaycancaMəmmədəliyev – Bünyadov
Əməl dəftəri sağ əlinə verilən kimsə deyəcəkdir: “Alın, əməl dəftərimi oxuyun!
AzərbaycancaAlıxan Musayev
Kitabı sağ əlinə verilən deyəcəkdir: “Budur, oxuyun kitabımı!
إِنِّى ظَنَنتُ أَنِّى مُلَٰقٍ حِسَابِيَهْ ٢٠
AzərbaycancaMəmmədəliyev – Bünyadov
Mən (dünyada ikən qiyamət günü) öz hesabıma yetişəcəyimə (möhkəm) inanmışdım!”
AzərbaycancaAlıxan Musayev
Mən bilirdim ki, etdiklərimin hesabına qovuşacağam”.
فَهُوَ فِى عِيشَةٍ رَّاضِيَةٍ ٢١
AzərbaycancaMəmmədəliyev – Bünyadov
Bundan belə o, xoş güzəran içində,
AzərbaycancaAlıxan Musayev
O, xoşbəxt həyat sürəcəkdir –
فِى جَنَّةٍ عَالِيَةٍ ٢٢
AzərbaycancaMəmmədəliyev – Bünyadov
Yüksək bir Cənətdə olacaqdır.
AzərbaycancaAlıxan Musayev
uca bir Cənnətdə –
قُطُوفُهَا دَانِيَةٌ ٢٣
AzərbaycancaMəmmədəliyev – Bünyadov
(Elə bir Cənnət ki, onun) meyvələri çox yaxındadır (mö’minlər onlardan ayaq üstə olanda da, oturanda da, uzananda da yeyə biləcəklər).
AzərbaycancaAlıxan Musayev
elə bir Cənnətdə ki, onun meyvələri lap yaxınlıqda olacaqdır.
كُلُوا۟ وَٱشْرَبُوا۟ هَنِيٓـًٔۢا بِمَآ أَسْلَفْتُمْ فِى ٱلْأَيَّامِ ٱلْخَالِيَةِ ٢٤
AzərbaycancaMəmmədəliyev – Bünyadov
(Onlara belə deyiləcəkdir:) “Keçmiş günlərdə etdiyiniz (yaxşı) əməllər müqabilində yeyin-için!”
AzərbaycancaAlıxan Musayev
Onlara: “Keçmiş günlərdə etdiyiniz əməllərə görə nuşcanlıqla yeyin-için!”– deyiləcəkdir
وَأَمَّا مَنْ أُوتِىَ كِتَٰبَهُۥ بِشِمَالِهِۦ فَيَقُولُ يَٰلَيْتَنِى لَمْ أُوتَ كِتَٰبِيَهْ ٢٥
AzərbaycancaMəmmədəliyev – Bünyadov
Əməl dəftəri sol əlinə verilən isə deyəcəkdir: “Kaş əməl dəftərim mənə verilməyəydi!
AzərbaycancaAlıxan Musayev
Kitabı sol əlinə verilən kimsə isə deyəcəkdir: “Kaş kitabım mənə verilməyəydi!
وَلَمْ أَدْرِ مَا حِسَابِيَهْ ٢٦
AzərbaycancaMəmmədəliyev – Bünyadov
Hesabımın nə olduğunu bilməyəydim!
AzərbaycancaAlıxan Musayev
Hesabımdan da xəbərim olmayaydı!
يَٰلَيْتَهَا كَانَتِ ٱلْقَاضِيَةَ ٢٧
AzərbaycancaMəmmədəliyev – Bünyadov
Kaş o (ölüm) qəti (əbədi) olaydı! (Bir daha dirilib bu əzabı görməyəydim!)
AzərbaycancaAlıxan Musayev
Kaş ilk ölümüm həmişəlik olaydı!
مَآ أَغْنَىٰ عَنِّى مَالِيَهْ ۜ ٢٨
AzərbaycancaMəmmədəliyev – Bünyadov
Mal-dövlətim mənə heç bir fayda vermədi (Allahın əzabını məndən dəf edə bilmədi).
AzərbaycancaAlıxan Musayev
Var-dövlətim məni əzabdan qurtarmadı.
هَلَكَ عَنِّى سُلْطَٰنِيَهْ ٢٩
AzərbaycancaMəmmədəliyev – Bünyadov
Mülküm (səltənətim) də məhv olub getdi!”
AzərbaycancaAlıxan Musayev
Hökmranlığım da məhv olub getdi”.
خُذُوهُ فَغُلُّوهُ ٣٠
AzərbaycancaMəmmədəliyev – Bünyadov
(Allah dərgahından belə bir nida gələcəkdir:) “Onu tutub qandallayın!
AzərbaycancaAlıxan Musayev
Mələklərə deyiləcək: “Onu yaxalayıb zəncirləyin!
ثُمَّ ٱلْجَحِيمَ صَلُّوهُ ٣١
AzərbaycancaMəmmədəliyev – Bünyadov
Sonra da Cəhənnəmə atın!
AzərbaycancaAlıxan Musayev
Sonra da Cəhənnəmə atın!
ثُمَّ فِى سِلْسِلَةٍ ذَرْعُهَا سَبْعُونَ ذِرَاعًا فَٱسْلُكُوهُ ٣٢
AzərbaycancaMəmmədəliyev – Bünyadov
Daha sonra onu yetmiş arşın uzunluğunda zəncirlə bağlayın!
AzərbaycancaAlıxan Musayev
Onu uzunluğu yetmiş dirsək olan zəncirə vurun!
إِنَّهُۥ كَانَ لَا يُؤْمِنُ بِٱللَّهِ ٱلْعَظِيمِ ٣٣
AzərbaycancaMəmmədəliyev – Bünyadov
Çünki o, böyük olan Allaha inanmırdı.
AzərbaycancaAlıxan Musayev
Çünki o, Böyük Allaha iman gətirmirdi,
وَلَا يَحُضُّ عَلَىٰ طَعَامِ ٱلْمِسْكِينِ ٣٤
AzərbaycancaMəmmədəliyev – Bünyadov
O (özü zəkat vermir, acizə, kimsəsizə kömək etmit, xalqda da) yoxsulu yedirtməyə rəğbət oyatmırdı.
AzərbaycancaAlıxan Musayev
və heç kəsi kasıbı yedirtməyə rəğbətləndirmirdi.
فَلَيْسَ لَهُ ٱلْيَوْمَ هَٰهُنَا حَمِيمٌ ٣٥
AzərbaycancaMəmmədəliyev – Bünyadov
Bu gün bax burda onun yaxın bir dostu yoxdur.
AzərbaycancaAlıxan Musayev
Bu gün burada onun üçün bir dost tapılmaz.
وَلَا طَعَامٌ إِلَّا مِنْ غِسْلِينٍ ٣٦
AzərbaycancaMəmmədəliyev – Bünyadov
İrindən başqa bir yeməyi də yoxdur.
AzərbaycancaAlıxan Musayev
Qanlı irindən başqa yeməyi də yoxdur.
لَّا يَأْكُلُهُۥٓ إِلَّا ٱلْخَٰطِـُٔونَ ٣٧
AzərbaycancaMəmmədəliyev – Bünyadov
Onu ancaq günahkarlar yeyər!”
AzərbaycancaAlıxan Musayev
Onu ancaq günahkarlar yeyər”.
فَلَآ أُقْسِمُ بِمَا تُبْصِرُونَ ٣٨
AzərbaycancaMəmmədəliyev – Bünyadov
And içirəm gördüklərinizə,
AzərbaycancaAlıxan Musayev
And içirəm həm gördüklərinizə
وَمَا لَا تُبْصِرُونَ ٣٩
AzərbaycancaMəmmədəliyev – Bünyadov
Və görmədiklərinizə ki,
AzərbaycancaAlıxan Musayev
və həm də görmədiklərinizə!
إِنَّهُۥ لَقَوْلُ رَسُولٍ كَرِيمٍ ٤٠
AzərbaycancaMəmmədəliyev – Bünyadov
Bu (Qur’an) çox möhtərəm bir elçinin (Cəbrailin, yaxud Muhəmməd əleyhissəlamın Allahın ona nazil etdiyi) sözüdür!
AzərbaycancaAlıxan Musayev
Bu, möhtərəm bir Elçinin sözüdür.
وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ ٤١
AzərbaycancaMəmmədəliyev – Bünyadov
O, şair sözü deyildir! Nə az inanırsınız!
AzərbaycancaAlıxan Musayev
O, şair sözü deyildir! Necə də az inanırsınız!
وَلَا بِقَوْلِ كَاهِنٍ ۚ قَلِيلًا مَّا تَذَكَّرُونَ ٤٢
AzərbaycancaMəmmədəliyev – Bünyadov
O, kahin sözü də deyildir! Nə az düşünürsünüz!
AzərbaycancaAlıxan Musayev
O, kahin sözü də deyildir! Necə də az düşünürsünüz!
تَنزِيلٌ مِّن رَّبِّ ٱلْعَٰلَمِينَ ٤٣
AzərbaycancaMəmmədəliyev – Bünyadov
O, aləmlərin Rəbbi tərəfindən nazil edilmişdir.
AzərbaycancaAlıxan Musayev
O, aləmlərin Rəbbi tərəfindən vəhy edilmişdir!
وَلَوْ تَقَوَّلَ عَلَيْنَا بَعْضَ ٱلْأَقَاوِيلِ ٤٤
AzərbaycancaMəmmədəliyev – Bünyadov
Əgər o (Peyğəmbər) özündən bə’zi sözlər uydurub Bizə isnad etsəydi,
AzərbaycancaAlıxan Musayev
Əgər Muhəmməd bəzi sözləri özündən uydurub Bizə aid etsəydi,
لَأَخَذْنَا مِنْهُ بِٱلْيَمِينِ ٤٥
AzərbaycancaMəmmədəliyev – Bünyadov
Biz ondan mütləq şiddətli intiqam alardıq (sağ əlini kəsərdik, yaxud boynunu vurardıq)!
AzərbaycancaAlıxan Musayev
Biz onu sağ əlindən yaxalayar,
ثُمَّ لَقَطَعْنَا مِنْهُ ٱلْوَتِينَ ٤٦
AzərbaycancaMəmmədəliyev – Bünyadov
Sonra onun şah damarını qopardardıq!
AzərbaycancaAlıxan Musayev
sonra da şah damarını kəsərdik.
فَمَا مِنكُم مِّنْ أَحَدٍ عَنْهُ حَٰجِزِينَ ٤٧
AzərbaycancaMəmmədəliyev – Bünyadov
Və heç biriniz də (Bizim əzabımızı) ondan dəf edə bilməzdiniz.
AzərbaycancaAlıxan Musayev
İçərinizdən heç kəs buna mane ola bilməzdi.
وَإِنَّهُۥ لَتَذْكِرَةٌ لِّلْمُتَّقِينَ ٤٨
AzərbaycancaMəmmədəliyev – Bünyadov
Şübhəsiz ki, bu (Qur’an) müttəqilərə bir öyüd-nəsihətdir.
AzərbaycancaAlıxan Musayev
Həqiqətən, bu Quran müttəqilər üçün bir nəsihətdir.
وَإِنَّا لَنَعْلَمُ أَنَّ مِنكُم مُّكَذِّبِينَ ٤٩
AzərbaycancaMəmmədəliyev – Bünyadov
(Ey insanlar!) İçərinizdə onu yalan hesab edənlər olduğunu da, əlbəttə, bilirik.
AzərbaycancaAlıxan Musayev
Aranızdan Quranı yalan sayanlar olduğunu da bilirik!
وَإِنَّهُۥ لَحَسْرَةٌ عَلَى ٱلْكَٰفِرِينَ ٥٠
AzərbaycancaMəmmədəliyev – Bünyadov
Şübhəsiz ki, bu (Qur’an) kafirlər üçün bir peşmançılıqdır (ona inanmadıqlarına görə qiyamət günü böyük zərər çəkəcəklər).
AzərbaycancaAlıxan Musayev
Həqiqətən, bu, kafirlər üçün bir peşmançılıqdır.
وَإِنَّهُۥ لَحَقُّ ٱلْيَقِينِ ٥١
AzərbaycancaMəmmədəliyev – Bünyadov
Doğrudan da, bu (Qur’an) gerçək bir həqiqətdir.
AzərbaycancaAlıxan Musayev
Sözsüz ki, bu Quran əsl həqiqətdir.
فَسَبِّحْ بِٱسْمِ رَبِّكَ ٱلْعَظِيمِ ٥٢
AzərbaycancaMəmmədəliyev – Bünyadov
Elə isə (ya Peyğəmbər!) sən ulu olan Rəbbinin adını təsbih (müqəddəs tutub həmd-səna ilə zikr) et!
AzərbaycancaAlıxan Musayev
Elə isə Böyük Rəbbinin adına təriflər de!